San Juan 12:34 - Xochapa Mixteco

³⁴ Saa ndi̱kuiin na káꞌan na xiꞌin ra, káchi na saa: ―Tuꞌun Ndioxi ya íyo nuu ley ta káꞌan ya xaꞌa ra kúu Cristo, ta ndïꞌi xaꞌa ra, sundi ndiꞌi saa ichí kutaku ra, káchi ya xaꞌa ra. Tá tu ndixa kúu un Taa ra xa̱a ñuu ivi yóꞌó, ta ¿ndachu káꞌan un xíniñuꞌu un ndikunuu sukun un? ¿Ta unku ra ku Taa ra xa̱a ñuu ivi? ―káchi na xiꞌin ra.

San Juan 12:34 Iomraidhean Croise

San Mateo 16:13

Saa ndi̱xaa Jesús iin ñaꞌñu náni Cesarea ya ndíkun ndaa Filipo, saa ndi̱ndakan tuꞌun ra nda ítaꞌan xiꞌin ra, káchi ra saa: ―¿Unkua káꞌan naꞌa xaꞌa yeꞌe, ra kixi nuu Ndioxi? ―káchi ra xiꞌin nda.

San Mateo 21:10

Saa ndi̱kiꞌvi Jesús ñuu Jerusalén, ta iin ndi̱siso naꞌa ndákan tuꞌun taꞌan mií na, káchi na: ―¿Ta unku ra yóꞌó? ―káchi na.

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

San Juan 10:34

Saa ndi̱kuiin Jesús káꞌan ra: ―Iin ñaꞌñu nuu ley ya íyo ndaꞌa ndo káchi ya: “Yeꞌe káꞌan ndioxi vali ku ndo”, káchi Ndioxi xiꞌin xii yo xinaꞌa.

San Juan 12:32

Ta yeꞌe tá ná sindaa naꞌa yeꞌe ndikunuu sukun i, ta saa kua ndixita i ndiꞌi ni kúu na ñuu ivi kixi na nuu i ―káchi Jesús xiꞌin na.

San Juan 15:25

Xaꞌa ya i̱kan na saa kua síxinu na tuꞌun Ndioxi ya íyo nuu ley na, káchi ya saa: “Ni köo ya ndi̱kan i xiꞌin na, ta sáa ni ini na xíni na yeꞌe”, káchi tuꞌun Ndioxi ―káchi Jesús xiꞌin nda.

San Juan 8:28

Xaꞌa ya ikán kua ndi̱kaꞌan ra xiꞌin nda, káchi ra saa: ―Vaxi kivi ta iin ichí chinuu sukun ndo yeꞌe, Taa ra xa̱a ñuu ivi yóꞌó. Ta saa kundaa ini ndo ya ndixa kua kúu i taa, ra ndi̱kaꞌan i xiꞌin ndo kúu i. Ta nda iin chiñu köo íkan iindaa mií i, ndisaa ya si̱naꞌa Iva i yeꞌe kua káꞌan i xiꞌin naꞌa.

ROMANOS 3:19

Xa xíni mií yo ndiꞌi ya káꞌan ley Ndioxi ya ta̱a na xinaꞌa, ta káꞌan ya xaꞌa mií yo ya ndi̱ndoo ya ndaꞌa yo, yakan köo ka ya taa nuu yo. Ta̱xi Ndioxi ley ikán ndaꞌa xii sikua yo na judío, ya ná kundaa ini ndiꞌi naꞌa ya ndíso yo kuachi nuu Ndioxi.

ROMANOS 5:18

Xaꞌa kuachi iin mituꞌun taa, ra Adán kua ku̱xika ndiꞌi yo nuu Ndioxi. Nda saa xa̱á ndiꞌi na ñuu ivi yóꞌó xíꞌi na. Ni saa va, sundi xaꞌa ya vaꞌa i̱kan Jesucristo kua ta̱xi Ndioxi kutaku yo, ndi̱kuiso ra yoo ndu̱u yoo tá íin naꞌa, na köo ka kuachi kúu mií nuu ra, saa ta̱xi ra kutaku yo xiꞌin ra.

HEBREOS 7:24

Sundi Jesús ta sutu ra táku ndiꞌi saa tiempo ku ra, yakan nda iin ichí ndïꞌi xaꞌa chiñu ra ya kúu ra sutu.