San Juan 13:12 - Xochapa Mixteco

¹² Saa tá si̱ndiꞌi ra ndi̱kata ra xaꞌa nda, ta ndi̱kusukun tuku ra toto ikán, saa ndi̱kunduꞌu tuku ra nuu mesa xa̱á ra káꞌan ra, káchi ra saa: ―¿Án xíni ndo unkua kúni kachi ya i̱kan i xiꞌin ndo?

San Juan 13:12 Iomraidhean Croise

San Mateo 13:51

Saa ndi̱ndakan tuꞌun Jesús nda ítaꞌan xiꞌin ra, káchi ra saa: ―¿Án ku̱ndaa ini ndo ndiꞌi ya ndi̱kaꞌan i xiꞌin ndo? ―káchi ra xiꞌin nda. Ñaa ndi̱kuiin nda, káchi nda saa: ―Ku̱ndaa va ini nde, Tata ―káchi nda xiꞌin ra.

San Marcos 4:13

Saa ndi̱kaꞌan Jesús xiꞌin na, káchi ra saa: ―¿Án köo kúndaa ini ndo unkua kúni kachi tuꞌun ndíchi yóꞌó? Ta ¿unkua ikan ndo kundaa ka ini ndo taꞌan ya ndíchi ndíkani i nuu ndo? ―káchi ra xiꞌin na.

San Lucas 22:27

Saa ndi̱ndakan tuꞌun ra nda ítaꞌan xiꞌin ra, káchi ra saa: ―¿Unkua káchi ndóꞌo̱? ¿Unku ra chee ka, án ra índuꞌu xíxi nuu mesa, án ra chíkaa ñaꞌa xíxi ra índuꞌu nuu mesa ku ra chee ka? Xíni yo, ra índuꞌu xíxi nuu mesa ku ra chee. Ta yeꞌe vani ra chee ku i nuu ndo, sundi tá íkan iin moso saa íkan i xiꞌin ndo.

San Juan 13:4

Saa ndóo na xíxini na, ta ndi̱kundichi Jesús ta̱va ra toto ya súkun ra, saa ki̱ꞌin ra iin toalla ka̱tun ra toko ra.

San Juan 13:7

Saa ndi̱kuiin Jesús ndi̱kaꞌan ra, káchi ra saa: ―Ya íkan i xiꞌin un vitin, ta köo kúndaa ini un unkua kúni kachi ya, sundi sindiꞌi saa kundaa ini un xaꞌa ya ―káchi Jesús xiꞌin ra.