San Juan 17:12 - Xochapa Mixteco

¹² Tá ndi̱xiyo i ñuu ivi yóꞌó xiꞌin na ta xi̱ndaa i na ta̱xi un ndaꞌa i, xi̱ndaa i na xiꞌin ndee kúu mií kivi un. Ta nda iin na köo ndi̱kindaa na ndaꞌa i. Iindaa ra xa íyo tuꞌun xaꞌa ndiꞌi xaꞌa ku ra ndi̱ꞌi xaꞌa, saa ndi̱xinu ya káꞌan tuꞌun Ndioxi ya ta̱a na xinaꞌa.

San Juan 17:12 Iomraidhean Croise

San Juan 13:18

’Süvi xaꞌa ndiꞌi ndo káꞌan i, chi yeꞌe ta xa xíni va i unku ndóꞌo̱ ndi̱kaxin i. Ta ndixa xíniñuꞌu xinu nuu tuꞌun Ndioxi ya ta̱a na xinaꞌa, káchi ya saa: “Iin taa, ra xíxi xita vaꞌa xiꞌin i ku ra ndi̱kiꞌvi kuachi xiꞌin i”, káchi tuꞌun Ndioxi.

San Juan 17:6

’Ivi na ndi̱kaxin un ta̱xi un ndaꞌa i ta si̱naꞌa i yóꞌo̱ nuu na. Na ndíkun yóꞌo̱ ku na, ta ta̱xi un na ndaꞌa i. Ta xáa súvi ndiꞌi na tuꞌun un ya ndi̱kaꞌan i xiꞌin na.

San Juan 18:9

Ndi̱kaꞌan Jesús saa nuu xa̱a súvi ra ya ndi̱kaꞌan ra káchi ra saa: “Nda ta̱xi un ndaꞌa i, ta nda iin nda köo ndi̱sindañuꞌu i”, káchi Jesús xiꞌin Ndioxi tá yachi.

San Juan 6:37

Ndiꞌi na táxi Iva i Ndioxi ndaꞌa i, ta vaxi na nuu i, ta ndiꞌi na vaxi nuu i ta täva i na keꞌe.

Los Hechos 1:25

ndikiꞌin chiñu taꞌan ya i̱kan ra Judas, ra xi̱taꞌan xiꞌin nde, chi ra ikán ta si̱ndoo ra chiñu ya ta̱xi un ndaꞌa ra, ndi̱xiꞌi ra xaꞌa kuachi ra. Yakan kuaꞌan ra nuu xíniñuꞌu ra kuꞌun ra ―káchi nda xiꞌin Ndioxi.

Filipenses 2:9

Xaꞌa ya yóꞌó kua chi̱nuu sukun ni Ndioxi ra, saa ta̱xi ra iin kivi ra ndaꞌa ra, ta iindaa kivi ra ikán kua ndee ni ka chee nuu ndiꞌi ndá ka kivi ya íyo.

2 Tesalonicenses 2:3

Täxi ndo sindaꞌvi nda iin naꞌa ndóꞌo̱. Saa chi tá ná tindaa kivi ya ndiko koo tuku Tata yo Jesucristo kixi ra ñuu ivi yóꞌó, ta xiꞌna ka na sáa ini xíni Ndioxi ku na ndikuita kani taꞌan na xiꞌin ra. Sindiꞌi ikán saa keta taa, ra nduvaꞌa ni ini, ra nǎꞌa, ra chi̱tuni Ndioxi ndiꞌi xaꞌa.

HEBREOS 2:13

Ta saa káꞌan tuku ra, káchi ra saa: Iva i Ndioxi ku ra ndáa ni ini i, káchi ra. Ta saa káꞌan ka ra, káchi ra saa: Iva yo, yóꞌó íyo i xiꞌin seꞌe un na ta̱xi un ndaꞌa i, káchi ra.

1 Juan 2:19

Ta na sáa ini xíni Tata yo Jesucristo ku na xi̱ñuꞌu xiꞌin yo ta ka̱na koo na kuaꞌan na, chi süvi taꞌan yo ku na, chi tá tu na taꞌan yo ndi̱xiyo na ta kuñuꞌu na xiꞌin yo, ndikuu. Ta na ñaa ta ka̱na koo na tañu yo kuaꞌan na, ya ñaa sínaꞌa yoo süvi ndiꞌi na ndixa ndíkun sata ra.

El Apocalipsis 19:12

Yéꞌe̱ ni nduchi nuu ra, tá kuꞌva yéꞌe̱ ñu̱ꞌu̱ xíxi saa yéꞌe̱ ya. Saa ndóso kuaꞌa ni corona xiní ra. Saa ndi̱kaꞌi kivi ra taan ra, ta nda iin naꞌa köo kúndaa ini unkua káꞌan ya, ndisaa mií ra xíni unkua káꞌan ya.