San Juan 15:16 - Xochapa Mixteco

¹⁶ Ta süvi mií ndo ndi̱kaxin yeꞌe, mií i ndi̱kaxin ndóꞌo̱. Ta ndi̱kaxin i ndóꞌo̱ ya ná ikan ndo nina ya vaꞌa. Tá íin itun kuiꞌi kána kuaꞌa ni ñaꞌa ndaꞌa saa ná koo ndo. Ndiꞌi saa ichí koo ndo tá íin kuiꞌi vaꞌa ni kúun. Tá íkan ndo saa ta vaꞌa nduku ndo ndiꞌi ya kúmani nuu ndo nuu Iva i. Ta tixin kivi yeꞌe taxi ra ya ndúku ndo nuu ra ndaꞌa ndo.

San Juan 15:16 Iomraidhean Croise

San Mateo 21:22

Tá tu ndinuꞌu ni ini ndo kándixa ndo Ndioxi, tá káꞌan ndo xiꞌin ra, ta saa koo ya niꞌi ndo nuu ra ―káchi Jesús xiꞌin nda ítaꞌan xiꞌin ra.

San Mateo 7:7

Saa ndi̱kaꞌan Jesús, káchi ra saa: ―Ndúku ndo ñaꞌa ya xíniñuꞌu ndo nuu Ndioxi, ta taxi ra ya ndaꞌa ndo. Saa ndinduku ndo ñaꞌa nuu ra ta niꞌi ndo ya. Kani ndaꞌa ndo yeꞌe, ta kuna ra ya nuu ndo, kiꞌvi ndo.

San Lucas 6:13

Tá ndi̱tuvi inka kivi, ta ka̱na ra na ndíkun sata ra, tañu na ikán ndi̱kaxin ra uxi uvi taa nda kuꞌun nuu ra xaa chiñu nda inka ñuu. Ta ta̱xi ra kivi nda náni nda apóstol, ta tuꞌun ikán káchi ya saa: “Nda ti̱ꞌvi Ndioxi”.

San Juan 13:18

’Süvi xaꞌa ndiꞌi ndo káꞌan i, chi yeꞌe ta xa xíni va i unku ndóꞌo̱ ndi̱kaxin i. Ta ndixa xíniñuꞌu xinu nuu tuꞌun Ndioxi ya ta̱a na xinaꞌa, káchi ya saa: “Iin taa, ra xíxi xita vaꞌa xiꞌin i ku ra ndi̱kiꞌvi kuachi xiꞌin i”, káchi tuꞌun Ndioxi.

San Juan 15:19

Tá tu taꞌan na ñuu ivi yóꞌó ku ndo, ta kuꞌvi ini na kuni na ndóꞌo̱, ndikuu. Sundi ndóꞌo̱ ta süvi taꞌan na ku ndo. Chi yeꞌe ta ndi̱kaxin i ndóꞌo̱ ya ndu̱u ndo kuenta mií i. Ta xaꞌa ya ñaa kua kúndasi nuu na xíni na ndóꞌo̱.

San Juan 15:5

’Yeꞌe ku itun uva chee, ta ndóꞌo̱ ku teꞌe ndaꞌa nu. Na ítaꞌan tuun xiꞌin i ta koo tuun tu yeꞌe xiꞌin na, ta kuaꞌa ni ya vaꞌa ikan na xáa saa. Chi tá tu köo ítaꞌan tuun na xiꞌin i, ta nda iin ñaꞌa küchiñu na ikan na.

San Juan 6:70

Saa ndi̱kuiin Jesús káꞌan ra, káchi ra saa: ―Yeꞌe ndi̱kaxin i uxi uvi saa ndo ya kundikun ndo yeꞌe, ta iin ndóꞌo̱ ku kiti nǎꞌa ―káchi ra xiꞌin nda.

Los Hechos 1:24

Saa xa̱á nda káꞌan nda xiꞌin Ndioxi, káchi nda saa: ―Tata, yóꞌo̱ ku ra xíni unku ya íyo nima ndiꞌi ivi, ta vitin sinaꞌa un nda yóꞌó nuu nde, unku nda ndi̱kaxin un

Los Hechos 1:8

Sundi tá ná kixi Tachi ra sata ndo, ta saa kuu mií ndo ndee Ndioxi, nda saa kua kee ndo kuꞌun ndo ndituꞌun ndo xaꞌa i xiꞌin na ñuu Jerusalén yóꞌó. Xiꞌna na ñuu yóꞌó kuꞌun ndo ndituꞌun ndo xiꞌin, saa kuꞌun ndo ndituꞌun ndo xiꞌin ndiꞌi na ndóo estado Judea, tá ndiꞌi, saa kuꞌun ndo ndituꞌun tu ndo xiꞌin ndiꞌi na ndóo estado Samaria iin saa kuꞌun ndo ndiꞌi ni kuu ñuu ivi ndituꞌun ndo xiꞌin naꞌa xaꞌa i ―káchi Jesús xiꞌin nda.

Los Hechos 10:41

Ta süvi ndiꞌi na ndi̱situvi Ndioxi ra nuu. Ndisaa nuu ndeꞌe nda ndi̱kaxin Ndioxi kuu testigo, ku nde si̱tuvi ra nuu chi ndeꞌe ku nde xi̱xi xiꞌin Jesús tá ndi̱taku ra.

Los Hechos 22:14

Saa ndi̱kaꞌan ra xiꞌin i, káchi ra saa: “Ndioxi ra ka̱ñuꞌu xii sikua yo ku ra ndi̱kaxin yóꞌo̱ ya ku̱ndaa ini un unkua chi̱tuni ra ikan ra xiꞌin na ñuu ivi. Ndi̱kaxin ra yóꞌo̱ xi̱ni un Jesús ra nda̱a, ta xi̱ni soꞌo un tuꞌun ya ndi̱kaꞌan ra xiꞌin un tá vaxi un ichí.

Los Hechos 9:15

Saa ndi̱kuiin Tata yo Jesús káꞌan ra: ―Kuáꞌan koto un ra, chi ra ikán ku ra ndi̱kaxin i kuꞌun ra ndituꞌun ra xaꞌa i xiꞌin naꞌa na köo kúu judío, saa ndituꞌun tu ra xiꞌin nda rey va. Saa kuꞌun tu ra ndituꞌun ra xaꞌa i xiꞌin na judío va.

ROMANOS 1:13

Ñani yo xiꞌin kuꞌva yo, kúni i ná kundaa ini ndo, xa kuaꞌa ni ichí kúni i xaa i nuu ndo koto i ndóꞌo̱, ta köo ndíkuchiñu xaa i, íyo ya ndi̱kasi nuu i. Chi kúni i xaa i koto i chiñu vaꞌa íkan ndo, taꞌan chiñu vaꞌa íkan na taꞌan yo, na köo kúu judío, na ndóo inka ñuu nuu ndi̱xaꞌan i xi̱to i na.

ROMANOS 1:5

Ta xaꞌa mií ra kua ta̱xi Ndioxi ya toꞌo chee ni ndaꞌa i kúu i apóstol, yakan ti̱ꞌvi ra yeꞌe ya chindee taꞌan i xiꞌin ndiꞌi ni kúu naꞌa, na ndóo ndiꞌi ni kúu ñuu ivi, na köo kúu judío ya kandixa na ra, saa xaa toꞌo na ra.

ROMANOS 15:4

Ndiꞌi tuꞌun Ndioxi ya ta̱a na xinaꞌa xaꞌa ya sinaꞌa ya yoo kua ta̱a na ya. Chi tuꞌun Ndioxi ta chíndee ya yóo, xáꞌa ya ndee xiꞌin yo tá ndóꞌni yo nuu tindoꞌo, saa chíndee ya yóo táxi ya ndee ndaꞌa yo ya kuekuee kundatun yo ya sixinu Ndioxi ya ndi̱kaꞌan ra taxi ra ndaꞌa yo.

ROMANOS 9:21

Xíni mií yo, iin ra síkuaꞌa kisi ñuꞌú ta síkuaꞌa ra ya tá kuꞌva kúni mií ra. Kúu mií ra ichí sikuaꞌa ra kisi ya vaꞌa ní náꞌa án ya núu ni íin.

1 Corintios 10:11

Ndiꞌi ya yóꞌó ku ya ndo̱ꞌo xií sikua yo, yakan ndi̱ndoo ya ndaꞌa yo, ndi̱kaꞌi ya nuu tutu Ndioxi ya ndítuꞌun ya xiꞌin yo ya ná ïkan yo saa, chi tiempo ya xa kuaꞌan ndíꞌi ku ya ndóo yo vitin.

Gálatas 1:15

Sundi täꞌan ka vi kaku i, ñúꞌu ka va i tixin siꞌí i tá ndi̱kaxin Ndioxi yeꞌe, ta xaꞌa ya si̱niꞌi uun ra nuu i kúꞌvi ni ini ra xíni ra yeꞌe i̱kan ra ya mani xiꞌin i, ka̱na ra yeꞌe ya xaa chiñu i nuu ra.

Efesios 2:10

Chi mií Ndioxi ku ra si̱kuaꞌa yoo. Tixin Jesucristo kua i̱kan ra saa xiꞌin yo ya ná ikan yo ya vaꞌa, ya xa chi̱tuni mií ra ikan ra xiꞌin yo. Ta saa kuchiñu yo xaa súvi yo ndiꞌi ya.

Colosenses 1:23

Saa nduu ndo tá tu tuun ni kándixa ndo tuꞌun vaꞌa xaꞌa Tata yo Jesucristo tá tu ná sïndikoo ndo tuꞌun ra ya ndee ni teꞌe xi̱ni soꞌo ndo. Ta xa ndiꞌi ni kúu xaꞌa ñuu ivi xi̱ni soꞌo na xaꞌa tuꞌun ra, taꞌan ya ikán kua káꞌan ndoso yeꞌe Pablo.

Colosenses 1:6

Ta tuꞌun yóꞌó kua xa ndi̱xaa nuu ndo, ta xa kuaꞌa ni naꞌa kúndaa ini xaꞌa ya ndiꞌi ni kúu ñaꞌñu. Ta vaꞌa ni íkan ya xiꞌin na chi ndísama ya na, saa ndúkuaꞌa ka na kúndaa ini xaꞌa ya. Ta saa tu ndóꞌo̱ va, nda tá xi̱ni soꞌo ndo ya, saa ku̱ndaa ini ndo xaꞌa ya ndaa, ya ndee ni kúꞌvi ini Ndioxi xíni ra ndóꞌo̱.

1 Timoteo 2:7

Ta xaꞌa ya ikán kua ta̱xi ra chiñu ndaꞌa i kaka i kaꞌan ndoso i tuꞌun ra ya ndaa xiꞌin naꞌa. Saa ta̱xi ra chiñu ndaꞌa i kúu i apóstol ra xáa chiñu nuu Tata yo Jesucristo, ta xa̱ꞌnda ra chiñu nuu i ya sinaꞌa i naꞌa, na köo kúu judío. Ta ya káꞌan i xiꞌin ndo ta ya ndaa ni kua, köo síndaꞌvi i ndóꞌo̱.

2 Timoteo 1:11

Ta ka̱na Ndioxi yeꞌe ya kaꞌan ndoso i tuꞌun vaꞌa xaꞌa ra, saa kaka i xaa chiñu i nuu ra, ta̱xi ra chiñu ndaꞌa i ya sinaꞌa i naꞌa, na köo kúu judío.

2 Timoteo 2:2

Taꞌan ya xi̱ni soꞌo un ndi̱kaꞌan i tá si̱naꞌa i kuaꞌa ni naꞌa, taꞌan ya ikán kua xíniñuꞌu un sinaꞌa un ñani yo nda ndinuꞌu ni ndíkun Tata yo Jesucristo ta saa ná koo ya sinaꞌa nda inka naꞌa.

Tito 1:5

Tá si̱ndoo i yóꞌo̱ ñuu Creta ya ndíkaa maꞌñu nduta ñûꞌu, ta si̱ndoo i yóꞌo̱ ya sixinu un chiñu ya kúmani ka xinu, ta ndi̱kaꞌan i xiꞌin un ya ndikaxin un taa nda xikuaꞌa tá ñuu, tá ñuu, ya kundiso chiñu nda xiꞌin na veꞌe ñuꞌu.

HEBREOS 11:4

Xaꞌa ya xi̱ndaa ni ini ra Abel xi̱ni ra Ndioxi yakan kua ndi̱soko ra nina ya vaꞌa nuu Ndioxi, vaꞌa ni ka ya ndi̱soko ra ikán nuu ñani ra, ra Caín. Xaꞌa ya ikán kua vaꞌa ni ku̱ni Ndioxi xi̱ni ñaꞌa ra, ta ndi̱kaꞌan ra xaꞌa ra ya vaꞌa ni taa ku ra, saa ndi̱kiꞌin Ndioxi ya ta̱xi ra ndaꞌa ra. Yakan vani xa naꞌa ni ndi̱xiꞌi ra Abel ta ya vaꞌa i̱kan ra nuu Ndioxi, ya ikán kua sínaꞌa yoo ya xíniñuꞌu ni yo kundaa ni ini yo kuni yo Ndioxi tá kuꞌva i̱kan ra Abel.

Santiago 3:18

Ndiꞌi naꞌa, na ndúku kuꞌva ya chindee taꞌan na xiꞌin inka naꞌa ya koo vií na, na íkan saa ta tá íin na chíꞌi ñaꞌa vaꞌa saa íin na nuu Ndioxi.

1 Pedro 3:15

Ya ndee ni xíniñuꞌu ndo ikan ndo kua yóꞌó, ná kuñuꞌu ni ini ndo ya xaa kaꞌnu ni ndo Tata yo Jesucristo. Ta ndiꞌi saa ichí koo ndúvi ndo ya ndikani ndo nuu naꞌa, na ndákan tuꞌun ndóꞌo̱ xaꞌa ya kándixa ndo ra.

1 Pedro 3:2

ta xaꞌa ya ndee ni vaꞌa xáa toꞌo ndo Ndioxi, ta saa vií ni tu íkan va ndo, xaꞌa ya ñaa kua kandixa nda tuꞌun Ndioxi.

1 Juan 4:10

Káꞌan i xiꞌin ndo unkua káchi mií ya ndaa ni kúꞌvi ini Ndioxi xíni ra yoo, saa chi süvi yoo ku yo xiꞌna ndi̱kuꞌvi ini kuni Ndioxi, xiꞌna mií ra ku ra xa̱á kúꞌvi ni ini xi̱ni yoo ta xaꞌa ya ikán kua ti̱ꞌvi ra Seꞌe ra, ra kúu Jesucristo. Ta ra ikán ndi̱soko ra mií ra ndi̱xiꞌi ra xaꞌa yo, cha̱ꞌvi ra xaꞌa kuachi yo nuu Ndioxi.

1 Juan 4:19

Kúꞌvi ini yo xíni yo Ndioxi xiꞌin na taꞌan yo, saa chi xiꞌna mií ra ku ra xa̱á kúꞌvi ni ini xi̱ni yoo.