San Juan 14:12 - Xochapa Mixteco

¹² Ya ndaa káꞌan i xiꞌin ndo, na kándixa ya káꞌan i, ta kuchiñu tu na ikán va xaa súvi na taꞌan ya íkan i. Ta nda ndee ka koo chiñu ikan na, saa chi yeꞌe ta ndiko koo i kuꞌun i nuu Iva i.

San Juan 14:12 Iomraidhean Croise

San Mateo 21:21

Saa ndi̱kuiin Jesús, káꞌan ra: ―Ya ndaa káꞌan i xiꞌin ndo, tá tu ndinuꞌu ni ini ndo kándixa ndo Ndioxi, köo xíka uvi ini ndo, ta saa kuchiñu ndo xaa súvi ndo taꞌan ya i̱kan i xiꞌin itun higo yóꞌó. Tá tu káꞌan ndo xiꞌin iin xiki kaꞌnu, káchi ndo soꞌva: “Kuataꞌa yóꞌó, ta kuáꞌan sikana un mií un ini nduta ñûꞌu”, kachi ndo, ta saa koo ya.

San Marcos 11:13

Saa xi̱ni ra xika ndíchi iin itun higo, ta íyo iku kuii ndaꞌa nu. Ñaa ku̱yati ra xaꞌa nu, xíto ra án íyo kuiꞌi ndaꞌa nu kaxi ra kaꞌán ra, ta köo kuiꞌi ndi̱taꞌan ra, ndisaa iku mií kua íyo ndaꞌa nu, chi süvi tiempo kúun kuiꞌi kua.

San Marcos 16:17

Ta ya yóꞌó ku seña yatuꞌun taxi i koo xiꞌin na kándixa yeꞌe: Kuniñuꞌu na ndee i xiꞌin kivi i ya tava na tachi nduvaꞌa, ta saa kaꞌan na inka nuu tuꞌun xa̱á ya köo ndi̱sikuaꞌa na.

San Juan 14:28

Xa xi̱ni soꞌo ndo ya ndi̱kaꞌan i xiꞌin ndo: Kuꞌun i, ta sindiꞌi saa ndiko koo tuku i koo i xiꞌin ndo. Tá tu kúꞌvi ni ini ndo xíni ndo yeꞌe, ta kusini ni ndo chi ndi̱kaꞌan i xiꞌin ndo kuꞌun i nuu Iva i, chi Iva i ta chee ni ka ra ikán nuu yeꞌe.

San Juan 16:7

Sundi ya ndaa káꞌan i xiꞌin ndo, tá ná kuꞌun i ta vaꞌa ni ka kee ndo. Chi tá ná küꞌun i ta kïxi Tachi I̱í Ndioxi chindee ya ndóꞌo̱, sindiko ya ini ndo. Tá ná kuꞌun i ta tiꞌvi i ya kixi ya.

San Juan 4:37

Tá íyo ya káchi na káꞌan, ta ya ndaa ni kua káꞌan na, káchi na saa: “Síín kú ra chíꞌi ta síín kú ra síkee”, káchi na.

San Juan 5:20

Saa chi Iva ra ta kúꞌvi ni ini ra xíni ñaꞌa ra, yakan kua sínaꞌa ndiꞌi ra ya íkan ra nuu ra, ta kuaꞌa ni ka va ya sinaꞌa ra nuu ndo kuni ndo, ta iin ndikanda ini ndo tá ná kuni ndo ya ikan ra.

San Juan 7:33

Saa ndi̱kaꞌan Jesús xiꞌin na, káchi ra saa: ―Siloꞌo ni va tiempo íyo i xiꞌin ndo, ta saa ndiko koo i kuꞌun i nuu ra ti̱ꞌvi yeꞌe vaxi i.

San Juan 7:39

Ndi̱kaꞌan Jesús saa xiꞌin na chi na kándixa ñaꞌa ta ndikiꞌin na Tachi I̱í Ndioxi koo ya xiꞌin na. Täꞌan kixi ya koo ya xiꞌin na, chi täꞌan ndiko koo ra kuꞌun ra nuu ndivi.

Los Hechos 10:46

Saa chi xi̱ni soꞌo nda káꞌan na ikán inka nuu tuꞌun, saa káꞌan ni na ya vaꞌa xaꞌa Ndioxi.

Los Hechos 16:18

Kuaꞌa ka kivi íkan yá saa xiꞌin nde. Ñaa xa̱á sáa ra Pablo xiꞌin yá ta ndi̱ko koo ra ndi̱kaꞌan ra xiꞌin tachi nduvaꞌa kúu mií yá, káchi ra saa: ―Xiꞌin ndee Jesucristo xáꞌnda chiñu i nuu un, vaꞌa keta kuaꞌan ―káchi ra xiꞌin ya. Ta saa ndikun si̱ndoo ñaꞌa ya.

Los Hechos 19:12

Sava na ndíso na taꞌan na, na kúꞌvi kuaꞌan na nuu ra Pablo, saa ndíso na toto án paíto na kuaꞌan xiꞌin na nuu ra saa chínuu na ya sata na kúꞌvi ta ndúvaꞌa na ikán. Nda na kúu mií tachi nduvaꞌa ta kée ya na, ndikun ndúvaꞌa na.

Los Hechos 2:33

Ta ndi̱kiꞌin Ndioxi ra kuaꞌan xiꞌin ra koo ra ñaꞌñu kuáꞌá ra nuu ndivi. Saa ta̱xi Ndioxi Tachi ra ndaꞌa Jesús tá íyo ya ndi̱kaꞌan ra xiꞌin Jesús yachi, saa íyo ya i̱kan ra. Ta ndiꞌi ya xíto ndo xiꞌin ya xíni ndo vitin, Tachi I̱í Ndioxi ya ti̱ꞌvi ra ndaꞌa nde kua i̱kan saa xiꞌin nde.

Los Hechos 2:41

Ta kuaꞌa ka vi ku na chi̱chi mi kivi ikán. Iin kuꞌva uni mil ku na chi̱chi xaꞌa ya ka̱ndixa na tuꞌun ya ndi̱kaꞌan ra Pedro xiꞌin na. Nda kivi saa ndi̱kitaꞌan na chi̱chi ikán xiꞌin na kándixa Jesús.

Los Hechos 4:16

káchi na saa: ―¿Unkua ikan yo xiꞌin nda? Xa ndiꞌi na ñuu Jerusalén yóꞌó kúndaa ini xaꞌa yatuꞌun Ndioxi i̱kan nda ta küvi ndikuaa yo ya.

Los Hechos 4:33

Ta nda apóstol ndinuni loꞌo káꞌan nda xiꞌin naꞌa xaꞌa Jesús. Ndítuꞌun nda xiꞌin na ya ndixa kua ndi̱taku Tata yo Jesús. Saa kuaꞌa ka vi ya vaꞌa ndi̱niꞌi na nuu Ndioxi.

Los Hechos 4:4

Sundi yáꞌa ni kuaꞌa ku mií na xi̱ni soꞌo ya ndi̱kaꞌan nda, ñaa xa̱á na kándixa na Jesús. Iin kuꞌva uꞌun mil ku ndisaa nda taa.

Los Hechos 5:15

Ta kuaꞌa ni naꞌa táva na taꞌan na, na kúꞌvi, ndóso na nuu xito kuaꞌan na xiꞌin na yuꞌu ichí. Ta ikán kíꞌin ñaꞌa na chíndoo na nuu yáꞌa ra Pedro, chi ndíkani ini na, án nda ndati ra ná kani ndaa sata sava na ta nduvaꞌa na, káchi na.

Los Hechos 6:7

Ta ndiꞌi ni kúu xíta tuꞌun xaꞌa Jesús kuaꞌan ya, xa̱á ndúkuaꞌa na ndíkun ichí ra mi ñuu Jerusalén. Nda mií nda sutu nuu na judío kuaꞌa ni nda xa̱á kándixa Jesús.

Los Hechos 8:7

Chi kuaꞌa ni na kúu mií tachi nduvaꞌa si̱ndaꞌa ra. Tá síndoo ya na kée ya kuaꞌan ya, ta iin ndáꞌi koꞌo ya síndoo ñaꞌa ya. Kuaꞌa ni ku tu na ndu̱chiꞌña xaꞌa tin na küvi kaka si̱ndaꞌa ra.

Los Hechos 9:34

Saa ndi̱kaꞌan ra Pedro xiꞌin ra, káchi ra saa: ―Tata Eneas, vitin síndaꞌa Jesucristo yóꞌo̱. Kuándikoo, ndaniꞌi un xito un ―káchi ra xiꞌin ra. Tá ndi̱kaꞌan soꞌva ra xiꞌin ra, ta saa ndikun ndi̱koo ra, ndu̱vaꞌa ra.

Los Hechos 9:40

Ñaa xa̱ꞌnda ra Pedro chiñu ya ná kee ndiꞌi na cuarto nuu índuꞌu yá. Ta saa ka̱na koo na. Tá ke̱e ndiꞌi na, ta ñaa si̱kusiti ra xa̱á ra káꞌan ra xiꞌin Ndioxi. Saa ndi̱koto ra nuu yá, káꞌan ra xiꞌin yá, káchi ra saa: ―Nana Tabita, kuándikoo ―káchi ra xiꞌin yá. Saa ndi̱xuna nuu yá. Tá xi̱ni yá ra Pedro, ta ndi̱koo yá ndi̱kunduꞌu koo yá.

ROMANOS 15:19

Ndixaꞌvi ni mií Ndioxi xaꞌa Tachi I̱í ra, saa chi chíndee ya yeꞌe íkan i yatuꞌun nuu na xiꞌin ya vaꞌa ni, ta soꞌva kua síxinu i tuꞌun vaꞌa xaꞌa Jesucristo. Nda ñuu Jerusalén kua xa̱á i káꞌan ndoso i tuꞌun vaꞌa xaꞌa ra, iin saa ndi̱xaa i nda ñuu Ilírico, ndi̱xika ndiꞌi i ndi̱kaꞌan i xiꞌin na xaꞌa tuꞌun vaꞌa ya síkaku mií na.