San Juan 17:23 - Xochapa Mixteco

²³ Yeꞌe ku ra íyo xiꞌin na yóꞌó, ta yóꞌo̱ ku un íyo xiꞌin yeꞌe, yakan vaꞌa ni nduu na iin yuꞌu xiꞌin taꞌan na, ta saa kua kundaa ini na ñuu ivi yóꞌó, ya ti̱ꞌvi un yeꞌe vaxi i. Ta kuni na ya kúꞌvi ni ini un xíni un na ndíkun yeꞌe, tá kuꞌva kúꞌvi ini un xíni un yeꞌe, saa kúꞌvi ini un xíni un na.

San Juan 17:23 Iomraidhean Croise

San Juan 10:38

Tá tu xáa súvi i chiñu Iva i, ta vaꞌa kandixa ndo ya ikán, vani ná kändixa ndo yeꞌe. Tá tu kándixa ndo ya íkan i, ta saa kundaa ini ndo ya íyo Iva i xiꞌin i, ta yeꞌe íyo i xiꞌin ra ―káchi Jesús xiꞌin nda.

San Juan 13:35

Tá tu kúꞌvi ni ini ndo xíni taꞌan ndo, ta saa kuni ndiꞌi naꞌa ya ítaꞌan ndo xiꞌin i ―káchi ra xiꞌin nda.

San Juan 14:10

¿Án köo kándixa un yeꞌe ya íyo i xiꞌin Iva i, ta Iva i íyo ra xiꞌin i? Ndiꞌi ya káꞌan i xiꞌin ndo ta süvi xiní mií i kána ya káꞌan i xiꞌin ndo. Tuꞌun mií ra kua káꞌan i xiꞌin ndo, ta íkan ra chiñu kúni mií ra tixin yeꞌe.

San Juan 14:23

Saa ndi̱kuiin Jesús, káꞌan ra: ―Na kúꞌvi ini xíni yeꞌe, ta xáa súvi na ya káꞌan i xiꞌin na ta kuꞌvi ini Iva i kuni ra na, ta saa kixi Iva i tin yeꞌe, kixi nde koo nde xiꞌin na.

San Juan 15:9

Ta Iva i ta kúꞌvi ni ini ra xíni ra yeꞌe, ta saa yeꞌe kúꞌvi ni ini i xíni i ndóꞌo̱, yakan kutaꞌan tuun ni ndo xiꞌin i xaꞌa ya kúꞌvi ni ini i xíni i ndóꞌo̱.

San Juan 16:27

Saa chi Iva i ta kúꞌvi ni ini ra xíni ra ndóꞌo̱, saa chi kúꞌvi ni ini ndo xíni ndo yeꞌe, ta kándixa ndo yeꞌe ya ke̱e i nuu ra.

San Juan 17:11

’Tata, Iva i Ndioxi, ra i̱í, yeꞌe ta köo ka i koo ñuu ivi yóꞌó, sundi na ndíkun yeꞌe ta ndoo na koo na yóꞌó, yakan xíkan ni i ya mani nuu un xaꞌa na. Kundaa ni un na xiꞌin ndee kúu mií kivi un ta saa ná nduu na iin tá kuꞌva íin mií yo.

San Juan 17:21

ya ná kutaꞌan vaꞌa na xiꞌin taꞌan na, tá kuꞌva íyo mií yo xiꞌin taꞌan yo Iva mani. Ta saa iin yuꞌu ná koo na xiꞌin yo, saa kundaa ini na ñuu ivi ya ti̱ꞌvi un yeꞌe vaxi i.

San Juan 17:24

’Tata Iva yo, na ta̱xi un ndaꞌa i ndíkun yeꞌe, ta kúni i ná koo na xiꞌin i nuu ndivi nuu koo i. Saa kuni na ndiꞌi ya vaꞌa, ya luvi ta̱xi un ndaꞌa i, saa chi yóꞌo̱ ta kúꞌvi ni ini un xíni un yeꞌe, nda tá täꞌan xikoo xaꞌa ñuu ivi yóꞌó vi kúꞌvi ni ini un xíni un yeꞌe.

San Juan 17:26

Ta xa si̱naꞌa i na yóꞌó xaꞌa ndee kúu mií kivi un saa sinaꞌa ka i na. Íkan i saa ya ná koo ni ya kúꞌvi ini un xiꞌin na, tá kuꞌva kúꞌvi ni ini un xíni un yeꞌe, saa íkan tu yeꞌe va xiꞌin na, koo i xiꞌin na ―káchi Jesús ndi̱kaꞌan ra xiꞌin Ndioxi.

San Juan 17:3

Ta ya kutaku na ndiꞌi saa ichí kua kúni kachi ya ná kuni vaꞌa na ini un, chi iin yóꞌo̱ ku Ndioxi ra ndaa ni xiꞌin Jesucristo, ra ti̱ꞌvi un vaxi ñuu ivi yóꞌó.

San Juan 17:8

Ta̱xi i tuꞌun un ndaꞌa na ya ta̱xi un ndaꞌa i, ta vaꞌa ni ndi̱kiꞌin na ya. Ta ku̱ndaa ini na ya ndixa kua ke̱e i nuu un, ta kándixa na yóꞌo̱ ku ra ti̱ꞌvi yeꞌe vaxi i.

San Juan 3:17

Chi köo ndi̱tiꞌvi Ndioxi Seꞌe ra vaxi ra ñuu ivi ya sitixuꞌvi ra na ñuu ivi, sundi ti̱ꞌvi ñaꞌa ra vaxi ra sikaku ra na.

San Juan 6:56

Ndiꞌi na xíxi kuñu i ta xíꞌi na níi i, na ikán ku na ítaꞌan vaꞌa ni xiꞌin i, saa tu yeꞌe va íyo i xiꞌin na.

1 Corintios 1:30

Ta Ndioxi i̱kan ra saa, si̱kitaꞌan ra ndóꞌo̱ xiꞌin Tata yo Jesucristo. Ta mií Tata yo Jesucristo ku ra táxi ya ndíchi ndaꞌa yo, saa ndása tu ra yoo ndúu yo naꞌa, na köo ka kuachi kúu mií nuu ra, ta ndása i̱í ra yoo, saa ndáxin ra yoo ndaꞌa kuachi nuu núꞌni yo.

2 Corintios 5:21

Nda iin kuachi köo ndi̱kan Jesucristo, ta xaꞌa kuachi yoo kua si̱kuiso Ndioxi kuachi sata ra, ya ná kuchiñu yoo nduu yo tá íin naꞌa, na köo ka kuachi kúu mií nuu Ndioxi, xaꞌa ya ndi̱kitaꞌan yo xiꞌin Jesucristo.

Gálatas 3:28

Iin nuu ndu̱u ndiꞌi yo xiꞌin Jesucristo, iin káchi ndáa yaꞌvi ndiꞌi yo, án yo judío ku yo, án süvi yo judío ku yo, án yo sa̱ta naꞌa xáa chiñu nuu na ku yo, án süvi yo ndi̱sata na ku yo, án taa ku yo án ná ñaꞌa ku ná, ta iin káchi ndáa yaꞌvi ndiꞌi yo nuu Ndioxi.

Filipenses 3:15

Ta kuꞌva saa ná ndikani ini ndiꞌi yo xa xa̱ꞌnu tuꞌun Ndioxi nima. Tá ndá tu ndóꞌo̱ köo ndíkani ini kuꞌva saa, ta xa síin ndíkani ini ndo, ta mií Ndioxi ku ra sinaꞌa ndóꞌo̱ ndá kuꞌva ndikani ini ndo.

Colosenses 1:28

Ta ndeꞌe káꞌan ndoso nde xaꞌa ra xiꞌin ndiꞌi naꞌa, ndíkani nde nuu na, saa sínaꞌa nde na xaꞌa ndiꞌi tuꞌun ra ya ndíchi táxi Ndioxi ndaꞌa nde. Chi kúni i sinaꞌa i na yóꞌó nuu Ndioxi ya nduu na naꞌa, na ndǎku ni ini nuu ra, ta xa ku̱ndaa vaꞌa ini na xiꞌin tuꞌun ra.

Colosenses 2:2

Saa ná taxi ni Ndioxi ndee ndaꞌa ndo ya xaꞌa ni ndo ndee xiꞌin taꞌan ndo xaꞌa ya kúꞌvi ni ini ndo xínitaꞌan ndo. Xaꞌa ya ñaa kua ndítuꞌun ni i xiꞌin ndo, ndíkani i nuu ndo chi kúꞌvi ni ini i xíni i ndóꞌo̱. Ta vaꞌa ná taxi ra ndukuika ni ndo xiꞌin ya ndíchi ni chi̱tuni Ndioxi ndi̱xiyo sěꞌe yachi, chi ya ndi̱xiyo sěꞌe ikán ku mií Tata yo Jesucristo.

Colosenses 3:14

Chi ya ndee ni xíniñuꞌu ndo ikan ndo xiꞌin taꞌan ndo kua yóꞌó: kuꞌvi ni ini ndo kuni taꞌan ndo, chi tá íkan ndo saa xiꞌin taꞌan ndo, ta saa kua ndíkundoo mani ndo xiꞌin taꞌan ndo.

1 Pedro 5:10

Sundi ndóꞌo̱ ta kündiꞌi ini ndo chi tá sindiꞌi ndi̱yaꞌa uvi ndaa kivi ya ndi̱xuꞌvi ni ndo, ta mií Ndioxi ku ra ndasa xuxa ini ndo, ta saa taxi ra ndee ndaꞌa ndo ya tuun ni kundikun ndo ra, saa niꞌi ndo ndee nuu ra ndundee ini ndo ta ta̱xi ra ichí ndaꞌa ndo tuun ni koo ndo xiꞌin ra.

1 Juan 1:3

Ya xi̱ni nde xiꞌin ya xi̱ni soꞌo nde ndi̱kaꞌan ra, ya yóꞌó kua káꞌan nde xiꞌin ndo ya ná ndikitaꞌan ndo xiꞌin nde ya koo ndiꞌi yo iin yuꞌu. Ta saa ndixa iin yuꞌu ná koo ndiꞌi yo xiꞌin taꞌan yo. Chi ndeꞌe ta ndixa iin yuꞌu íyo nde xiꞌin Iva yo Ndioxi tin Jesucristo ra kúu Seꞌe ra.

1 Juan 3:1

¡Koto ndo vii! Iva yo Ndioxi ta yáꞌa ni kúꞌvi ini ra xíni ra yoo, yakan táxi ra kunani yo seꞌe ra ta ya ndaa kua kúu yo seꞌe ra. Xaꞌa ya kúu yo seꞌe ra yakan köo kúni na ñuu ivi yóꞌó kuni na mií yo. Saa chi ni mií ra ta köo ndi̱xiin na kuni ñaꞌa na.

1 Juan 4:19

Kúꞌvi ini yo xíni yo Ndioxi xiꞌin na taꞌan yo, saa chi xiꞌna mií ra ku ra xa̱á kúꞌvi ni ini xi̱ni yoo.

El Apocalipsis 3:9

Kúni i kundaa ini ndo unkua ikan i xiꞌin naꞌa, na vata na xáa súvi ya sínaꞌa kiti nǎꞌa, ti Satanás. Na vata ku na chi káꞌan na kúu na judío na ndíkun ichí Ndioxi, ta süvi ya ndaa kua káꞌan na. Ta vaxi kivi kuꞌun na sikusiti na nuu ndo, ta saa kundaa ini na ya kúꞌvi ni ini i xíni i ndóꞌo̱.