San Juan 16:2 - Xochapa Mixteco

² Chi vaxi kivi ta tava ndaꞌa na chiñu naꞌnu nuu na judío ndóꞌo̱ ini veꞌe ñuꞌu sinagoga. Ta saa ni kuni na kaꞌni na ndóꞌo̱, saa chi tá íkan na saa xiꞌin ndo ta vaꞌa ni xáa súvi na ya kúni Ndioxi, kaꞌán na.

San Juan 16:2 Iomraidhean Croise

San Mateo 10:28

Ku ïꞌvi ndo nuu naꞌa, na kúni kaꞌni ndóꞌo̱, chi küchiñu na kaꞌni na ya vaꞌa ndo. Sundi ku íꞌvi ndo nuu Ndioxi ra kuchiñu sindiꞌi xaꞌa ikin kuñu ndo xiꞌin ya vaꞌa ndo kuꞌun ya ndaya.

San Mateo 24:9

’Ta kivi ikán tiin na ndóꞌo̱ kuꞌun ndo xiꞌin na, ta nditaxi na ndóꞌo̱ ndaꞌa na chiñu ya xaa nduvaꞌa ni na xiꞌin ndo, ta kaꞌni na sava ndo. Ta ndiꞌi naꞌa kundasi nuu na kuni na ndóꞌo̱ xaꞌa ya ndíkun ndo yeꞌe.

San Lucas 6:22

’Vaꞌa ni kée ndo tá tu kúndasi nuu naꞌa xíni na ndóꞌo̱, köo xíin ka na kaꞌan na xiꞌin ndo, káꞌan uꞌvi na xaꞌa ndo, chínuu kuéꞌe na tuꞌun ndo xaꞌa ya kándixa ndo yeꞌe, ra kú Taa ra xa̱a ñuu ivi yóꞌó.

San Juan 12:42

Vani köo ndi̱xiin sava na kandixa na ra, sundi kuaꞌa ni na chiñu kúu mií chiñu ndee ka̱ndixa ñaꞌa, ta köo ndi̱tuꞌun na xiꞌin naꞌa, xaꞌa ya íꞌvi na nuu nda fariseo, chi koto ka tava ndaꞌa ñaꞌa nda veꞌe ñuꞌu sinagoga.

San Juan 16:25

’Nda kivi vitin káꞌan i xiꞌin ndo xaꞌa tuꞌun ndíchi, sundi vaxi kivi ta käꞌan ka i saa xiꞌin ndo, kaꞌan teꞌe i xiꞌin ndo xaꞌa Iva i.

San Juan 16:32

Ta kama ni tindaa hora, siloꞌo ni kúmani ta kuita niꞌnu ndiꞌi ndo kuꞌun ndo, ta sindoo ndaꞌa ndo yeꞌe. Sundi yeꞌe ta köo íyo mií i, chi Iva i ta íyo ra xiꞌin i.

San Juan 4:21

Saa ndi̱kaꞌan ra xiꞌin yá, káchi ra saa: ―Nana, kandixa un ya káꞌan i xiꞌin un. Chi vaxi kivi ta köo xíniñuꞌu ndo kixi ndo xaa toꞌo ndo Iva yo Ndioxi nuu xiki yóꞌó, ni ñuu Jerusalén ta küꞌun ka na judío xaa toꞌo na Ndioxi.

San Juan 4:23

Ta kama ni tindaa kivi, ta xa vitin ku kivi nuu xíniñuꞌu ndiꞌi na ndixa ni xáa kaꞌnu Ndioxi, ya xaa kaꞌnu ñaꞌa na tixin Tachi I̱í ra xiꞌin ya ndaa. Saa chi saa kúni Iva yo Ndioxi, ndúku ra taꞌan na ñaa ya ná xaa kaꞌnu ñaꞌa na.

San Juan 9:22

Ndi̱kaꞌan iva siꞌí ra saa xaꞌa ya íꞌvi na nuu nda naꞌnu nuu na judío, chi xa chi̱taꞌan tuꞌun nda tá ndá naꞌa káꞌan xaꞌa Jesús ya kúu ra Cristo, ta tava ndaꞌa ñaꞌa nda ini veꞌe ñuꞌu sinagoga, káchi nda.

San Juan 9:34

Saa ndi̱kuiin nda ndi̱kaꞌan nda xiꞌin ra, káchi nda saa: ―Tixin kuachi ka̱ku un, ta ni köo ichí kúu mií un ya sinaꞌa un ndeꞌe ―káchi nda xiꞌin ra. Saa ta̱va ndaꞌa nda ra veꞌe ñuꞌu sinagoga ke̱ta ra kuaꞌan ra.

Los Hechos 5:33

Ñaa tá xi̱ni soꞌo na chiñu ya ndi̱kaꞌan ra ta ndi̱saa ni na, xa̱á kúni kaꞌni na nda.

Los Hechos 7:56

Ñaa ndi̱kaꞌan ra: ―¡Koto ndo toon! Núna nuu ndivi, ta xíto i Jesús ra kúu Taa ra xa̱a ñuu ivi yóꞌó. Xíto i ndíchi ra ñaꞌñu kuáꞌá Ndioxi ―káchi ra Esteban xiꞌin na.

1 Corintios 4:13

Ni tá kánaꞌa ni na xaꞌa nde, ta xiꞌin tuꞌun toꞌo ndíkuiin nde yuꞌu na. Tá íkan na xiꞌin taka ya íyo ñuu ivi yóꞌó va íkan na xiꞌin nde, tá íin ñaꞌa ya xa xáta na, saa íin nde nuu na, nda kivi vitin.

Filipenses 3:6

Ta xaꞌa ya xa̱a súvi ni i ndiꞌi ichí ya si̱ndoo xii yo xinaꞌa ñuu i, yakan kua ndi̱xika i xa̱a nduvaꞌa ni i xiꞌin na ndíkun Jesucristo, chi süvi na vaꞌa ku na káꞌán i. Nda iin naꞌa ta köo ya ndi̱niꞌi na kaꞌan na xaꞌa i, chi ndaa ni ndi̱xiyo ini i, xaꞌa ya xa̱a súvi ni i ley Ndioxi.

El Apocalipsis 6:9

Saa tá xa̱ꞌnda tuku Levo loꞌo ikán inka sello ya uꞌun. Ta xi̱ni i ndíchi nama i̱í nuu ndivi nuu ndóso ñaꞌa ya sóko na nuu Ndioxi, ta tixin nama i̱í ikán xi̱ni i ndóo ya vaꞌa naꞌa, na ndi̱xiꞌi xaꞌa ya ndi̱kaꞌan ndoso na tuꞌun Ndioxi, ta köo ndi̱sindikoo na ichí ra, ndee ni tuun xi̱ndikun na ya.