San Juan 18:3 - Xochapa Mixteco

³ Saa ndi̱xaa ra Judas xiꞌin iin tiꞌvi nda lapa, ta ndi̱xaa tu nda policía nda ndáa veꞌe ñuꞌu kaꞌnu va, ta nda sutu naꞌnu veꞌe ñuꞌu xiꞌin nda naꞌnu nuu nda fariseo, ku nda ti̱ꞌvi nda ikán, ndíso nda ñu̱ꞌu̱ xíxi saa túun nda ñu̱ꞌu̱ xiꞌin itin ta ndíso tu nda i̱chi va ndi̱xaa nda.

San Juan 18:3 Iomraidhean Croise

San Mateo 25:1

Saa ndi̱kaꞌan Jesús, káchi ra saa: ―Ná ndituꞌun i xiꞌin ndo ndá kuꞌva koo tá ná kaꞌnda chiñu Ndioxi ñuu ivi yóꞌó. Saa ndo̱ꞌo uxi ná kuâán vali ná kuaꞌan nuu viko tíndaꞌa. Uxi saa ná níꞌi ñu̱ꞌu̱ túun ná kuaꞌan ná ndikiꞌin ná ra tíndaꞌa.

San Juan 13:2

Saa ku̱u ndi̱kunduꞌu Jesús kuxini ra xiꞌin nda ítaꞌan xiꞌin ra, ta xa sikaꞌán va kiti nǎꞌa ini ra Judas Iscariote seꞌe ra Simón, ya ná nditaxi ra Jesús ndaꞌa na sáa ini xíni ra.

San Juan 18:12

Ta nda lapa xiꞌin ra ndíso chiñu nuu nda, xiꞌin nda ndáa veꞌe ñuꞌu kaꞌnu, ti̱in nda Jesús ka̱tun nda ra.

San Juan 18:18

Ta nda xáa chiñu nuu sutu xiꞌin nda ndáa veꞌe ñuꞌu ndikaꞌmi nda ñu̱ꞌu̱ saa ndíta nda ndísaa nda saa chi vixin ni. Ñaa ndi̱xaa ra Pedro ndíchi ra ndísaa ra xiꞌin nda.

San Juan 18:22

Tá ndi̱kaꞌan Jesús saa, ta iin ra policía ra ndáa veꞌe ñuꞌu xa̱kin ra iin xaꞌnda nuu Jesús, saa ndi̱kaꞌan ra xiꞌin ra, káchi ra saa: ―¿Án saa ndíkuiin un yuꞌu sutu ra chee? ―káchi ra xiꞌin ra.

San Juan 19:6

Tá xi̱ni nda naꞌnu nuu sutu xiꞌin na policía ikán, ta saa ndi̱ndaꞌi koꞌo na, káchi na saa: ―¡Chinuu ra nuu cruzin, chinuu ra nuu cruzin! ―káchi nda xiꞌin ra Pilato. Saa ndi̱kaꞌan ra Pilato xiꞌin na, káchi ra saa: ―Ndikiꞌin ndo ra, ta chinuu mií ndo ra nuu cruzin, chi yeꞌe ta köo kuachi ra ndi̱niꞌi i ―káchi ra.

San Juan 7:32

Saa xi̱ni soꞌo nda fariseo ya vaꞌa ni káꞌan naꞌa xaꞌa Jesús, ta iin ndi̱kitaꞌan yuꞌu nda xiꞌin sutu nda naꞌnu nuu na veꞌe ñuꞌu, ta sutu ikán ti̱ꞌvi nda naꞌa, na ndáa veꞌe ñuꞌu ya kuaꞌan na tiin na Jesús.

Los Hechos 1:16

―Ndóꞌo̱ ñani yo, Tachi I̱í Ndioxi ndi̱kaꞌan ya tixin tuꞌun ra ya ta̱a ra David xaꞌa ra Judas, ndi̱kaꞌan ya xaꞌa ra ya ndixiko ra Jesús, ta xaꞌa ya yóꞌó kua xi̱ndaka ra naꞌa ndi̱xaꞌan na xiꞌin ra ti̱in na Jesús, chi saa ku nuu ndi̱xinu tuꞌun Ndioxi ya xa íyo xaꞌa ra Judas ya xíniñuꞌu ra kundoꞌo ra saa.

Los Hechos 10:1

Ta íyo iin ra náni Cornelio ñuu Cesarea, kúu mií ra chiñu nuu iin ciento tiꞌvi nda lapa ñuu Roma. Ta tiꞌvi nda ikán káꞌan na xiꞌin Batallón Italiano.