San Juan 12:13 - Xochapa Mixteco

¹³ Ta saa xa̱ꞌnda na itun ñuú níꞌi na kuaꞌan xiꞌin na ndikiꞌin na Jesús. Ta ndee ni káꞌan na, káchi na saa: ―¡Ra Kaꞌnu ni ku Ndioxi! ¡Ta Kaꞌnu ni tu Taa, ra ti̱ꞌvi ra vaxi nuu va ra! ¡Saa chi rey nuu yo Israel ku ra! ―káchi na.

San Juan 12:13 Iomraidhean Croise

San Mateo 23:39

Ta ndixa káꞌan i xiꞌin ndo, nda kivi vitin ta küni ka ndo yeꞌe, nda ná tindaa kivi ya kaꞌan ndo: “Chee ni ra xa̱a sikaku yoo, ra vaxi xiꞌin yuꞌu Iva yo Ndioxi ra íyo nuu ndivi ku ra”, kachi ndo xaꞌa i, nda saa kuni ndo yeꞌe ―káchi Jesús xiꞌin na.

San Mateo 27:42

―Ku̱chiñu ra si̱kaku ra inka naꞌa, ta köo kúchiñu ra sikaku ra mií ra. Tá tu ndixa ra rey nuu na Israel ku ra, ta vaꞌa ná sinuu ra mií ra nuu cruzin saa kuchiñu yo kandixa ñaꞌa yo.

San Juan 1:49

Saa ndi̱kaꞌan ra Natanael xiꞌin ra, káchi ra saa: ―Tata Rabí, ¡yóꞌo̱ ku Seꞌe Ndioxi, ta yóꞌo̱ ku Rey ra kaꞌnu nuu ndeꞌe ñuu Israel! ―káchi ra.

San Juan 12:14

Saa ndi̱taꞌan Jesús iin burru loꞌo, ta nda̱a ra sata ri, tá kuꞌva káꞌan tuꞌun Ndioxi ya ta̱a na xinaꞌa, káchi ya saa:

San Juan 12:15

Ku ïꞌvi ndóꞌo̱ ñuu Jerusalén. Koto ndo víi, yóꞌó vaxi rey ndo. Yóso ra burru loꞌo vaxi ra, káchi tuꞌun Ndioxi ikán.

San Juan 19:15

Saa ndee ni ndikuiin na, káchi na saa: ―¡Ná kuvi ra! ¡Ná kuvi ra! ¡Chinuu ndo ra nuu cruzin! ―káchi na. Saa ndi̱kaꞌan ra Pilato xiꞌin na, káchi ra saa: ―¿Án kúni ndo ya chinuu i rey ndo nuu cruzin? ―káchi ra xiꞌin na. Saa ndi̱kuiin nda naꞌnu nuu sutu, káchi nda saa: ―¡Köo ka inka rey kúu mií nde, iindaa ra rey César ku rey nuu nde! ―káchi nda.

El Apocalipsis 15:3

Saa xíta na yaa i̱í nuu Ndioxi, yaa ya náni: yaa kiti Levo, ya xi̱ta ra Moisés, ra xa̱a chiñu nuu Ndioxi xinaꞌa, káchi na saa: Tata Iva yo Ndioxi, ra ndee ni ndee kúu mií un. Saa vaꞌa ni chiñu íkan un, chee ni ya íkan un. Ndaa ni ichí un ta ndaku ni ya. Iin yóꞌó ku rey ra i̱í ni xáꞌnda chiñu nuu ndiꞌi na ñuu ivi.

El Apocalipsis 19:16

Ta ra yóso kuai yaa ikán, ndíxi ra iin toto nuu ndi̱kaꞌi kivi ra saa tu nuu siꞌin va ra, ta ya ndi̱kaꞌi ikán káchi ya saa: “Ra rey chee ni nuu ndiꞌi nda rey ku ra yóꞌó. Ta saa ndixa ni ka chee ra yóꞌó nuu ndiꞌi ni kúu na naꞌnu”, káchi kivi ra ya ndi̱kaꞌi nuu toto ndíxi ra xiꞌin nuu siꞌin ra.

El Apocalipsis 7:9

Sindiꞌi ikán saa ndi̱koto i, ta xi̱ni i íyo kuaꞌa ni naꞌa, yáꞌa ni kuaꞌa ku na, nda iin naꞌa küchiñu kaꞌvi na ikán. Na ikán ta ndiꞌi ni kúu xaꞌa ñuu ivi yóꞌó ka̱na koo na, na ke̱e ñuu naꞌnu tin ñuu vali, kuaꞌa ni nuu tuꞌun káꞌan ndiꞌi na. Ndíta ndiꞌi na ikán yati nuu ndíchi tai toꞌo nuu índuꞌu ra kaꞌnu xiꞌin Levo loꞌo. Yaa ka vi tikoto ndíxi ndiꞌi na, saa ndíso na ñu̱ú síkuiko na ya nuu ra xiꞌin kiti Levo loꞌo.