San Juan 16:22 - Xochapa Mixteco

²² Ta saa ndóꞌo̱, vitin ta kúsuchi ni ini ndo, sundi ndiko koo tuku i koto i ndóꞌo̱, ta saa kusini ni ndo ndiꞌi saa ichí, ta nda iin naꞌa küchiñu kindaa ya kúsini ndo.

San Juan 16:22 Iomraidhean Croise

San Mateo 28:8

Ndi̱ndiꞌvi ni ná, sundi kúsini ka vi ná. Ñaa ka̱na koo ná ndee ka vi xínu ná kuaꞌan ná ndituꞌun ná xiꞌin nda xi̱taꞌan xiꞌin ra.

San Lucas 10:42

Sundi íyo iindaa chiñu ya xíniñuꞌu ni un ikan un. Yá María kuꞌvi un, ta ndee ni ka vaꞌa ya ndi̱kaxin yá yóꞌó, ta nda iin naꞌa küchiñu kindaa ya ndaꞌa yá ―káchi Jesús xiꞌin yá Marta.

San Lucas 16:25

Saa ndi̱kuiin ra Abraham káꞌan ra: “Seꞌe, kuñuꞌu ini un, kivi xi̱taku un ñuu ivi ta vaꞌa ni ndi̱xiyo un. Ndi̱xiyo ndiꞌi ya kúni un, ta ra Lázaro yóꞌó ndo̱ꞌo ni ra ndaꞌvi. Yakan kua íyo vaꞌa ra vitin, ta yóꞌo̱ ndóꞌo ni un.

San Lucas 19:26

Saa ndi̱kuiin ra rey ikán káꞌan ra: “Tá íyo na xa kuaꞌa ni ñaꞌa kúu mií, ta niꞌi ka na ya saa chi xíni na kundaa na ya. Tá íyo na köo xíni kundaa ya, ta nda ya loꞌo kúu mií na ndundaa ndiꞌi ya ndaꞌa na, saa chi köo xíni na kundaa na ya.

San Lucas 24:41

Ñaa ta ni köo ndi̱kandixa yachi ñaꞌa na xaꞌa ya kúsini ni na, iin ndi̱kanda ini na ndóo na. Ñaa ndi̱kaꞌan Jesús xiꞌin na, káchi ra saa: ―¿Án íyo loꞌo ñaꞌa kuxi yo? ―káchi ra xiꞌin na.

San Juan 14:1

Saa ndi̱kaꞌan Jesús xiꞌin nda ítaꞌan xiꞌin ra káchi ra saa: ―Kündiꞌi ini ndo. Kandixa ndo Ndioxi ta kandixa ndo yeꞌe.

San Juan 14:19

Tixin soo uvi ndaa kivi ta küni ka na ñuu ivi yóꞌó yeꞌe, sundi ndóꞌo̱ ta kuni ndo yeꞌe, saa chi yeꞌe ta táku i, yakan vaꞌa kutaku ndo xiꞌin i.

San Juan 14:27

’Táxi i tuꞌun vaꞌa ndaꞌa ndo ya koo vaꞌa ni ini ndo, ta köo táxi i ya tá kuꞌva táxi na ñuu ivi yoꞌo ya, síndoo i tuꞌun vaꞌa yóꞌó ya koo ya xiꞌin ndo. Ta ya táxi i koo vaꞌa ini ndo, ta süvi taꞌan ya táxi na ñuu ivi yóꞌó kua. Ta ku ïꞌvi ndo, ni kündiꞌi ini ndo.

San Juan 16:16

Chi tixin soo uvi ndaa kivi ta küni ka ndo yeꞌe. Tá ndi̱yaꞌa uvi ndaa kivi, saa kuni tuku ndo yeꞌe, saa chi yeꞌe ta kuꞌun i nuu Iva i ―káchi Jesús xiꞌin nda.

San Juan 16:20

Ya ndaa káꞌan i xiꞌin ndo, kusuchi ni ini ndo, ta kuaku ndo, ta na ñuu ivi yóꞌó ta kusini ni na. Vani kúsuchi ni ini ndo ta süvi ndiꞌi saa ichí koo ndo saa, chi ya kúsuchi ini ndo, ta nama i ya nduu ya kúsini ni ndo.

San Juan 16:6

Ta ndóꞌo̱, suvi ndo ndi̱kava ini ku ndo xaꞌa ya ndi̱kaꞌan i xiꞌin ndo.

San Juan 21:7

Saa ndi̱kaꞌan ra ku̱ꞌvi ni ini Jesús xi̱ni ra xiꞌin ra Pedro, káchi ra saa: ―¡Tata yo Jesús va ku ra! ―káchi ra xiꞌin ra. Tá xi̱ni soꞌo ra Simón Pedro ya ndi̱kaꞌan ra ikán, ta ndi̱kun ndi̱kundixi ra toto ra. Ta saa ndi̱kiꞌvi ra kuaꞌan ra ini tikuii ya kúni ra xaa kama ra nuu Jesús.

San Juan 4:14

Sundi na koꞌo tikuii nduta táxi i ndaꞌa na ta nda iin kivi ïchi ka na. Saa chi tikuii rá táxi i koꞌo na ta nduu rá tá káa iin ita chee ini na, ta nda iin kivi ïchi rá ini na. Ta na koꞌo tikuii rá taxi i ta küvi na, chi kúu mií rá ndee ya taxi rá kutaku na, ta nda iin kivi ya vaxi ndïꞌi xaꞌa na ―káchi Jesús xiꞌin yá.

Los Hechos 13:52

Sundi na kándixa Jesús ndóo ñuu Antioquía ta kúsini ni na, chi ndee ni íyo Tachi I̱í Ndioxi xiꞌin na.

Los Hechos 16:25

Ta sava ñǔu xa̱á ra Pablo xiꞌin ra Silas káꞌan nda xiꞌin Ndioxi ta xíta nda yaa nuu ra. Saa xíni soꞌo inka nda ñúꞌu veꞌe kàà ikán ndóo nda.

Los Hechos 2:46

Vitin taan ndíkitaꞌan ndiꞌi na veꞌe ñuꞌu kaꞌnu, saa ndíkitaꞌan tu na veꞌe va na. Ndinuu ka vi ini na xíxi na xiꞌin taꞌan na, kúsini ka vi na xiꞌin taꞌan na.

Los Hechos 5:41

Tá ka̱na koo nda kuaꞌan nda ta kúsini ni nda kuaꞌan nda, chi ta̱xi Ndioxi ichí ndo̱ꞌo nda xaꞌa ya ndítuꞌun nda xiꞌin naꞌa xaꞌa kivi Jesús.

2 Corintios 6:10

Tá íin nde kúsuchi ni ini saa íin nde túvi na, ta süvi ya ndaa kua chi ndiꞌi saa va ichí kúsini ni nde. Tá íin ndeꞌe ndáꞌvi ni saa íin nde túvi na, ta süvi ya ndaa kua, chi ndiꞌi saa va ichí táxi nde ya kuika, ya vaꞌa vaxi nuu ndivi ndaꞌa kuaꞌa ni naꞌa. Tá íin ndeꞌe köo nda loꞌo ñaꞌa nuu, saa íin nde túvi na, ta süvi saa íyo ya chi íyo ndiꞌi va ñaꞌa táxi Ndioxi ndaꞌa nde.

2 Tesalonicenses 2:16

Ta mií Tata yo Jesucristo xiꞌin mií Iva yo Ndioxi ku ra kúꞌvi ni ini xíni yoo, saa si̱ndiko ra ini yo ndiꞌi saa kúu ichí, ta ndixaꞌa ni ra ndee xiꞌin yo ya ndee ni tuun kundikun yo ra, xaꞌa ya vaꞌa ni ini ra xiꞌin yo.

HEBREOS 10:34

Saa ku̱ndaꞌvi ni ini ndo xi̱ni ndo na tá ñúꞌu na veꞌe kàà. Ta nda kúsini ndo tá xíto ndo kíndaa na ñaꞌa ndo ndaꞌa ndo. Saa chi ndóꞌo̱, ra xíni ndo, vaꞌa ni ka ñaꞌa kúu mií ndo nuu ndivi, ya taxi Ndioxi ndaꞌa ndo, saa chi ya ikán ta nda iin ichí ndïꞌi xaꞌa ya.

HEBREOS 6:18

Uvi nuu ku ñaꞌa ya ki̱ndoo Ndioxi xaa súvi ra: iin ku ya ki̱ndoo ra xiꞌin naꞌa xaa súvi ra ya ndi̱kaꞌan ra xiꞌin na, ta inka kua chi̱naꞌa ra tixin mií ra ya sixinu ra ya ki̱ndoo ra xiꞌin na. Xaꞌa ya ikán kua vaꞌa ná kandixa ni yo ra, ta ná kuyati yo nuu ra ya chindee ra yoo, saa ná kundaa teꞌe ini yo ya ndikiꞌin yo ya ndi̱kaꞌan ra xiꞌin yo taxi ra ndaꞌa yo.

1 Pedro 1:8

Vani täꞌan kuni xiꞌin nuu ndo Tata yo Jesucristo, ta kúꞌvi ni ini ndo xíni ndo ra. Saa kándixa ni ndo ra ta täꞌan kuni ndo ra. Ta ndee ni kúsini ndo, ni köo níꞌi ndo kuꞌva ndikani ndo ya ndóꞌo ndo kúsini ni ndo xiꞌin ra.