San Juan 12:47 - Xochapa Mixteco

⁴⁷ Na xíni soꞌo tuꞌun ya káꞌan i, tá tu köo xíin na xaa súvi na ya, ta köo táxi i kuachi xaꞌa na, chi yeꞌe ta süvi ra vaxi taxi kuachi na ñuu ivi ku i, yeꞌe vaxi sikaku va ku i na.

San Juan 12:47 Iomraidhean Croise

San Mateo 18:10

Saa ndi̱tuꞌun tuku ra iin tuꞌun ndíchi xiꞌin na sínaꞌa ra na, káchi ra saa: ―Koto ndo ndïkani ini ndo ya köo ndáa yaꞌvi na vali yóꞌó. Saa chi na tatun ndáa na vali yóꞌó, ta ndiꞌi saa kivi íyo na xiꞌin Iva i Ndioxi nuu ndivi.

San Mateo 18:11

Saa chi yeꞌe, Taa ra xa̱a ñuu ivi yóꞌó, ta xa̱a i ñuu ivi yóꞌó ya sikaku i na nda̱ñuꞌu.

San Mateo 20:28

Tá kuꞌva íkan yeꞌe Taa ra xa̱a ñuu ivi yóꞌó, chi yeꞌe ta köo vaxi i ya kaꞌnda i chiñu nuu naꞌa, sundi yeꞌe ta vaxi i ya koto vií i xiꞌin na saa xaa súvi i chiñu nuu na, ta saa kua kuchiñu na saña ndika na xaꞌa kuachi na ―káchi Jesús.

San Lucas 19:10

Ta yeꞌe ku Taa ra xa̱a ñuu ivi yóꞌó ta vaxi i nduku i na nda̱ñuꞌu ya sikaku i na ―káchi Jesús.

San Lucas 9:56

Sïndiꞌi xaꞌa ndo naꞌa, chi yeꞌe ku Taa ra ti̱ꞌvi Ndioxi xa̱a ñuu ivi yóꞌó ta köo ndi̱tiꞌvi Ndioxi yeꞌe vaxi i kaꞌni i naꞌa, na sikaku va i ku na ti̱ꞌvi ra yeꞌe vaxi i ―káchi ra xiꞌin nda. Ta saa ke̱e nda kuaꞌan nda inka ñuu.

San Juan 12:48

Ta ndiꞌi na kúndasi nuu xíni yeꞌe, na köo xíin ndikiꞌin tuꞌun i, ta íyo ya táxi kuachi xaꞌa na. Tuꞌun ya xi̱ni soꞌo na ndi̱kaꞌan i, ya ikán kua táxi kuachi xaꞌa na.

San Juan 3:17

Chi köo ndi̱tiꞌvi Ndioxi Seꞌe ra vaxi ra ñuu ivi ya sitixuꞌvi ra na ñuu ivi, sundi ti̱ꞌvi ñaꞌa ra vaxi ra sikaku ra na.

San Juan 5:45

Ta saa ndi̱kaꞌan ka ra xiꞌin nda, káchi ra saa: ―Ndïkani ini ndo ya taxi i kuachi xaꞌa ndo nuu Iva i Ndioxi, xaꞌa ya köo xíin ndo kandixa ndo yeꞌe. Xa íyo va ra Moisés ra ndíkani ini ndo sikaku ndóꞌo̱.

San Juan 8:26

Íyo kuaꞌa ni ya kaꞌan i xiꞌin ndo xaꞌa ya väꞌa íkan ndo. Sundi ra ti̱ꞌvi yeꞌe vaxi i, ta ra ndaa ni ku ra, ta ndiꞌi ya káꞌan i ñuu ivi yóꞌó ta ya xi̱ni soꞌo i ndi̱kaꞌan ra kua káꞌan i ―káchi Jesús xiꞌin nda.

2 Pedro 3:15

Ta kuñuꞌu ini ndo xaꞌa ya kaꞌnu ni ini Tata yo Jesucristo kua ndátun ra yoo, chi kúni ra sikaku ra ndiꞌi naꞌa. Ta suvi taꞌan ya káꞌan i xiꞌin ndo yóꞌó kua ndi̱kaꞌan tu ra Pablo ñani va yo xiꞌin ndo. Tá ta̱a ra nuu ndo xiꞌin ya ndíchi vaxi nuu Ndioxi kua ta̱a ra.

1 Juan 4:14

Ta ndeꞌe xi̱ni xiꞌin nuu nde Jesús, ra kúu Jesucristo ra ti̱ꞌvi Iva yo Ndioxi ki̱xi ñuu ivi yóꞌó. Ta ndíkuiin nde xaꞌa ra ya ki̱xi ra sikaku ra ndiꞌi na ñuu ivi yóꞌó.