San Juan 13:13 - Xochapa Mixteco

¹³ Ndóꞌo̱, ta káꞌan ndo xiꞌin i kúu i Maestro ta kúu i ra kaꞌnu nuu ndo, káchi ndo. Ta ya ndaa ndixa kua káꞌan ndo xiꞌin i, saa chi ikán ku i.

San Juan 13:13 Iomraidhean Croise

San Mateo 20:28

Tá kuꞌva íkan yeꞌe Taa ra xa̱a ñuu ivi yóꞌó, chi yeꞌe ta köo vaxi i ya kaꞌnda i chiñu nuu naꞌa, sundi yeꞌe ta vaxi i ya koto vií i xiꞌin na saa xaa súvi i chiñu nuu na, ta saa kua kuchiñu na saña ndika na xaꞌa kuachi na ―káchi Jesús.

San Lucas 10:28

Saa ndi̱kuiin Jesús káꞌan ra: ―Ya ndaa ni ku ndixa va ya ndi̱kaꞌan un. Xaa súvi ya ñaa, ta kuchiñu un koo un xiꞌin Ndioxi ―káchi Jesús xiꞌin ra.

San Lucas 6:46

Ta saa ndi̱kaꞌan ka ra xiꞌin na, káchi ra saa: ―Ta ndóꞌo̱, ¿ndachu kua káꞌan ndo ku i ra chee, ra ndee nuu ndo, ta köo íkan ndo ya káꞌan i xiꞌin ndo?

San Lucas 7:43

Saa ndi̱kuiin ra Simón káchi ra saa: ―Tuvi yeꞌe, ra kuaꞌa ni xi̱nika ku ra kúꞌvi ni ini xíni ñaꞌa ―káchi ra. Ta saa ndi̱kuiin Jesús, káchi ra saa: ―Ya ndaa ni ndixa ku ya ndi̱kaꞌan un ―káchi ra xiꞌin ra.

San Juan 11:2

(Ta yá María, kuꞌva ra, ku yá ndi̱koyo ndee ndiꞌi nduta tami xaꞌan xaꞌa Jesús, ta saa ndi̱yakun yá xaꞌa ra xiꞌin ixi xini yá.)

San Juan 11:28

Sindiꞌi tá ndi̱kaꞌan yá saa, ta ndi̱xaꞌan yá ka̱na yá kuꞌvi yá, yá María ndi̱kaꞌan sěꞌe yá xiꞌin yá, káchi yá saa: ―Xa̱a ra Maestro yóꞌó, ta ndúku ra yóꞌo̱ ―káchi yá xiꞌin yá.

San Juan 11:3

Saa ti̱ꞌvi ná kuꞌva ra chiñu kuaꞌan nuu Jesús káꞌan ná xiꞌin ra, káchi ná saa: ―Tata, ndee ni ndóꞌo ra kúꞌvi ni ini un xíni un ―káchi ná.

1 Corintios 12:3

Xaꞌa ya ñaa kua káꞌan i xiꞌin ndo, nda iin naꞌa, küvi tavi chiꞌña na Jesús tá tu kúu mií na Tachi I̱í Ndioxi. Ta saa tu nda iin na küvi kaꞌan: “Jesús kúu Tata nde ra chee ni nuu nde”, kachi na, tá tu köo Tachi I̱í Ndioxi kúu mií na.

1 Corintios 8:6

Sundi nuu mií yo, ta iindaa mituꞌun va ku Iva yo Ndioxi mií ra ndaa ni, ta ndaꞌa mií ra kua vaxi ndiꞌi ñaꞌa ya xíniñuꞌu yo, xaꞌa mií ra kua táku yo. Ta saa íyo iindaa Tata yo Jesucristo ta tixin mií ra kua ndi̱kuaꞌa ndiꞌi ñaꞌa, ta si̱kuaꞌa tu ra mií va yo.

Efesios 6:9

Saa ndóꞌo̱ xáa chiñu naꞌa nuu, koto vií ndo xiꞌin na xáa chiñu xiꞌin ya nduxa nuu ndo, ta käꞌan ndo xiꞌin na ya ndee ni sitixuꞌvi ndo na tá väꞌa íkan na chiñu nuu ndo, chi Ndioxi ra íyo nuu ndivi ku ra kíꞌin kuenta xiꞌin na ñaa. Ta suvi tu ra kíꞌin kuenta xiꞌin mií va ndo, chi iin káchi ndáa yaꞌvi ndiꞌi ndo nuu ra.

Filipenses 2:11

Ta ndiꞌi ni kúu naꞌa ndikuni ra ta kaꞌan na xaꞌa ra, kachi na saa: “Jesucristo ku ra Chee ni xáꞌnda chiñu nuu ndiꞌi yo”, kachi na. Ta saa kua ndikunuu sukun ni ya toꞌo Iva yo Ndioxi nduu chee ni ya.

Filipenses 3:8

Ta ndiꞌi ya vaꞌa ni ndi̱xiyo nuu i yachi, ta nda loꞌo ka köo ndáa yaꞌvi ya nuu i vitin xaꞌa ya xi̱ni taꞌan i xiꞌin Tata yo Jesucristo, ra Chee ni nuu yo. Xaꞌa ra yóꞌó kua si̱ndoo ndaꞌa ndiꞌi i ñaꞌa ya ndee ni vaꞌa xi̱ndaa yaꞌvi nuu i tá yachi, ta ni köo xaꞌa ka ya nuu i vitin, tá íyo taka va saa íyo ya nuu i chi ya ndee ni vaꞌa ka kua nduu i kuenta Jesucristo.

Santiago 2:19

Ta vaꞌa ni va íkan ndo xaꞌa ya kándixa ndo iindaa kú Ndioxi, túvi ndo. Ta ¿án köo xíni ndo nda mií kiti nǎꞌa ta kuꞌva saa íkan ri kándixa ri ya íyo iindaa Ndioxi, ta nda kísi ni̱nù ñaꞌa ya, xaꞌa ya íꞌvi ri.