San Juan 15:2 - Xochapa Mixteco

² Xáꞌnda ndiꞌi ra teꞌe ndaꞌa nu ya köo kúun kuiꞌi ndaꞌa. Ta ya kúun kuiꞌi ndaꞌa ta xáa vií ra xiꞌin ya, xáꞌnda ndoso ra ya, ná nana ndixin ya, ta saa kana kuaꞌa ka kuiꞌi ndaꞌa ya.

San Juan 15:2 Iomraidhean Croise

San Mateo 13:12

Saa chi na kúndaa ini tuꞌun káꞌan i, ta Ndioxi ku ra táxi kundaa vaꞌa ka ini na, ta na xïin kundaa ini ya káꞌan i, ta nda ya loꞌo kúndaa ini na ndundaa ya ndaꞌa na.

San Mateo 13:33

Saa ndi̱tuꞌun ka Jesús xiꞌin nda inka tuꞌun ndíchi, káchi ra saa: ―Ichí nuu xáꞌnda chiñu Ndioxi tá kuꞌva káa uxan iya, ya chíkaa na xiꞌin uxan xita vaꞌa, saa káa ya. Ni loꞌo ni uxan iya chíkaa iin yá ñaꞌa xiꞌin uxan xita vaꞌa yá, ta kuaꞌa ni ndúu ya, ndínañu ni ya ―káchi Jesús xiꞌin nda.

San Mateo 15:13

Saa ndi̱kuiin ra ndi̱kaꞌan ra xiꞌin nda, káchi ra: Ndiꞌi itun kuiꞌi, itun köo ndi̱chiꞌi Iva i Ndioxi ra íyo nuu ndivi, ta tuꞌun ndiꞌi ra nu, nda tioꞌo nu tava ra.

San Mateo 21:19

Saa xi̱ni ra iin itun higo ndíchi nu yati yuꞌu ichí, ñaa ku̱yati ra nuu ndíchi nu, ni köo kuiꞌi ndi̱niꞌi ra ndaꞌa nu, ndá iku mií íyo ndaꞌa nu. Saa ndi̱kaꞌan ra xiꞌin nu, káchi ra: ―Nda iin ka kuiꞌi käna ndaꞌa un kivi vaxi ―káchi ra xiꞌin nu. Saa ndikun ndi̱ndichi itun higo ikán.

San Mateo 25:29

Chi ndiꞌi na xíni kundaa vaꞌa ñaꞌa, ta niꞌi kuaꞌa na ya vaꞌa. Ta na köo xíni kundaa vaꞌa ya, ta nda ya loꞌo kúu mií na ndundaa ndiꞌi ya ndaꞌa na.

San Mateo 3:10

Tá íyo iin ra ndáa itun kuiꞌi, itun köo kúun kuiꞌi ndaꞌa, ta kuaꞌan ra xáꞌnda ndiꞌi ra nu xiꞌin yácha, nda tioꞌo nu táva ra kuaꞌan nu xíxi nu. Saa íyo ndóꞌo̱ nuu Ndioxi, xa íyo ndúvi ra ikan ra saa xiꞌin ndiꞌi ndo, tá tu köo ndíko koo ini ndo xaꞌa ya väꞌa íkan ndo.

San Mateo 3:12

Ta xa íyo tuꞌva ra kixi ra, tá ná kixi ra, ta ikan ra tá íkan na ndítivi nuni. Chívaꞌa na nuni ini yaka na, ta táan na xeꞌe xíxi ya. Kuꞌva saa íyo nduvi ra ikán, ikan ra xiꞌin naꞌa kuꞌun na koko na nuu xíxi ñu̱ꞌu̱.

San Mateo 7:19

Tá kúu ndiꞌi itun köo kúun kuiꞌi vaꞌa ndaꞌa, ta taꞌnda nu. Ta saa kuꞌun nu kee nu nuu ñu̱ꞌu̱ koko nu.

San Marcos 4:20

Ta íyo tuku sava na íin tá íin ñuꞌú vaꞌa ni ya kána kuaꞌa ni ñaꞌa nuu, chi ñuꞌú vaꞌa ikán kána kuaꞌa ni ñaꞌa nuu ya, sava ya táxi oko uxi ndikin trigo, tin ya táxi uni xiko, xiꞌin ya táxi nda iin ciento trigo. Tá íin ya ikán saa íin na ndinuꞌu ndíkiꞌin tuꞌun Ndioxi, ta ya ikán ku ya chíndee na kúu na ivi na vaꞌa. Soꞌva kúni kachi tuꞌun ndíchi ikán ―káchi Jesús xiꞌin na.

San Lucas 8:13

Ta siꞌva ri ndi̱koyo nuu yu̱ú ku na xíni soꞌo tuꞌun Ndioxi, ta ndíkiꞌin vaꞌa na ya, kúsini ni na xiꞌin ya, sundi täꞌan tiin vaꞌa ya nima na. Ta saa vaxi ya xíto ndoso ñaꞌa, vaxi ya tíxuꞌvi na, ta síndikoo na ichí Ndioxi.

San Juan 15:1

Saa ndi̱kaꞌan Jesús káchi ra saa: ―Yeꞌe ku itun yoꞌó uva ya vaꞌa ni. Ta Iva i ku ra ndáa nu ikán.

San Juan 15:16

Ta süvi mií ndo ndi̱kaxin yeꞌe, mií i ndi̱kaxin ndóꞌo̱. Ta ndi̱kaxin i ndóꞌo̱ ya ná ikan ndo nina ya vaꞌa. Tá íin itun kuiꞌi kána kuaꞌa ni ñaꞌa ndaꞌa saa ná koo ndo. Ndiꞌi saa ichí koo ndo tá íin kuiꞌi vaꞌa ni kúun. Tá íkan ndo saa ta vaꞌa nduku ndo ndiꞌi ya kúmani nuu ndo nuu Iva i. Ta tixin kivi yeꞌe taxi ra ya ndúku ndo nuu ra ndaꞌa ndo.

San Juan 15:3

Ta ndóꞌo̱ xa ndu̱yaa ndo xiꞌin tuꞌun ya ndi̱kaꞌan i xiꞌin ndo.

San Juan 15:6

Tá ndá na köo ítaꞌan tuun xiꞌin i, ta kundoꞌo na tá kuꞌva ndóꞌo teꞌe ndaꞌa nu íchi ya, ta saa ndíkuiso na ya xáta na nuu xíxi ñu̱ꞌu̱, ta ndee ni xíxi ya.

San Juan 15:8

Tá xáa toꞌo ni ndo Iva i tá íkan ni ndo ya vaꞌa, ta saa kua ndúu ndo na ítaꞌan xiꞌin i.

San Juan 17:12

Tá ndi̱xiyo i ñuu ivi yóꞌó xiꞌin na ta xi̱ndaa i na ta̱xi un ndaꞌa i, xi̱ndaa i na xiꞌin ndee kúu mií kivi un. Ta nda iin na köo ndi̱kindaa na ndaꞌa i. Iindaa ra xa íyo tuꞌun xaꞌa ndiꞌi xaꞌa ku ra ndi̱ꞌi xaꞌa, saa ndi̱xinu ya káꞌan tuꞌun Ndioxi ya ta̱a na xinaꞌa.

ROMANOS 11:17

Ta ya káꞌan i xiꞌin ndo xaꞌa itun yóꞌó kua, kúni i ná kundaa ini ndo. Saa chi sava na judío, Tá íyo ndaꞌa itun olivo, itun tàtà, ta ndi̱taꞌnu ndaꞌa nu, saa íin na. Ta ndaꞌa nu nuu ndi̱taꞌnu ikán kua ndi̱kunuꞌni inka ndaꞌa olivo itun ikú, ya kuchiñu kuaꞌnu itun ikú xiꞌin sikui vaxi tioꞌo itun olivo tàtà. Tá íin ndaꞌa itun olivo ikú, saa íin ndóꞌo̱, köo kúu judío.

ROMANOS 11:22

Koto ndó, vaꞌa ni Ndioxi kúndaꞌvi ni ini ra xíni ra yoo, sundi köo sísiki ra xiꞌin naꞌa, na köo xíin kandixa ñaꞌa, ta kúndaꞌvi ni ini ra xíni ra ndóꞌo̱. Yakan kua kandixa ni ndo ra, tuun ni kandixa ndo ya kúndaꞌvi ni ini ra xíni ra ndóꞌo̱. Tá tu köo íkan ndo saa, ta ìyo xaa xíka ra ndóꞌo̱, tá kuꞌva kúxika ndaꞌa itun tá táꞌnda nu.

ROMANOS 8:28

Xíni mií yo, ndiꞌi tindoꞌo ya ndóꞌo yo, ta ya vaꞌa ni mií yo kua ndóꞌo yo saa. Saa chi saa íkan Ndioxi xiꞌin ndiꞌi naꞌa, na kúꞌvi ni ini ra xíni ra, ta kána ra na ndikundikun na ra, chi saa chi̱tuni mií ra ikan ra xiꞌin na.

1 Corintios 13:1

Tá tu xíni ni i kaꞌan i kuaꞌa ni nuu tuꞌun ya káꞌan na ñuu ivi yóꞌó, án xíni ni i kaꞌan i nda tuꞌun ya káꞌan na tatun Ndioxi, sundi tá köo ya kúꞌvi ini vaxi nuu Ndioxi íyo nima i, ya kuꞌvi ini i kuni i inka naꞌa, ta tá káa kàà ya ndee ni káxan va saa káa i, án tá káa iin kàà ya ndee ni ndáꞌi va, saa káa i.

Tito 2:14

Chi ndi̱taxi ra mií ra ndi̱xiꞌi ra xaꞌa yo, ya yóꞌó ku yaꞌvi cha̱ꞌvi ra xaꞌa yo nuu si̱kaku ra yoo ndaꞌa ndee ya väꞌa i̱kan yo, ta nda̱sa vaꞌa ra yoo ndu̱u yo na ñuu mií ra, ya kuchiñu yo ikan yo ya vaꞌa nuu ra.

HEBREOS 12:15

Kuenta ni koo ndo xiꞌin taꞌan ndo, kïꞌvi ndo kuachi ya táxi kuxika naꞌa nuu ya kúꞌvi ni ini Ndioxi xíni ra na. Täxi ndo kaku ya väꞌa nima ndo saa nduu ndo tá íyo iku uva, ya xatu ni síkuaꞌa kueꞌe xiꞌin naꞌa. Ta ìyo ni sindiꞌi xaꞌa ndo ya vaꞌa kuaꞌa ni naꞌa.

1 Juan 2:19

Ta na sáa ini xíni Tata yo Jesucristo ku na xi̱ñuꞌu xiꞌin yo ta ka̱na koo na kuaꞌan na, chi süvi taꞌan yo ku na, chi tá tu na taꞌan yo ndi̱xiyo na ta kuñuꞌu na xiꞌin yo, ndikuu. Ta na ñaa ta ka̱na koo na tañu yo kuaꞌan na, ya ñaa sínaꞌa yoo süvi ndiꞌi na ndixa ndíkun sata ra.

El Apocalipsis 3:19

Káꞌan i tuꞌun uꞌvi ni yóꞌó xiꞌin ndo, chi saa káꞌan uꞌvi i xiꞌin naꞌa, na kúꞌvi ini i xíni i. Saa táxi i tíxuꞌvi ni na ya ná ndiko koo ini na kuꞌun na ichí vaꞌa. Saa ndóꞌo̱, xíniñuꞌu ndo ndiko koo ini ndo xaꞌa ya väꞌa íkan ndo, ta ndinuꞌu ni ini ndo ndiko koo ini ndo kundikun ndo Ndioxi.