San Juan 13:19 - Xochapa Mixteco

¹⁹ Xa vitin ka káꞌan i xiꞌin ndo, ya kundaa kuee ini ndo, tá ti̱ndaa ya kuu saa, ta kandixa ndo ya kúu i taa ra kúu i.

San Juan 13:19 Iomraidhean Croise

San Mateo 11:3

Ndi̱xaa nda nuu ra, káꞌan nda xiꞌin ra, káchi nda saa: ―¿Án yóꞌo̱ ku ra ndátun nde tiꞌvi Ndioxi kixi sikaku na ñuu ivi yóꞌó án kundatun ka nde inka ra? ―káchi nda xiꞌin Jesús.

San Mateo 24:25

Xa yachi ka ndítuꞌun i xiꞌin ndo, tá ná kuu saa ta kuenta ni koo ndo xiꞌin mií ndo.

San Lucas 21:13

Tá ndi̱xaa ndo nuu na chiñu ikán ta kuchiñu ndo ndituꞌun ndo tuꞌun vaꞌa xaꞌa i xiꞌin na.

San Juan 1:15

Ta ra Juan ku ra ndíkuiin xaꞌa ra ikán, chi ra ikán ku taa, ra kúu tuꞌun Ndioxi. Ndee ni ndi̱kaꞌan ra Juan káchi ra saa: ―Ra yóꞌó ku taa ra ndi̱kaꞌan i xaꞌa xiꞌin ndo yachi, ka̱chi i saa: Ra vaxi sata i, ta chee ni ka ra ikán nuu i chi xa yachi vi íyo ra ―káchi ra Juan.

San Juan 14:29

Káꞌan kuee i xiꞌin ndo vitin, tá ndi̱xinu ndiꞌi ya ndi̱kaꞌan i xiꞌin ndo ta saa kandixa ndo yeꞌe.

San Juan 16:4

Xa káꞌan kuee i xiꞌin ndo, tá ti̱ndaa kivi xa̱á kúu saa ta ndikaꞌán ini ndo xaꞌa ya xa ndi̱kaꞌan i xiꞌin ndo. ―Ta köo ndi̱kaꞌan i ya yóꞌó xiꞌin ndo tá núnu̱ú saa chi íyo i xiꞌin ndo.

San Juan 4:26

Saa ndi̱kaꞌan Jesús xiꞌin yá, káchi ra saa: ―Ra káꞌan un xaꞌa ñaa ku yeꞌe va ―káchi ra xiꞌin yá.

San Juan 8:28

Xaꞌa ya ikán kua ndi̱kaꞌan ra xiꞌin nda, káchi ra saa: ―Vaxi kivi ta iin ichí chinuu sukun ndo yeꞌe, Taa ra xa̱a ñuu ivi yóꞌó. Ta saa kundaa ini ndo ya ndixa kua kúu i taa, ra ndi̱kaꞌan i xiꞌin ndo kúu i. Ta nda iin chiñu köo íkan iindaa mií i, ndisaa ya si̱naꞌa Iva i yeꞌe kua káꞌan i xiꞌin naꞌa.

San Juan 8:58

Saa ndi̱kuiin Jesús káꞌan ra, káchi ra saa: ―Ya ndaa ni káꞌan i xiꞌin ndo, tá täꞌan ka vi koo ra Abraham, ta yeꞌe ta xa íyo va i ―káchi ra xiꞌin nda.