San Juan 17:11 - Xochapa Mixteco

¹¹ ’Tata, Iva i Ndioxi, ra i̱í, yeꞌe ta köo ka i koo ñuu ivi yóꞌó, sundi na ndíkun yeꞌe ta ndoo na koo na yóꞌó, yakan xíkan ni i ya mani nuu un xaꞌa na. Kundaa ni un na xiꞌin ndee kúu mií kivi un ta saa ná nduu na iin tá kuꞌva íin mií yo.

San Juan 17:11 Iomraidhean Croise

San Mateo 10:16

Tiꞌvi i ndóꞌo̱ kuꞌun ndo ndikani ndo tuꞌun Ndioxi nuu naꞌa, ta ìyo ni kuꞌun ndo, nda tá ìyo kuaꞌan levo ñaꞌñu nuu íyo ni kiti ndivaꞌi, saa ìyo kuꞌun ndo tañu naꞌa. Tá kuꞌva íkan kiti ko̱ó, saa koo ndo, ndíchi vaꞌa koo ndo, saa tu tá kuꞌva íin kiti paloma köo kueꞌe ri, kuꞌva saa koo ndo.

San Mateo 5:48

Xaꞌa ya ñaa kua ná koo ndo naꞌa, na ndaa ini, tá kuꞌva íyo Iva yo Ndioxi ra i̱í, ra ndaa ini ―káchi Jesús xiꞌin na.

San Mateo 6:9

Ta vaꞌa, tá káꞌan ndo xiꞌin ra, ta soꞌva kaꞌan ndo xiꞌin ra: “Tata Iva yo Ndioxi, ra íyo nuu ndivi, ná xaa toꞌo ni naꞌa kivi un.

San Juan 13:1

Yachi tixin viko pascua. Ta xa ku̱ndaa ini Jesús ya ti̱ndaa hora sindoo ra ñuu ivi yóꞌó, ta ndiko koo ra kuꞌun ra nuu Iva ra. Ta ndiꞌi saa ichí ku̱ꞌvi ni ini ra xi̱ni ra nda ítaꞌan xiꞌin ra ñuu ivi yóꞌó, ta saa si̱naꞌa ra mií ra nuu nda ya ndixa ni kúꞌvi ini ra xi̱ni ñaꞌa ra nda kivi sindiꞌi.

San Juan 13:3

Xa xíni Jesús ya ta̱xi ndiꞌi Iva ra ñaꞌa ndaꞌa ra, ta xíni ra ke̱e ra nuu Ndioxi, ta saa ndiko koo ra kuꞌun ra.

San Juan 14:20

Tá ná tindaa kivi nuu ndixa kutaku ndo, ta saa kuni ndo ya ndixa iin kuu i xiꞌin Iva i, ta saa ndóꞌo̱ iin ku ndo xiꞌin i, ta yeꞌe iin ku i xiꞌin ndo.

San Juan 16:28

Nuu Iva i ke̱e i vaxi i ñuu ivi yóꞌó, ta vitin sindoo i ñuu ivi yóꞌó ta ndiko koo tuku i kuꞌun i nuu ra ―káchi Jesús xiꞌin nda.

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

San Juan 17:23

Yeꞌe ku ra íyo xiꞌin na yóꞌó, ta yóꞌo̱ ku un íyo xiꞌin yeꞌe, yakan vaꞌa ni nduu na iin yuꞌu xiꞌin taꞌan na, ta saa kua kundaa ini na ñuu ivi yóꞌó, ya ti̱ꞌvi un yeꞌe vaxi i. Ta kuni na ya kúꞌvi ni ini un xíni un na ndíkun yeꞌe, tá kuꞌva kúꞌvi ini un xíni un yeꞌe, saa kúꞌvi ini un xíni un na.

San Juan 17:25

Tata Iva yo, ra vaꞌa, ra ndaa ni kuu mií un. Na ndíkun ñuu ivi yóꞌó ta köo xíni na yóꞌo̱, sundi yeꞌe ta xíni i yóꞌo̱, ta na ndíkun yeꞌe xa xíni na yóꞌo̱ ku ra ti̱ꞌvi yeꞌe vaxi i.

San Juan 17:6

’Ivi na ndi̱kaxin un ta̱xi un ndaꞌa i ta si̱naꞌa i yóꞌo̱ nuu na. Na ndíkun yóꞌo̱ ku na, ta ta̱xi un na ndaꞌa i. Ta xáa súvi ndiꞌi na tuꞌun un ya ndi̱kaꞌan i xiꞌin na.

San Juan 7:33

Saa ndi̱kaꞌan Jesús xiꞌin na, káchi ra saa: ―Siloꞌo ni va tiempo íyo i xiꞌin ndo, ta saa ndiko koo i kuꞌun i nuu ra ti̱ꞌvi yeꞌe vaxi i.

Los Hechos 3:21

Sundi vitin ta xíniñuꞌu Jesús koo ra nuu ndivi nda kivi ná xaa vií Ndioxi ñuu ivi yóꞌó. Nduxaa ya kindoo vaꞌa ndiꞌi ñaꞌa. Nduu ya tá ndi̱xiyo ya núnu̱ú tá täꞌan kiꞌvi kuachi ñuu ivi yóꞌó. Tá íyo ya ndi̱kaꞌan Ndioxi tixin ndiꞌi nda i̱í, nda ndi̱kaꞌan ndoso tuꞌun yuꞌu ra xinaꞌa, saa koo ya ikan ra.

ROMANOS 12:5

Ta saa íyo ndiꞌi yo kándixa Jesucristo, ni kuaꞌa ni nuu ku yo, ni xa síin, xa síin chiñu íkan iin iin yo, sundi tá íyo ikin kuñu ra saa ndúu yo xiꞌin ra. Iin nuu ndúu ndiꞌi yo xiꞌin ra, xaꞌa ya ikán kua iin ndúu yo xiꞌin na taꞌan yo xaꞌa ra.

ROMANOS 9:17

Ta xa kúndaa ini yo, chi saa káꞌan tuꞌun Ndioxi ya ndi̱kaꞌan ra xiꞌin ra rey Faraón ñuu Egipto, káchi ra saa: “Yeꞌe ta̱xi ichí ndaꞌa un kúu un rey, chi kuaꞌa ni ñaꞌa ikan i xiꞌin un nuu sinaꞌa i ndee i nuu un, ta saa kundaa ini ndiꞌi kúu na ñuu ivi, xaꞌa ndee ya vaꞌa ni íkan i ta kuita niꞌnu tuꞌun xaꞌa i ndiꞌi ni kúu ñuu ivi”, káchi Ndioxi xiꞌin ra.

1 Corintios 1:10

Saa káꞌan i xiꞌin ndóꞌo̱ ñani yo tin kuꞌva yo, xíkan ni i ya mani nuu ndo, tixin ndee Tata yo Jesucristo káꞌan i xiꞌin ndo, ya ná ndikitaꞌan vaꞌa ni ndo koo ndo xiꞌin taꞌan ndo, ta iin yuꞌu ná koo ndo, täꞌvi taꞌan ndo, vívií koo ndo xiꞌin taꞌan ndo, iin káchi ndikani xi̱ní ndiꞌi ndo.

Gálatas 3:28

Iin nuu ndu̱u ndiꞌi yo xiꞌin Jesucristo, iin káchi ndáa yaꞌvi ndiꞌi yo, án yo judío ku yo, án süvi yo judío ku yo, án yo sa̱ta naꞌa xáa chiñu nuu na ku yo, án süvi yo ndi̱sata na ku yo, án taa ku yo án ná ñaꞌa ku ná, ta iin káchi ndáa yaꞌvi ndiꞌi yo nuu Ndioxi.

Efesios 4:4

Chi tá kuꞌva káa ikin kuñu mií ra saa íin ndiꞌi yo. Ta iindaa ku Tachi I̱í Ndioxi ya íyo xiꞌin yo, saa ka̱na ra yoo ya kandixa yo iindaa mituꞌun mií seꞌe ra.

Filipenses 2:9

Xaꞌa ya yóꞌó kua chi̱nuu sukun ni Ndioxi ra, saa ta̱xi ra iin kivi ra ndaꞌa ra, ta iindaa kivi ra ikán kua ndee ni ka chee nuu ndiꞌi ndá ka kivi ya íyo.

HEBREOS 1:3

Ta ya luvi ni yéꞌe̱ kúu mií Seꞌe Ndioxi kua yéꞌe̱ mií Ndioxi. Tá káa níi mií Ndioxi saa káa níi mií Jesucristo, saa ta̱xi Ndioxi ichí ndaꞌa ra ya ndíso chiñu ra xiꞌin ndiꞌi ñaꞌa ya íyo ñuu ivi yóꞌó. Ta xiꞌin tuꞌun ra ya ndee ni ndee kua xáa chiñu ndiꞌi ya nda vitin. Saa ndi̱kata ra kuachi yo xiꞌin ndee mií ra, ta sindiꞌi nda̱a ra nuu ndivi ndi̱kunduꞌu ra ñaꞌñu kuáꞌá Ndioxi nuu tai toꞌo, xáꞌnda chiñu ra xiꞌin ra.

HEBREOS 9:24

Saa chi veꞌe ñuꞌu nuu ndee ni I̱í ndi̱kiꞌvi Jesucristo, ta süvi na ñuu ivi yóꞌó ku na ndi̱sikuaꞌa ya. Chi ya si̱kuaꞌa na ivi yóꞌó, ta tá káa copia mií veꞌe ñuꞌu ya ndee ni vaꞌa íyo mií nuu ndivi saa káa ya si̱kuaꞌa na. Ta ikán ku nuu ndi̱kiꞌvi Jesucristo ini veꞌe ñuꞌu ya ndee ni vaꞌa ikán, káꞌan ndaꞌvi ra xaꞌa yo xiꞌin Ndioxi, ya ná xaa kaꞌnu ini ra xaꞌa yo.

Santiago 4:4

¡Ndóꞌo̱, ta süvi ndóꞌo̱ kúꞌvi ini xíni Ndioxi ku ndo! ¿Án köo xíni ndo ndiꞌi naꞌa, na kútoo ni ikan taꞌan ñaꞌa íkan na ñuu ivi yóꞌó, na ñaa ta na káni taꞌan xiꞌin Ndioxi ku na? Saa chi ndiꞌi naꞌa, na kútoo ni ikan ya väꞌa íkan na ñuu ivi yóꞌó, ta ndúu na naꞌa, na sâa ini xíni Ndioxi.

1 Pedro 1:5

Xaꞌa ya ndáa ni ini ndo Ndioxi kua kundaa ra ndóꞌo̱ xiꞌin ndee ra, chi saa chi̱tuni ra sikaku ra ndóꞌo̱ iin saa nda ná tindaa kivi sindiꞌi.

1 Juan 3:12

Ná ïkan yo tá i̱kan ra Caín xinaꞌa, xa̱a súvi ra ya kúni kiti nǎꞌa chi xa̱ꞌni ra ñani ra. Xaꞌa ya väꞌa íyo ini ra yakan i̱kan ra saa, ta ya i̱kan ñani ra ta ya vaꞌa i̱kan ra.

1 Juan 5:19

Xíni yo seꞌe Ndioxi ku yoo ta ndáa ra yoo. Ta ndiꞌi ka naꞌa, na köo ndíkun ñaꞌa, ta kiti nǎꞌa ku ri xáꞌnda chiñu nuu na.

Judas 1:1

Yeꞌe, Judas, ñani ra Jacobo, ra xáa chiñu nuu Tata yo Jesucristo ku i táa tutu yóꞌó xaa ya ndaꞌa ndóꞌo̱ ka̱na ra, saa nda̱sa i̱í Iva yo Ndioxi ndóꞌo̱, ta ndáa ni Tata yo Jesucristo ndóꞌo̱.

Judas 1:24

Ná xaa kaꞌnu ni yo Ndioxi chi ndee ni ndee kúu mií ra ya chindee ra yoo ya ná sïndikoo yo ichí ra ya ndaa kándixa yo. Ta vaxi kivi kundita yo nuu ra nuu íyo ndiꞌi ya kaꞌnu luvi ni. Saa ndasa vaꞌa ra yoo nduu yo naꞌa, na köo ka kuachi kúu mií nuu ra, ta yáꞌa ni kusini yo kivi ikán.

El Apocalipsis 15:4

Ndiꞌi ni kúu naꞌa xíniñuꞌu na xaa toꞌo na yóꞌo̱ Tata Iva yo Ndioxi, Saa xíniñuꞌu na xaa kaꞌnu na yóꞌo̱, saa chi iin yóꞌo̱ ku ra i̱í ni. Ndiꞌi naꞌa na ki̱xi ndiꞌi ni kúu ñuu xa̱a na nuu un, ta xáa kaꞌnu na yóꞌo̱, chi ku̱ndaa ini na ya iin yóꞌo̱ ku ra ndaa ni, saa xáa nani un kuachi na xiꞌin nina ya ndaa Soꞌva káchi na xíta na nuu ndivi xi̱ni soꞌo i.

El Apocalipsis 19:12

Yéꞌe̱ ni nduchi nuu ra, tá kuꞌva yéꞌe̱ ñu̱ꞌu̱ xíxi saa yéꞌe̱ ya. Saa ndóso kuaꞌa ni corona xiní ra. Saa ndi̱kaꞌi kivi ra taan ra, ta nda iin naꞌa köo kúndaa ini unkua káꞌan ya, ndisaa mií ra xíni unkua káꞌan ya.

El Apocalipsis 4:8

Ta iin iin mií ya táku ikán íyo iñu ndixin iin iin ya. Ta ndiꞌi ni kúu ñaꞌñu ya íyo nina nduchi nuu, sata ya tin ini ya kúu mií ya nduchi nuu. Ta köo xíkuiin ya káꞌan ya, nduvi niuun káꞌan ya, káchi ya saa: ―¡Ra i̱í, ra i̱í, ra i̱í ni ku Ndioxi! ¡Taa ra ndixa ni ndee ku Ndioxi! Ndioxi ku ra táku nda kivi núnu̱ú, ta saa táku ra nda kivi vitin, saa kutaku ra ndiꞌi kivi ya vaxi, ―káchi kumi saa ya táku ikán, káꞌan ya xaꞌa Ndioxi.