San Juan 15:11 - Xochapa Mixteco

¹¹ ’Ya yóꞌó kua káꞌan i xiꞌin ndo ya ná koo ya sií ni íyo nuu i xiꞌin ndo, ta saa kua ná kusini ni ka ndo.

San Juan 15:11 Iomraidhean Croise

San Lucas 15:23

Ta kuáꞌan ndo ndikiꞌin ndo sindiki kiti si̱ndaꞌa i. Ndikiꞌin ndo ri kixi xiꞌin ndo, kaꞌni ndo. ¡Ná koo viko kuxi yo!

San Lucas 15:32

Sundi vitin ná ikan yo viko, ná kusini yo saa chi ndi̱ko koo ñani un. Tá káa ra ndi̱xiꞌi saa ndi̱xiyo ra, ta ndi̱taku ra, nda̱ñuꞌu ra ta vitin nde̱ta ra xa̱a ra”, káchi iva ra xiꞌin ra. Soꞌva káchi tuꞌun ndíchi yóꞌó ―káchi Jesús xiꞌin na.

San Lucas 15:5

Ya ndaa kua saa ikan ndo. Tá nda̱niꞌi ndo ri ta kusini ni ndo xiꞌin ri, kiꞌin ndo ri chinuu ndo nuu soko ndo ndiko koo ndo.

San Lucas 15:9

Ya ndaa kua saa ndixa ikan yá, tá nda̱niꞌi yá ya ta kana ndiꞌi yá ná xíni taꞌan xiꞌin yá tin ná ndóo yati xiꞌin yá, kana yá ná kaꞌan yá xiꞌin ná: “Ná kusini yo chi nde̱ta xuꞌun i ya nda̱ñuꞌu”, kachi yá xiꞌin ná.

San Juan 16:24

Nda kivi vitin ta nda iin ñaꞌa täꞌan nduku ndo nuu ra tixin kivi yeꞌe. Nduku ndo ya nuu ra ta taxi ra ya ndaꞌa ndo, ta saa kua ndixa ni ka kusini ndo.

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

San Juan 17:13

’Sundi vitin ta ndiko koo i xaa i nuu un, tá íyo ka i ñuu ivi yóꞌó xiꞌin na, ta ndítuꞌun i tuꞌun yóꞌó xiꞌin na ya ná kuni soꞌo na, ta kusini ni na tá kuꞌva kúsini ni yo.

San Juan 3:29

Ta vitin ná kundaa ini ndo chi tá kúu nuu íyo viko tíndaꞌa, ta ra íin xiꞌin ñaꞌa yá tíndaꞌa ikán kuu ií yá, sundi ra íyo yati xiín ií yá, tá xíni soꞌo ra ya káꞌan ra ta kúsini ni ra tá xíni soꞌo ra tachi ra. Ta saa ndóꞌo yeꞌe, kúsini ni i chi xa xa̱a ra vitin.

ROMANOS 15:13

Ta vitin káꞌan i xiꞌin mií Ndioxi ra chíkaa ndee ini ndo ya kundatun ndo ya vaꞌa ikan ra xiꞌin ndo. Ná taxi ni ra ya kúsini ni ndo, saa ná koo vaꞌa ni ini ndo. Ta saa ná ndundee ni ka ya kándixa ndo ya ndátun ndo niꞌi ndo tixin ndee Tachi I̱í ra.

2 Corintios 1:24

Ta ya ñaa ta köo kúni kachi ya, xáꞌnda ni nde nuu ndo xaꞌa kuꞌva ya ndáa ini ndo xíni ndo Ndioxi, chi ndóꞌo̱ ta xa ndee ni va ndáa ini ndo xíni ndo ra, ta ndisaa ya kúni ndeꞌe kua, iin káchi xaa chiñu nde xiꞌin ndo nuu chindee taꞌan nde xiꞌin va ndo ya ná kusini ni ndo.

Efesios 5:18

Ta sïxini ndo mií ndo xiꞌin nduta vino án ndá ka nduta ndixi ya sixini rá ndóꞌo̱, chi ìyo ni sindiꞌi xaꞌa ndo mií ndo. Ta vaꞌa ka taxi ndo mií ndo ndaꞌa Tachi I̱í ra, ná sikutu yaa ya vaꞌa nima ndo.

Filipenses 1:25

Ta ya túvi yeꞌe kua taxi ka Ndioxi ichí ndaꞌa i ya koo i xiꞌin ndo ñuu ivi yóꞌó, ya kuchiñu chindee taꞌan i xiꞌin ndo, ta saa kusini ni ka ndo ya ndáa ni ini ndo xíni ndo Tata yo Jesucristo.

1 Tesalonicenses 5:16

Ta ndiꞌi saa kivi koo vaꞌa ni ini ndo, kusini ni ndo.

1 Pedro 1:8

Vani täꞌan kuni xiꞌin nuu ndo Tata yo Jesucristo, ta kúꞌvi ni ini ndo xíni ndo ra. Saa kándixa ni ndo ra ta täꞌan kuni ndo ra. Ta ndee ni kúsini ndo, ni köo níꞌi ndo kuꞌva ndikani ndo ya ndóꞌo ndo kúsini ni ndo xiꞌin ra.

1 Juan 1:4

Ta ya táa nde tutu yóꞌó xaa ya ndaꞌa ndo, ta ya vaꞌa ná kusini ni ka va ndo kua.

2 Juan 1:12

Íyo kuaꞌa ni ka ya kúni i kaꞌan i xiꞌin ndo ta köo kúni i taa i ya nuu tutu yóꞌó. Vaꞌa ka kaꞌan yuꞌu i xiꞌin ndo nda ná xaa i koto i ndóꞌo̱, saa chi kúni i xaa i koto i ndóꞌo̱. Ta saa kua kusini ni ndiꞌi yo.