San Juan 14:10 - Xochapa Mixteco

¹⁰ ¿Án köo kándixa un yeꞌe ya íyo i xiꞌin Iva i, ta Iva i íyo ra xiꞌin i? Ndiꞌi ya káꞌan i xiꞌin ndo ta süvi xiní mií i kána ya káꞌan i xiꞌin ndo. Tuꞌun mií ra kua káꞌan i xiꞌin ndo, ta íkan ra chiñu kúni mií ra tixin yeꞌe.

San Juan 14:10 Iomraidhean Croise

San Juan 10:30

Yeꞌe xiꞌin Iva i Ndioxi ta iin ku nde ―káchi Jesús xiꞌin na.

San Juan 10:38

Tá tu xáa súvi i chiñu Iva i, ta vaꞌa kandixa ndo ya ikán, vani ná kändixa ndo yeꞌe. Tá tu kándixa ndo ya íkan i, ta saa kundaa ini ndo ya íyo Iva i xiꞌin i, ta yeꞌe íyo i xiꞌin ra ―káchi Jesús xiꞌin nda.

San Juan 11:26

Tá kúu ndiꞌi na táku, tá tu kándixa na yeꞌe ta nda iin kivi ndïꞌi xaꞌa na. ¿Án kándixa un ya káꞌan i xiꞌin un? ―káchi Jesús xiꞌin yá.

San Juan 12:49

Chi tuꞌun yuꞌu mií Ndioxi kua ndi̱kaꞌan i xiꞌin ndo, ta süvi tuꞌun mií i kua. Iva i Ndioxi ku ra ti̱ꞌvi yeꞌe vaxi i, ta xa̱ꞌnda ra chiñu nuu i ndá tuꞌun kua kaꞌan i xiꞌin ndo, ta ndá kuꞌva kua ndituꞌun i xiꞌin ndo.

San Juan 14:11

Vaꞌa kandixa ndo ya káꞌan i xiꞌin ndo íyo i xiꞌin Iva i, ta Iva i íyo ra xiꞌin i, tá tu köo kúni tu ndo kandixa ndo ya yóꞌó, ta vaꞌa kandixa ndo yeꞌe xaꞌa ñaꞌa ya xi̱ni ndo íkan i.

San Juan 14:20

Tá ná tindaa kivi nuu ndixa kutaku ndo, ta saa kuni ndo ya ndixa iin kuu i xiꞌin Iva i, ta saa ndóꞌo̱ iin ku ndo xiꞌin i, ta yeꞌe iin ku i xiꞌin ndo.

San Juan 14:24

Ta na köo kúꞌvi ini xíni yeꞌe, ta köo xáa súvi na ya káꞌan i. Chi tuꞌun ya xíni soꞌo ndo káꞌan i ta süvi tuꞌun mií i kua, tuꞌun Iva i ra ti̱ꞌvi yeꞌe vaxi i kua.

San Juan 17:8

Ta̱xi i tuꞌun un ndaꞌa na ya ta̱xi un ndaꞌa i, ta vaꞌa ni ndi̱kiꞌin na ya. Ta ku̱ndaa ini na ya ndixa kua ke̱e i nuu un, ta kándixa na yóꞌo̱ ku ra ti̱ꞌvi yeꞌe vaxi i.

San Juan 3:2

Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.

San Juan 5:17

Ta ndi̱kaꞌan Jesús xiꞌin nda, káchi ra saa: ―Iva i ta ndiꞌi saa kivi xáa chiñu ra, ta saa tu yeꞌe va, ndiꞌi saa kivi xáa chiñu i ―káchi ra xiꞌin nda.

San Juan 5:19

Saa ndi̱kaꞌan Jesús xiꞌin nda káchi ra saa: ―Ya ndaa káꞌan i xiꞌin ndo, ra kúu Seꞌe Ndioxi ta nda iin ñaꞌa küvi ikan mií ra, ndisaa ya xíni ra íkan Iva ra kua íkan ra. Ndiꞌi saa kivi kándixa ra ya káꞌan Iva ra xiꞌin ra.

San Juan 7:16

Saa ndi̱kuiin Jesús káꞌan ra: ―Ya sínaꞌa i ta süvi ya xíni mií i kua, ya xíni ra ti̱ꞌvi yeꞌe vaxi i kua sínaꞌa i.

San Juan 8:28

Xaꞌa ya ikán kua ndi̱kaꞌan ra xiꞌin nda, káchi ra saa: ―Vaxi kivi ta iin ichí chinuu sukun ndo yeꞌe, Taa ra xa̱a ñuu ivi yóꞌó. Ta saa kundaa ini ndo ya ndixa kua kúu i taa, ra ndi̱kaꞌan i xiꞌin ndo kúu i. Ta nda iin chiñu köo íkan iindaa mií i, ndisaa ya si̱naꞌa Iva i yeꞌe kua káꞌan i xiꞌin naꞌa.

San Juan 8:38

Yeꞌe ta káꞌan i xiꞌin ndo ndá kuꞌva íyo ya si̱naꞌa Iva i nuu i. Ta saa tu ndóꞌo̱ va ndisaa ya káꞌan iva ndo xiꞌin ndo kua xáa súvi ndo ―káchi Jesús xiꞌin na.

San Juan 8:40

Sundi ndóꞌo̱ ta kúni ndo kaꞌni ndo yeꞌe xaꞌa ya ndi̱tuꞌun i ya ndaa xiꞌin ndo, ya xi̱ni soꞌo i ndi̱kaꞌan Iva i. Chi ra Abraham ta nda iin ichí köo ndi̱kan ra tá kuꞌva íkan ndóꞌo̱.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

2 Corintios 5:19

Ta ya káꞌan i xiꞌin ndo kua, kúni i ná kundaa ini ndo, chi tixin Tata yo Jesucristo kua si̱kitaꞌan mani Ndioxi yoo ñuu ivi yóꞌó xiꞌin mií ra, ta köo ndíkiꞌin ra kuenta xaꞌa kuachi nda iin naꞌa. Saa ta̱xi ra chiñu ndaꞌa ndeꞌe ya ndituꞌun nde xiꞌin na ya ná ndikitaꞌan mani na xiꞌin ra.

Colosenses 1:19

Ta kúsini ni mií Iva yo Ndioxi ta̱xi ra ndiꞌi ni kúu ñaꞌa ya kúu mií ra ndaꞌa Tata yo Jesucristo.

Colosenses 2:9

Ta iin tá kuꞌva íyo ini mií Iva yo Ndioxi iin kuꞌva ndaa saa íyo tu ikin kuñu mií Tata yo Jesucristo va.

1 Juan 5:7

Uni ku na ndíkuiin xaꞌa ra nuu ndivi: Iva yo Ndioxi tin Tuꞌun ra xiꞌin Tachi I̱í Ndioxi ku na ndíkuiin xaꞌa ra, ta iin ku uni saa na yóꞌó.