San Juan 16:23 - Xochapa Mixteco

²³ ’Tá ná tindaa kivi ikán ta nda iin ka ya ndäkan tuꞌun ndo yeꞌe. Ta ya ndaa káꞌan i xiꞌin ndo, tá ndá ya ndúku ndo nuu Iva i Ndioxi tixin kivi yeꞌe ta taxi ndiꞌi ra ya ndaꞌa ndo.

San Juan 16:23 Iomraidhean Croise

San Mateo 21:22

Tá tu ndinuꞌu ni ini ndo kándixa ndo Ndioxi, tá káꞌan ndo xiꞌin ra, ta saa koo ya niꞌi ndo nuu ra ―káchi Jesús xiꞌin nda ítaꞌan xiꞌin ra.

San Mateo 7:7

Saa ndi̱kaꞌan Jesús, káchi ra saa: ―Ndúku ndo ñaꞌa ya xíniñuꞌu ndo nuu Ndioxi, ta taxi ra ya ndaꞌa ndo. Saa ndinduku ndo ñaꞌa nuu ra ta niꞌi ndo ya. Kani ndaꞌa ndo yeꞌe, ta kuna ra ya nuu ndo, kiꞌvi ndo.

San Juan 14:20

Tá ná tindaa kivi nuu ndixa kutaku ndo, ta saa kuni ndo ya ndixa iin kuu i xiꞌin Iva i, ta saa ndóꞌo̱ iin ku ndo xiꞌin i, ta yeꞌe iin ku i xiꞌin ndo.

San Juan 14:22

Saa ndi̱kaꞌan inka ra Judas, süvi ra Judas Iscariote ku ra ikán, ndi̱kaꞌan ra xiꞌin ra, káchi ra saa: ―Tata, ¿ta ndá xaꞌa kua ndisaa ndeꞌe sinaꞌa un mií un nuu, ta sïnaꞌa un mií un nuu na ñuu ivi? ―káchi ra xiꞌin ra.

San Juan 14:5

Saa ndi̱kuiin ra Tomás káꞌan ra xiꞌin Jesús, káchi ra saa: ―Tata, köo xíni nde nuu kuꞌun un, ta ¿unkua ikan nde kundaa ini nde ichí nuu kuꞌun un? ―káchi ra xiꞌin ra.

San Juan 15:7

’Tá tu ítaꞌan tuun ndo xiꞌin i, ta íyo tuun tuꞌun i nima ndo, ta vaꞌa nduku ndo ndá ka ya kúni ndo nuu Iva i, ta niꞌi va ndo ya.

San Juan 16:19

Saa ku̱ndaa ini Jesús ya kúni ndakan tuꞌun ñaꞌa nda ítaꞌan xiꞌin ra. Saa ndi̱kaꞌan ra xiꞌin nda, káchi ra saa: ―¿Án kúni ndo kundaa ini ndo xaꞌa tuꞌun ya ndi̱kaꞌan i xiꞌin ndo: Siloꞌo kivi ta küni ka ndo yeꞌe ta sindiꞌi saa kuni tuku ndo yeꞌe?, káchi i. ¿Án xaꞌa ya ndi̱kaꞌan i xiꞌin ndo ndákan tuꞌun taꞌan ndo xaꞌa?

San Juan 16:26

Ta kivi ikán ta vaꞌa kaꞌan mií ndo xiꞌin ra nduku ndo ya nuu ra tixin kivi yeꞌe, ta yeꞌe köo xíniñuꞌu ka i nduku i ya mani nuu ra xaꞌa ndo.

San Juan 16:30

Vitin kúndaa ini nde, xa xíni vaꞌa un xaꞌa ndiꞌi ñaꞌa, yakan köo xíniñuꞌu un ndakan tuꞌun na yóꞌo̱. Xaꞌa ya ñaa kua kándixa nde ya ti̱ꞌvi Ndioxi yóꞌo̱ vaxi un ñuu ivi yóꞌó ―káchi nda xiꞌin ra.

Efesios 2:18

Ta vitin xaꞌa ya i̱kan Jesucristo xaꞌa yo kua vaꞌa kuchiñu ndiꞌi ndaa yo kuyati yo nuu Iva yo Ndioxi tixin ndee Tachi I̱í ra.

1 Juan 2:1

Ndóꞌo̱ ndíkun Jesucristo, tá íin seꞌe i saa íin ndo, yakan táa i tutu yóꞌó xaa ya nuu ndo ya ná ïkan ndo ya väꞌa. Sundi tá ndá ndóꞌo̱ ndíkava nuu kuachi ta vaꞌa ná kundaa ini ndo chi Tata yo Jesucristo ku ra ndaa ni ini, ta ra ikán ku ra ndíchi ndíkuiin xaꞌa yo nuu Iva yo Ndioxi.