San Juan 17:4 - Xochapa Mixteco

⁴ ’Ta chi̱nuu vaꞌa ni i ya toꞌo un nuu ndiꞌi na ñuu ivi, ta vitin si̱xinu ndiꞌi i chiñu ya ta̱xi un ndaꞌa i xaa súvi i.

San Juan 17:4 Iomraidhean Croise

San Lucas 22:37

Chi vitin kua ti̱ndaa kivi ya xaa ndúvi i ya ta̱a iin ra ndi̱kaꞌan ndoso tuꞌun yuꞌu Ndioxi, káchi ya saa: “Tá kuꞌva ndóꞌo iin ra väꞌa, ra xáꞌni ndii saa kundoꞌo i”, káchi ya ta̱a ra xaꞌa i. Saa chi ndiꞌi ya íyo xaꞌa i ta xinu ndiꞌi ya ―káchi Jesús xiꞌin nda.

San Juan 12:28

Ta saa ndi̱kaꞌan ra xiꞌin Ndioxi, káchi ra saa: ―Tata Iva i, vaꞌa xaa súvi un chiñu ya ná xaa kaꞌnu na yóꞌo̱ ―káchi ra. Ta saa ke̱ta tachi Ndioxi nuu ndivi ndi̱kaꞌan ya, káchi ya saa: ―Xa xa̱a súvi i chiñu chee ni ya xaa kaꞌnu na yeꞌe saa chinuu sukun ni na ya toꞌo i, ta ikan tuku i saa ―káchi Ndioxi.

San Juan 14:13

Ta ndiꞌi ya ndúku ndo nuu Iva i Ndioxi xiꞌin kivi i, ta xaa súvi i ya xiꞌin ndo. Xaꞌa ya ikan i xiꞌin ndo kua ndikunuu vaꞌa ni ya toꞌo Iva i Ndioxi tixin yeꞌe kúu Seꞌe ra.

San Juan 14:31

Sundi ya ná kundaa ini na ñuu ivi, ya ndixa kua kúꞌvi ini i xíni i Iva i Ndioxi, yakan xáa súvi i chiñu ya xa̱ꞌnda chiñu ra nuu i. Ta vitin ndikuita ndo, koꞌo yo ―káchi Jesús xiꞌin nda ítaꞌan xiꞌin ra.

San Juan 15:10

Tá tu xáa súvi ndo ya xáꞌnda chiñu i nuu ndo, ta saa kua koo tuun ndo xiꞌin i, chi kúꞌvi ni ini i xíni i ndóꞌo̱, ta kuꞌva saa kua xáa súvi yeꞌe ya xáꞌnda chiñu Iva i yakan íyo tuun i xiꞌin ra ta kúꞌvi ni ini ra xíni ra yeꞌe.

San Juan 19:28

Jesús ta xa kúndaa ini ra, ya xa xa̱a súvi ndiꞌi ra chiñu ya ta̱xi Ndioxi ndaꞌa ra, saa ndi̱kaꞌan ra inka tuꞌun, ya xa̱a súvi ra tuꞌun Ndioxi, ya ta̱a na xinaꞌa, káchi ra saa: ―Íchi ni i tikuii ―káchi ra.

San Juan 19:30

Tá ndiꞌi xi̱ꞌi Jesús nduta vinu iyá ikán saa ndi̱kaꞌan ra: ―Vitin ku nuu ndi̱xinu ndiꞌi ya ―káchi ra. Saa ndi̱kuita ndee xiní ra ta ndi̱taxi ra ya vaꞌa ra ndaꞌa Ndioxi, ñaa ndi̱xiꞌi ra.

San Juan 4:34

Ta saa ndi̱kuiin Jesús káꞌan ra xiꞌin nda, káchi ra saa: ―Tá káa ñaꞌa ya xíxi i saa káa ya xáa súvi ndiꞌi i ya kúni Ndioxi ta ndakua sixinu ndiꞌi i chiñu ya ta̱xi ra ndaꞌa i.

San Juan 5:36

Sundi íyo inka ya ndíkuiin xaꞌa i, ta ndee ni ka ya ikán nuu ya ndi̱kaꞌan ra Juan. Ta ya ikán ku chiñu ya ndi̱kaꞌan Iva i Ndioxi xiꞌin i ikan i. Ta chiñu ikán ku ya ndíkuiin teꞌe xaꞌa i, ya ndixa kua ti̱ꞌvi Iva i yeꞌe vaxi i.

San Juan 9:3

Saa ndi̱kuiin Jesús, káꞌan ra: ―Süvi xaꞌa kuachi mií ra kua, ta ni süvi xaꞌa kuachi iva siꞌí ra kua. Xaꞌa ya ná kuni naꞌa yatuꞌun ikan Ndioxi xiꞌin va ra kua ndo̱ꞌo ra saa.

Los Hechos 20:24

Ta nda iin ñaꞌa küvi kasi nuu i xaꞌa chiñu ya íkan i, ni köo ndíꞌi ini i, tá tu kuvi i xaꞌa ra, ta vaꞌa kuvi va i xaꞌa ra. Chi ya ndee ni ndíꞌi ini i xaꞌa kua sixinu i chiñu nuu ra ya ta̱xi ra ndaꞌa i xaa súvi i nuu ra ya ndikuiin i kaꞌan ndoso i tuꞌun vaꞌa xaꞌa ra xiꞌin naꞌa ya ná kundaa ini na ndá kuꞌva kúꞌvi ni ini Ndioxi xíni ra na.

2 Timoteo 4:7

Tá káa iin ra lapa, ra ndee ni vaꞌa xíka nuu kuachi, saa íyo i. Ta íyo tu i tá káa iin taa, ra ndee ni vaꞌa xínu va, chi ndee ni chi̱kaa ini i xa̱a súvi ni i chiñu nuu Tata yo Jesucristo, ta vitin xa si̱xinu ndiꞌi i chiñu i̱kan i nuu ra. Ta köo ndi̱sindoo i ichí ra, ndee ni ndáa ini i xíni i ra.