San Juan 12:16 - Xochapa Mixteco

¹⁶ Ta nda ítaꞌan xiꞌin ra, ta köo ndi̱kundaa ini nda ya káꞌan tuꞌun ikán. Tá sindiꞌi nda̱a ra kuaꞌan ra nuu ndivi saa vi kua ndi̱kaꞌán ini nda ya ndo̱ꞌo ra, ta xa yachi vi íyo ya xaꞌa ra ya saa kundoꞌo ra káꞌan tuꞌun Ndioxi.

San Juan 12:16 Iomraidhean Croise

San Marcos 16:19

Tá sindiꞌi Tata yo Jesús ndi̱kaꞌan ra xiꞌin nda, saa ndi̱ko koo ra kuaꞌan ra nuu ndivi i̱kan Ndioxi, ta ndi̱kunduꞌu ra ñaꞌñu kuáꞌá Ndioxi.

San Marcos 9:32

Ta ni köo ndi̱kundaa ini nda xaꞌa ya káꞌan ra xiꞌin nda, ta saa köo ndi̱ndakan tuꞌun nda ra chi íꞌvi nda ndakan tuꞌun nda unkua kúni kachi ya ndi̱kaꞌan ra xiꞌin nda.

San Lucas 18:34

Ta ni köo ndi̱kundaa ini nda unkua kúni kaꞌan ya ndi̱kaꞌan ra xiꞌin nda, ni köo ndi̱kiꞌin xiní nda xiꞌin ya chi ndi̱xiyo sêꞌe ya nuu nda.

San Lucas 24:25

Saa ndi̱kaꞌan ra xiꞌin nda, káchi ra saa: ―¿Ndachu kíꞌvi ni ndo, ta uꞌvi ni kúndaa ini ndo xiꞌin ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa!

San Lucas 24:45

Saa ta̱xi ra ndi̱xuna ya xínituni na, ya kuchiñu kundaa ini na xaꞌa tuꞌun Ndioxi.

San Lucas 9:45

Ta ni köo ndi̱kundaa ini nda xiꞌin tuꞌun ikán, chi xi̱ndasi va ya xínituni nda yakan köo ndíkundaa ini nda xiꞌin ya. Ta ni köo ndi̱xaꞌa ndee ini nda ndakan tuꞌun ñaꞌa nda unkua kúni kachi ya ndi̱kaꞌan ra xiꞌin nda.

San Juan 12:23

Saa ndi̱kuiin Jesús káchi ra saa: ―Xa yati ni ti̱ndaa kivi ya xaa súvi i chiñu chee ni nuu xaa kaꞌnu ni Ndioxi yeꞌe Taa ra xa̱a ñuu ivi yóꞌó.

San Juan 14:26

Sundi Tachi I̱í ya tiꞌvi Iva i kixi Sindiko ya ini ndo, ta tixin kivi yeꞌe kua kixi ya chindee ya ndóꞌo. Saa sinaꞌa ndiꞌi ya ndóꞌo̱, ta sindikaꞌán ya ini ndo xaꞌa ndiꞌi tuꞌun ya ndi̱kaꞌan i xiꞌin ndo.

San Juan 16:4

Xa káꞌan kuee i xiꞌin ndo, tá ti̱ndaa kivi xa̱á kúu saa ta ndikaꞌán ini ndo xaꞌa ya xa ndi̱kaꞌan i xiꞌin ndo. ―Ta köo ndi̱kaꞌan i ya yóꞌó xiꞌin ndo tá núnu̱ú saa chi íyo i xiꞌin ndo.

San Juan 17:5

Tata Iva i Ndioxi, vitin xaa kaꞌnu un yeꞌe, taxi un koo i xiín un nuu luvi ni ndi̱xiyo i xiꞌin un yachi tá täꞌan xikoo ñuu ivi yóꞌó.

San Juan 2:22

Chi tá ndi̱xiꞌi ra ta ndi̱taku ra kivi uni, ta saa ndi̱kaꞌán ini nda xi̱taꞌan xiꞌin ra xaꞌa tuꞌun yóꞌó. Ta saa ka̱ndixa nda tuꞌun Ndioxi ya ta̱a na xinaꞌa, ta ka̱ndixa tu nda tuꞌun ya ndi̱kaꞌan Jesús xiꞌin va nda.

San Juan 7:39

Ndi̱kaꞌan Jesús saa xiꞌin na chi na kándixa ñaꞌa ta ndikiꞌin na Tachi I̱í Ndioxi koo ya xiꞌin na. Täꞌan kixi ya koo ya xiꞌin na, chi täꞌan ndiko koo ra kuꞌun ra nuu ndivi.

Los Hechos 2:33

Ta ndi̱kiꞌin Ndioxi ra kuaꞌan xiꞌin ra koo ra ñaꞌñu kuáꞌá ra nuu ndivi. Saa ta̱xi Ndioxi Tachi ra ndaꞌa Jesús tá íyo ya ndi̱kaꞌan ra xiꞌin Jesús yachi, saa íyo ya i̱kan ra. Ta ndiꞌi ya xíto ndo xiꞌin ya xíni ndo vitin, Tachi I̱í Ndioxi ya ti̱ꞌvi ra ndaꞌa nde kua i̱kan saa xiꞌin nde.

Los Hechos 2:36

Ta xaꞌa ya ñaa kua xíniñuꞌu kundaa ini ndiꞌi ndóꞌo̱ na taꞌan yo Israel chi suvi mií Jesús ra chi̱nuu ndo nuu cruzin ku ra kúu Cristo ra sikaku yoo ―káchi ra Pedro xiꞌin nda.

Los Hechos 3:13

Chi Ndioxi ra kaꞌnu, ra ka̱ñuꞌu ni xii sikua yo ra Abraham xiꞌin ra Isaac tin ra Jacob, ra ikán ku ra nda̱sa chee ni Jesús ra kúu Seꞌe ra, ta suvi ra ikán ku ra ti̱in ndo taxi ndo ndaꞌa na chiñu ta köo ndi̱xiin ndo saña ra tá ku̱ni ra Pilato saña ñaꞌa ra.

HEBREOS 12:2

Ta iindaa mituꞌun xaꞌa Tata yo Jesucristo kua ná kundiꞌi ni ini yo, saa chi mií ra ku ra sínaꞌa yoo ndá kuꞌva kua kundaa ni ini yo kuni yo Ndioxi, saa tu iindaa mituꞌun mií ra ku ra chíndee yoo, ndása vaꞌa ra kuꞌva ndáa ni ini yo xíni yo Ndioxi. Ta saa ndi̱xaꞌa ndee ndiꞌi ini ra ndoꞌo ni ra nuu cruzin, ta köo ndi̱kiꞌin ra kuenta xaꞌa ya kúkaꞌan nuu ra, chi kúndaa ini ra tá si̱ndiꞌi ndo̱ꞌo ra saa ta kusini ni ra. Ta vitin ndi̱kunduꞌu ra ñaꞌñu kuáꞌá Ndioxi xáꞌnda chiñu ra xiꞌin Ndioxi.

HEBREOS 8:1

Ta ya káꞌan i xiꞌin ndo yóꞌó kua ndee ni ndee xíniñuꞌu ndo kundaa ini ndo: Jesucristo ku ra ku sutu chee, kaꞌnu ni ra nuu yo, ta nda̱a ra ndi̱kunduꞌu ra ñaꞌñu kuáꞌá Ndioxi nuu íyo tai kaꞌnu itun toꞌo xáꞌnda chiñu ra xiꞌin Ndioxi.