San Juan 16:4 - Xochapa Mixteco

⁴ Xa káꞌan kuee i xiꞌin ndo, tá ti̱ndaa kivi xa̱á kúu saa ta ndikaꞌán ini ndo xaꞌa ya xa ndi̱kaꞌan i xiꞌin ndo. ―Ta köo ndi̱kaꞌan i ya yóꞌó xiꞌin ndo tá núnu̱ú saa chi íyo i xiꞌin ndo.

San Juan 16:4 Iomraidhean Croise

San Mateo 10:7

Ta kuáꞌan ndo, kaꞌan ndoso ndo tuꞌun yóꞌó xiꞌin na, kachi ndo saa: “Xa yati ni íyo ichí vaꞌa nuu xáꞌnda chiñu Ndioxi nuu yo”, kachi ndo xiꞌin na.

San Mateo 24:25

Xa yachi ka ndítuꞌun i xiꞌin ndo, tá ná kuu saa ta kuenta ni koo ndo xiꞌin mií ndo.

San Mateo 9:15

Saa ndi̱kuiin Jesús, káchi ra saa: ―Tá íyo iin viko tíndaꞌa, ta kúsini ni mií na migo mií ra tíndaꞌa ikán, köo naꞌa kúsuchi ini, chi viko kua. Sundi vaxi kivi tá ná ndikiꞌin na ra tíndaꞌa ikán kuꞌun ra xiꞌin na, saa kua kuxi suꞌun na.

San Marcos 13:23

Yakan kuenta ni koo ndo. Xaꞌa ya ñaa kua xa káꞌan kuee i xiꞌin ndo vitin yachi ka tá täꞌan kuu saa ―káchi Jesús xiꞌin nda ítaꞌan xiꞌin ra.

San Marcos 2:19

Saa ndi̱kuiin Jesús káꞌan ra xiꞌin na: ―Tá kúu na kuaꞌan nuu viko tíndaꞌa, ta köo xíxi suꞌun na, saa chi íyo mií ra tíndaꞌa xiꞌin na. Tá káa ra tíndaꞌa ikán saa íyo yeꞌe xiꞌin nda ítaꞌan xiꞌin i, köo xíxi suꞌun nda saa chi íyo i xiꞌin nda.

San Lucas 1:2

Tá íyo ya si̱naꞌa nda xi̱taꞌan xiꞌin ra, nda xi̱ni xiꞌin nuu ndiꞌi ya i̱kan ra, saa íyo ya ta̱a nda, chi nda ikán ku nda ndi̱kuiso chiñu kaꞌan ndoso nda tuꞌun ra.

San Juan 13:19

Xa vitin ka káꞌan i xiꞌin ndo, ya kundaa kuee ini ndo, tá ti̱ndaa ya kuu saa, ta kandixa ndo ya kúu i taa ra kúu i.

San Juan 14:29

Káꞌan kuee i xiꞌin ndo vitin, tá ndi̱xinu ndiꞌi ya ndi̱kaꞌan i xiꞌin ndo ta saa kandixa ndo yeꞌe.

Los Hechos 9:16

Saa chi yeꞌe ta sinaꞌa i ra ndá kuꞌva xíniñuꞌu ra ndoꞌo ni ra xaꞌa kivi i ―káchi Jesús xiꞌin ra Ananías.

2 Tesalonicenses 2:5

Ñani yo xiꞌin kuꞌva yo, ndikaꞌán ni ini ndo tá yachi, tá ndi̱xiyo nde xiꞌin ndo ñaa, ta xa ndi̱kaꞌan ni nde xiꞌin ndo xaꞌa ya yóꞌó, ya kuu saa.

2 Pedro 1:14

Saa chi xa ndi̱kaꞌan va mií Tata yo Jesucristo xiꞌin i ya kama ni ndikiꞌin ra yeꞌe kuꞌun i xiꞌin ra.