San Juan 13:21 - Xochapa Mixteco

²¹ Tá ndi̱ꞌi ndi̱kaꞌan ra saa, ta xa̱á ra kúsuchi ni ini ra, ta saa ndi̱kaꞌan ra xiꞌin nda, káchi ra saa: ―Ya ndaa káꞌan i xiꞌin ndo: Iin ndóꞌo̱ ku ndo ndixiko vata yeꞌe nuu na sáa ini xíni yeꞌe ―káchi ra xiꞌin nda.

San Juan 13:21 Iomraidhean Croise

San Mateo 26:21

Tá ndóo nda xíxini nda saa ndi̱kaꞌan ra xiꞌin nda, káchi ra saa: ―Ya ndaa káꞌan i xiꞌin ndo, chi iin ndóꞌo̱ ndóo yóꞌó ku ndo ndixiko vata yeꞌe nuu na sáa ini xíni yeꞌe.

San Mateo 26:38

Saa ndi̱kaꞌan ra xiꞌin uni saa nda, káchi ra saa: ―Kúndíi ka vi ini i, ndakua íyo ini i kuvi i. Yóꞌó koo ndo xiꞌin i, ta küsun ndo ―káchi Jesús xiꞌin nda.

San Marcos 14:18

Saa tá ndóo nda xíxi nda nuu mesa, ta saa ndi̱kaꞌan ra xiꞌin nda, káchi ra saa: ―Ya ndaa káꞌan i xiꞌin ndo, iin ndóꞌo̱ ndóo xíxi xiꞌin i nuu mesa yóꞌó ku ndo ndixiko vata yeꞌe nuu na sáa ini xiꞌin yeꞌe ―káchi ra.

San Marcos 3:5

Saa ndi̱saa ni Jesús ndi̱koto ra nuu nda ndóo ikán, ta ku̱chiꞌña ka vi ini ra, chi tuun ni nima nda. Saa ndi̱kaꞌan ra xiꞌin ra ndi̱ndichi ndaꞌa ikán, káchi ra saa: Sindikaa ndaꞌa un ―káchi ra xiꞌin ra. Saa si̱ndikaa ra ndaꞌa ra. Tá si̱ndikaa soꞌva ra ya, ta ndikun ndu̱vaꞌa ya.

San Juan 11:33

Saa tá xi̱ni ra xáku ni yá, ta saa tu na ndi̱xaa ndóo xiꞌin va yá, ta ku̱suchi ni ini ra xiꞌin yá saa ndi̱taꞌvi ni ini ra xi̱ni ra na.

San Juan 11:35

Saa xa̱á Jesús xáku ra.

San Juan 11:38

Saa ta ku̱suchi ni ini Jesús. Ta ndi̱xaa ra yeꞌe kava nuu ndi̱nduxin ra Lázaro. Ta índuꞌu iin yu̱ú, yuꞌu kava ikán ndási ya.

San Juan 12:27

Saa ndi̱kaꞌan ka Jesús, káchi ra saa: ―Ta vitin yáꞌa ni ndíꞌi ini i, saa xíka ni ini i unkua nduku i nuu Ndioxi. ¿Án vaꞌa ka kaꞌan i xiꞌin Iva i ya sikaku ra yeꞌe xaꞌa ya kundoꞌo i vitin? Ta küvi kaꞌan i saa xiꞌin ra, chi xaꞌa ya kuvi i kua vaxi i ñuu ivi yóꞌó ―káchi Jesús.

San Juan 13:18

’Süvi xaꞌa ndiꞌi ndo káꞌan i, chi yeꞌe ta xa xíni va i unku ndóꞌo̱ ndi̱kaxin i. Ta ndixa xíniñuꞌu xinu nuu tuꞌun Ndioxi ya ta̱a na xinaꞌa, káchi ya saa: “Iin taa, ra xíxi xita vaꞌa xiꞌin i ku ra ndi̱kiꞌvi kuachi xiꞌin i”, káchi tuꞌun Ndioxi.

San Juan 13:2

Saa ku̱u ndi̱kunduꞌu Jesús kuxini ra xiꞌin nda ítaꞌan xiꞌin ra, ta xa sikaꞌán va kiti nǎꞌa ini ra Judas Iscariote seꞌe ra Simón, ya ná nditaxi ra Jesús ndaꞌa na sáa ini xíni ra.

San Juan 13:22

Saa ndi̱koto nuu taꞌan ndiꞌi nda ítaꞌan xiꞌin ra, ta xíka ni ini nda, unku nda káꞌan ra xaꞌa.

Los Hechos 17:16

Tá íyo ra Pablo ñuu Atenas ndátun ra xaa ra Silas xiꞌin ra Timoteo, saa ku̱chiꞌña ni ini ra, chi xi̱ni ra kuaꞌa ni ndioxi ya síkuaꞌa mií na kándixa na.

1 Juan 2:19

Ta na sáa ini xíni Tata yo Jesucristo ku na xi̱ñuꞌu xiꞌin yo ta ka̱na koo na kuaꞌan na, chi süvi taꞌan yo ku na, chi tá tu na taꞌan yo ndi̱xiyo na ta kuñuꞌu na xiꞌin yo, ndikuu. Ta na ñaa ta ka̱na koo na tañu yo kuaꞌan na, ya ñaa sínaꞌa yoo süvi ndiꞌi na ndixa ndíkun sata ra.