San Juan 18:13 - Xochapa Mixteco

¹³ Xiꞌna nuu sutu ra náni Anás ndáka nda ra ndi̱xaa ra, saa chi siso ra Caifás ku ra ikán, ta ra Caifás ku ra xi̱nuu nuu ndiꞌi sutu kuiya ikán.

San Juan 18:13 Iomraidhean Croise

San Mateo 26:3

Ta suvi mií tiempo ikán íyo nda sutu naꞌnu nuu sutu xiꞌin nda sínaꞌa ley Ndioxi xiꞌin na xikuaꞌa nuu na judío, ndi̱kitaꞌan ndiꞌi na yeꞌe veꞌe ra Caifás, ra kaꞌnu nuu ndiꞌi sutu.

San Mateo 26:57

Saa ti̱in nda ra, ndi̱kiꞌin nda ra kuaꞌan xiꞌin nda nuu ra Caifás, ra ínuu nuu ndiꞌi sutu. Chi veꞌe ra ikán ku nuu ndi̱kitaꞌan ndiꞌi nda ndóo nda. Ikán ndóo nda sínaꞌa ley ya ta̱a ra Moisés tin na xikuaꞌa nuu na judío.

San Lucas 3:2

Ta ra Anás xiꞌin ra Caifás ku nda ndi̱xiyo sutu nda naꞌnu nuu ndiꞌi sutu ñuu Israel. Suvi tiempo nuu ku̱u ndiꞌi nda ikán chiñu kua ndi̱kaꞌan Ndioxi xiꞌin ra Juan, seꞌe ra Zacarías iku yuyu.

San Juan 11:49

Ta ra kúu sutu chee kuiya ikán ku ra náni Caifás, ta ndi̱kaꞌan ra ikán, káchi ra saa: ―¡Ndóꞌo̱ ta ni köo xíni mií vi ndo!

San Juan 11:51

Ndi̱kaꞌan ra saa, ta süvi ya íyo xiní mií ra kua ndi̱kaꞌan ra. Chi Ndioxi ku ra si̱ndikaꞌán ini ra ndi̱kaꞌan ra xaꞌa ya kúu ra sutu ra ínuu nuu ndiꞌi nda sutu kua ndikaꞌan ra saa ya xíniñuꞌu Jesús kuvi ra xaꞌa ndiꞌi na ñuu judío.

San Juan 18:24

Saa ti̱ꞌvi ra Anás Jesús kuaꞌan ra nuu ra Caifás, ra ínuu nuu ndiꞌi sutu. Ta núꞌni Jesús kuaꞌan ra nuu ra ikán.

San Juan 18:28

Ta naꞌa ni kua ta̱va na Jesús veꞌe ra Caifás, ta ndáka na ra kuaꞌan ra veꞌe chiñu kaꞌnu nuu ra gobernador. Ta köo ndi̱xiin nda kiꞌvi nda xiꞌin Jesús nuu ra ikán, xaꞌa ya köo kúni nda kuyakua nda ta saa vaꞌa kuxini nda viko pascua.

San Juan 19:11

Saa ndi̱kuiin Jesús káꞌan ra: ―Tá tu süvi Ndioxi ku ra ndi̱taxi ichí ndaꞌa un ya kaꞌnda chiñu un xaꞌa i, ta nda iin ichí köo kúu mií un, ndi̱kuu. Sundi taa, ra ndi̱taxi yeꞌe ndaꞌa un ta chee ni ka kuachi ndíso ra ikán nuu yóꞌo̱ ―káchi Jesús xiꞌin ra Pilato.

Los Hechos 4:6

Ikán íin ra Anás, ra ínuu nuu ndiꞌi nda sutu, xiꞌin ra Caifás tin ra Juan xiꞌin ra Alejandro, inka nda veꞌe sutu nda naꞌnu.