San Juan 13:15 - Xochapa Mixteco

¹⁵ Tá kuꞌva i̱kan i xiꞌin ndo, saa xíniñuꞌu ndo xaa súvi ndo xiꞌin taꞌan ndo.

San Juan 13:15 Iomraidhean Croise

San Mateo 11:29

Xaa súvi ndo ya káꞌan i xiꞌin ndo ya káa tá káa itun yuku i. Sikuaꞌá ndo tá kuꞌva íyo i, chi yeꞌe ta köo kueꞌe ini i, ndaꞌvi ni ini i, vaꞌa ni taa ku i, ikán ndo saa, ta saa kuchiñu ndo ndikundee ndo.

ROMANOS 15:5

Yakan ndúku ni i ya mani nuu Ndioxi ná taxi ra ndee ndaꞌa ndo, ta ná xaꞌa ni ra ndee xiꞌin ndo, ná chindee ni ra ndóꞌo̱ ya kutaꞌan vaꞌa ni ndo xiꞌin taꞌan ndo tá kuꞌva kúni mií Jesucristo.

Efesios 5:2

Tá kuꞌva íkan Cristo xiꞌin yo, kúꞌvi ni ini ra xíni ra yoo, ta saa xíniñuꞌu ndóꞌo̱ kuꞌvi ni ini ndo kuni taꞌan ndo. Chi xaꞌa ya kúꞌvi ni ini ra xíni ra yoo kua ndi̱soko ra mií ra xaꞌa yo. Tá kuꞌva íkan naꞌa, sóko na kiti levo loꞌo nuu Ndioxi ya xíxi ri nuu ra, saa kuandaa xiko ya támi ni xáꞌan nuu ra. Ta saa i̱kan Cristo xiꞌin yo tá ndi̱xiꞌi ra, ta nda̱a xiko tami ni xaꞌan nuu Ndioxi.

1 Pedro 2:21

Xaꞌa ya ñaa kua ka̱na Ndioxi ndóꞌo̱ ya xaꞌa ndee ni ini ndo kundoꞌo ndo tá kuꞌva ndo̱ꞌo mií Cristo xaꞌa ndo, kuꞌva saa xíniñuꞌu ndo ikan ndo, chi saa íyo ya si̱naꞌa ra ndóꞌo̱ ikan ndo.

1 Pedro 5:3

Ta käꞌnda chiñu ndo nuu na, ya nduu ndo tá íyo xitoꞌo na, na ndee ni íyo ichí ndaꞌa ya kaꞌnda chiñu ndo nuu na. Ya ndee ni vaꞌa ikan ndo xiꞌin na kua sinaꞌa ndo na ná ikan na tá kuꞌva vií ni íkan mií ndo.

1 Juan 2:6

Ndiꞌi na káꞌan, ítaꞌan vaꞌa na xiꞌin Jesucristo káchi na, ta xíniñuꞌu na koo na tá kuꞌva ndi̱xiyo mií Jesucristo ñuu ivi yóꞌó.