San Juan 13:24 - Xochapa Mixteco

²⁴ Saa si̱kaka ndaꞌa ra Simón Pedro nuu ra ikán, ya ná ndakan tuꞌun ra Jesús, unku nda ku nda ikán saa.

San Juan 13:24 Iomraidhean Croise

San Lucas 1:22

Sundi tá ke̱ta ra, ta ni köo ndi̱kuvi ka kaꞌan ra xiꞌin na. Saa ku̱ndaa ini na íyo ñaꞌa si̱tuvi Ndioxi nuu ra ini cuarto i̱í ikán. Ndá seña íkan ndaꞌa ra nuu na, köo ndi̱kuvi ka kaꞌan ra, ki̱ndoo meꞌme ra.

San Lucas 5:7

Ta saa i̱kan nda seña nuu nda taꞌan nda, nda ñúꞌu ini inka barco, ya ná kuꞌun nda chindee ñaꞌa nda. Saa ndi̱xaa nda ta̱va nda ya. Si̱kutu ndaa nda uvi saa tun barco xiꞌin ri, siloꞌo ndikava nu ini tikuii chi ku̱u vee nu xiꞌin ri.

San Juan 13:23

Ta iin ra ítaꞌan xiꞌin Jesús ku ra kúꞌvi ni ini ra xíni ñaꞌa ra, ta yati índuꞌu ndaa ra xiín Jesús.

San Juan 13:25

Saa ku̱yati vaꞌa ra ikán xiín Jesús, ta ndi̱ndakan tuꞌun ñaꞌa ra, káchi ra saa: ―¿Tata, unku ndeꞌe ikan saa? ―káchi ra.

Los Hechos 12:17

Saa i̱kan ra seña nuu na ya ná kutaxin yuꞌu na. Ta saa ndi̱tuꞌun ra xiꞌin na ndá kuꞌva ta̱va Tata yo ra veꞌe kàà. Ta káꞌan ra xiꞌin na, káchi ra saa: ―Ndituꞌun ndo ya yóꞌó xiꞌin ra Jacobo tin ndiꞌi ka na taꞌan yo na kándixa Jesús ―káchi ra xiꞌin na. Saa ke̱e ra ndi̱kiꞌin ra kuaꞌan ra inka ñaꞌñu.

Los Hechos 13:16

Ñaa ndi̱kundichi ra Pablo íkan ra seña nuu na ya kutaxin yuꞌu na, saa xa̱á ra káꞌan ra, káchi ra saa: ―Ndóꞌo̱ na taꞌan yo na judío xiꞌin ndóꞌo̱ na köo kúu judío, ndo káñuꞌu ni Ndioxi, kuni soꞌo ndó ná kaꞌan i xiꞌin ndo,

Los Hechos 21:40

Saa ndi̱kuiin ra ikán káꞌan ra: ―Vaꞌa kaꞌan un xiꞌin va na ―káchi ra. Saa ndi̱kundichi ra Pablo nuu escalera ikán, xíka ndaꞌa ra nuu na ya ná kutaxin yuꞌu na. Saa ku̱taxin yuꞌu na. Tá ku̱taxin yuꞌu na, ñaa xa̱á ra káꞌan ra xiꞌin na. Tuꞌun mií ra ya hebreo, káchi ra saa: