San Juan 13:4 - Xochapa Mixteco

⁴ Saa ndóo na xíxini na, ta ndi̱kundichi Jesús ta̱va ra toto ya súkun ra, saa ki̱ꞌin ra iin toalla ka̱tun ra toko ra.

San Juan 13:4 Iomraidhean Croise

San Lucas 12:37

Vaꞌa ni kee na moso na íkan saa, na köo kíxi, na ndátun ndakua xaa xitoꞌo na kani ndaꞌa ra yeꞌe, saa kuna na nuu ra ndiꞌvi ra. Saa tá ná kuni ra ndóo na ndátun ñaꞌa na, ta kusini ni ra xiꞌin na, nda xaa vií ra ñaꞌa kandita ra nuu mesa ra kuxi na.

San Lucas 17:7

Ta saa ndi̱kaꞌan tuku Jesús káchi ra saa: ―Tá tu íyo iin ra sa̱ta xitoꞌo ra xáa chiñu nuu ra ta ndi̱xaꞌan ra iku ta̱ꞌvi ra án xiꞌin kiti sana ndo ndi̱xaꞌan ra ta ndi̱ko koo ra xa̱a ra xikuaa, ta ¿án kaꞌan ndo xiꞌin ra, ndikunduꞌu ra kuxi ra?

San Lucas 17:8

¿Án süvi xaꞌa ya xáa chiñu ra nuu ndo yakan xáꞌnda ka ndo chiñu nuu ra, káꞌan ndo xiꞌin ra, káchi ndo saa: “Xaa ndúvi un mií un ya sikuaꞌa un ñaꞌa kuxini i, nda ná ndiꞌi kuxi i saa kuxi mií un”, káchi ndo xiꞌin ra.

San Lucas 22:27

Saa ndi̱ndakan tuꞌun ra nda ítaꞌan xiꞌin ra, káchi ra saa: ―¿Unkua káchi ndóꞌo̱? ¿Unku ra chee ka, án ra índuꞌu xíxi nuu mesa, án ra chíkaa ñaꞌa xíxi ra índuꞌu nuu mesa ku ra chee ka? Xíni yo, ra índuꞌu xíxi nuu mesa ku ra chee. Ta yeꞌe vani ra chee ku i nuu ndo, sundi tá íkan iin moso saa íkan i xiꞌin ndo.

San Juan 13:12

Saa tá si̱ndiꞌi ra ndi̱kata ra xaꞌa nda, ta ndi̱kusukun tuku ra toto ikán, saa ndi̱kunduꞌu tuku ra nuu mesa xa̱á ra káꞌan ra, káchi ra saa: ―¿Án xíni ndo unkua kúni kachi ya i̱kan i xiꞌin ndo?

2 Corintios 8:9

Chi xa xíni mií ndo ya kúꞌvi ni ini mií Tata yo Jesucristo xíni ra yoo kua nda̱sa ndaꞌvi ra mií ra, vani kuika ni ndi̱xiyo ra ta saa nda̱sa ndaꞌvi ra mií ra xaꞌa ndóꞌo̱, ya ná ndukuika ndo.

1 Juan 3:11

Ya yóꞌó ku tuꞌun Ndioxi ya xi̱ni soꞌo yo tá núnu̱ú vaꞌa: Ya ná kuꞌvi ni ini yo kuni taꞌan yo.