San Juan 13:3 - Xochapa Mixteco

³ Xa xíni Jesús ya ta̱xi ndiꞌi Iva ra ñaꞌa ndaꞌa ra, ta xíni ra ke̱e ra nuu Ndioxi, ta saa ndiko koo ra kuꞌun ra.

San Juan 13:3 Iomraidhean Croise

San Mateo 11:27

Saa ndi̱kaꞌan ka Jesús xiꞌin na, káchi ra saa: ―Iva i Ndioxi ta̱xi ndiꞌi ra ya vaꞌa ndaꞌa i. Ta nda iin naꞌa köo xíni yeꞌe, ra kúu seꞌe Ndioxi, iindaa mií Ndioxi ku ra xíni vaꞌa yeꞌe. Ta nda iin naꞌa köo xíni Iva i tá kuꞌva xíni yeꞌe ra, saa tu na ndi̱kaxin i taxi i kuni vaꞌa na ini ra.

San Mateo 28:18

Saa ku̱yati Jesús nuu nda, ta ndi̱kaꞌan ra xiꞌin nda, káchi ra saa: ―Ndaꞌa yeꞌe ta̱xi Ndioxi ichí xaꞌa ndiꞌi ni kúu ñaꞌa ya íyo nuu ndivi tin ya íyo ñuu ivi yóꞌó.

San Lucas 10:22

Ta saa ndi̱kaꞌan ka ra káchi ra saa: ―Iva i Ndioxi ta ta̱xi ra ichí ndaꞌa i xaꞌa ndiꞌi ñaꞌa. Ta nda iin naꞌa köo xíni ini yeꞌe ra kúu Seꞌe Ndioxi, iindaa mií Iva i Ndioxi ku ra xíni ini i, ta ni ini Iva i Ndioxi köo xíni na, iindaa yeꞌe ku Seꞌe ra ku i xíni ini ra, saa sínaꞌa i ra nuu na kúni mií i kuni taꞌan xiꞌin ra ―káchi Jesús.

San Juan 1:18

Nda iin mituꞌun naꞌa täꞌan kuni xiꞌin nuu Ndioxi. Iindaa Jesucristo Seꞌe Ndioxi, ra iin mituꞌun nuu ra, ra íyo xiꞌin ra, ra ikán ku ra xíni vaꞌa Ndioxi, ta ra ikán ku ra sínaꞌa yoo ndá kuꞌva káa Ndioxi.

San Juan 13:1

Yachi tixin viko pascua. Ta xa ku̱ndaa ini Jesús ya ti̱ndaa hora sindoo ra ñuu ivi yóꞌó, ta ndiko koo ra kuꞌun ra nuu Iva ra. Ta ndiꞌi saa ichí ku̱ꞌvi ni ini ra xi̱ni ra nda ítaꞌan xiꞌin ra ñuu ivi yóꞌó, ta saa si̱naꞌa ra mií ra nuu nda ya ndixa ni kúꞌvi ini ra xi̱ni ñaꞌa ra nda kivi sindiꞌi.

San Juan 17:2

Chi yóꞌo̱ ku ra ta̱xi ichí ndaꞌa i xaꞌa ndiꞌi na ñuu ivi na ta̱xi un ndaꞌa i yóꞌó, ya ná taxi i ichí ndaꞌa na kutaku na ndiꞌi saa kivi.

San Juan 3:13

’Nda iin naꞌa köo ndi̱ndaa nuu ndivi, iindaa mituꞌun Taa ra xa̱a ñuu ivi yóꞌó ku ra nu̱u nuu ndivi, chi ikán íyo ra.

San Juan 3:35

Iva yo Ndioxi ta kúꞌvi ni ini ra xíni ra Seꞌe ra, yakan kua ta̱xi ndiꞌi ra ñaꞌa ndaꞌa Seꞌe ra.

San Juan 7:29

Ta mií i ta xíni vaꞌa i ra, chi nuu ra ikán ke̱e i vaxi i. Mií ra ti̱ꞌvi yeꞌe vaxi i ―káchi ra xiꞌin na.

San Juan 7:33

Saa ndi̱kaꞌan Jesús xiꞌin na, káchi ra saa: ―Siloꞌo ni va tiempo íyo i xiꞌin ndo, ta saa ndiko koo i kuꞌun i nuu ra ti̱ꞌvi yeꞌe vaxi i.

San Juan 8:14

Saa ndi̱kuiin Jesús káꞌan ra: ―Ni káꞌan i xaꞌa mií i, ta ndáa yaꞌvi ya káꞌan i xaꞌa i, saa chi xíni i míí chí ki̱xi i, ta xíni i míí chí kuꞌun i, sundi ndóꞌo̱ ta köo xíni ndo míí chí ki̱xi i, ni köo xíni ndo míí chí kuꞌun i.

San Juan 8:42

―Tá tu ndixa Ndioxi ku Iva ndo ta kuꞌvi ini ndo kuni ndo yeꞌe, ndikuu. Saa chi yeꞌe ta nuu Ndioxi ke̱e i xa̱a i ñuu ivi yóꞌó, süvi xaꞌa ya kúni mií i kua xa̱a i, chi Ndioxi ku ra ti̱ꞌvi yeꞌe vaxi i.

Los Hechos 2:36

Ta xaꞌa ya ñaa kua xíniñuꞌu kundaa ini ndiꞌi ndóꞌo̱ na taꞌan yo Israel chi suvi mií Jesús ra chi̱nuu ndo nuu cruzin ku ra kúu Cristo ra sikaku yoo ―káchi ra Pedro xiꞌin nda.

1 Corintios 15:27

Tá káchi tuꞌun Ndioxi ya ta̱a na xinaꞌa, káchi ya saa: “Ndiꞌi ni kúu ñaꞌa, ta mií Jesucristo ku ra ndi̱kuiso chiñu xiꞌin ndiꞌi ya”. Xaꞌa ya káꞌan tuꞌun Ndioxi saa, ta köo kúni kachi ya nda mií Ndioxi ku ra ndi̱kuiso chiñu Jesucristo xiꞌin, chi mií va Ndioxi ku ra ta̱xi ndee ndaꞌa Jesucristo ndi̱kuiso chiñu ra xiꞌin ndiꞌi ni kúu ñaꞌa.

HEBREOS 1:2

Sundi tiempo ya kuaꞌan ndíꞌi ndóo yo vitin ta köo káꞌan ka ra xiꞌin yo tixin nda ikán, tixin Seꞌe ra kua káꞌan ra xiꞌin yo, chi tixin ra ikán kua si̱kuaꞌa ra ndiꞌi ni kúu ñaꞌa ya íyo nuu ndivi xiꞌin ya íyo ñuu ivi yóꞌó. Saa ta̱xi ndiꞌi ra ya ndaꞌa Seꞌe ra, ta ra ikán ku ra ndíso chiñu xiꞌin ndiꞌi ni kúu ñaꞌa ra.