San Juan 17:13 - Xochapa Mixteco

¹³ ’Sundi vitin ta ndiko koo i xaa i nuu un, tá íyo ka i ñuu ivi yóꞌó xiꞌin na, ta ndítuꞌun i tuꞌun yóꞌó xiꞌin na ya ná kuni soꞌo na, ta kusini ni na tá kuꞌva kúsini ni yo.

San Juan 17:13 Iomraidhean Croise

San Juan 13:3

Xa xíni Jesús ya ta̱xi ndiꞌi Iva ra ñaꞌa ndaꞌa ra, ta xíni ra ke̱e ra nuu Ndioxi, ta saa ndiko koo ra kuꞌun ra.

San Juan 15:11

’Ya yóꞌó kua káꞌan i xiꞌin ndo ya ná koo ya sií ni íyo nuu i xiꞌin ndo, ta saa kua ná kusini ni ka ndo.

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

San Juan 17:11

’Tata, Iva i Ndioxi, ra i̱í, yeꞌe ta köo ka i koo ñuu ivi yóꞌó, sundi na ndíkun yeꞌe ta ndoo na koo na yóꞌó, yakan xíkan ni i ya mani nuu un xaꞌa na. Kundaa ni un na xiꞌin ndee kúu mií kivi un ta saa ná nduu na iin tá kuꞌva íin mií yo.

San Juan 3:29

Ta vitin ná kundaa ini ndo chi tá kúu nuu íyo viko tíndaꞌa, ta ra íin xiꞌin ñaꞌa yá tíndaꞌa ikán kuu ií yá, sundi ra íyo yati xiín ií yá, tá xíni soꞌo ra ya káꞌan ra ta kúsini ni ra tá xíni soꞌo ra tachi ra. Ta saa ndóꞌo yeꞌe, kúsini ni i chi xa xa̱a ra vitin.

San Juan 7:33

Saa ndi̱kaꞌan Jesús xiꞌin na, káchi ra saa: ―Siloꞌo ni va tiempo íyo i xiꞌin ndo, ta saa ndiko koo i kuꞌun i nuu ra ti̱ꞌvi yeꞌe vaxi i.

Los Hechos 13:52

Sundi na kándixa Jesús ndóo ñuu Antioquía ta kúsini ni na, chi ndee ni íyo Tachi I̱í Ndioxi xiꞌin na.

ROMANOS 14:17

Xíniñuꞌu yo kundaa ini yo chi süvi xaꞌa ya xíxi yo, ta ni süvi xaꞌa nduta xíꞌi yo kua ndáa yaꞌvi ni chindee yoo koo yo nuu xáꞌnda chiñu Ndioxi. Ya ndee ni ndee ku ya ikan yo ya vaꞌa, ya ndaa xiꞌin taꞌan yo, ta vívií ná koo yo xiꞌin taꞌan yo, ná kusini ni yo xaꞌa ya ta̱xi Tachi I̱í Ndioxi ndaꞌa yo ya koo vaꞌa ni ini yo.

Gálatas 5:22

Ta süvi saa íkan Tachi I̱í Ndioxi xiꞌin yo, chi ya chíndee taꞌan ka va kua xiꞌin yo kuꞌvi ini yo kuni yo na taꞌan yo, saa táxi ya kusini ni yo, ta táxi ya íyo vaꞌa ini yo xiꞌin taꞌan yo, saa táxi ya ndúu yo na kaꞌnu ini, ta táxi ya ndúu yo na toꞌo ni ini, saa táxi tu ya ndúu yo naꞌa, na tái ni ini, ta táxi tu ya ndúu yo naꞌa na ndáa ni ini naꞌa xíni na án Ndioxi ta ndáa ini ra xíni ra yoo,

HEBREOS 12:2

Ta iindaa mituꞌun xaꞌa Tata yo Jesucristo kua ná kundiꞌi ni ini yo, saa chi mií ra ku ra sínaꞌa yoo ndá kuꞌva kua kundaa ni ini yo kuni yo Ndioxi, saa tu iindaa mituꞌun mií ra ku ra chíndee yoo, ndása vaꞌa ra kuꞌva ndáa ni ini yo xíni yo Ndioxi. Ta saa ndi̱xaꞌa ndee ndiꞌi ini ra ndoꞌo ni ra nuu cruzin, ta köo ndi̱kiꞌin ra kuenta xaꞌa ya kúkaꞌan nuu ra, chi kúndaa ini ra tá si̱ndiꞌi ndo̱ꞌo ra saa ta kusini ni ra. Ta vitin ndi̱kunduꞌu ra ñaꞌñu kuáꞌá Ndioxi xáꞌnda chiñu ra xiꞌin Ndioxi.

1 Juan 1:4

Ta ya táa nde tutu yóꞌó xaa ya ndaꞌa ndo, ta ya vaꞌa ná kusini ni ka va ndo kua.

2 Juan 1:12

Íyo kuaꞌa ni ka ya kúni i kaꞌan i xiꞌin ndo ta köo kúni i taa i ya nuu tutu yóꞌó. Vaꞌa ka kaꞌan yuꞌu i xiꞌin ndo nda ná xaa i koto i ndóꞌo̱, saa chi kúni i xaa i koto i ndóꞌo̱. Ta saa kua kusini ni ndiꞌi yo.