San Juan 12:1 - Xochapa Mixteco

¹ Ta kumani ka iñu kivi ya xáa viko pascua, ta ke̱e Jesús kuaꞌan ra ñuu Betania, nuu íyo ra Lázaro, ra ndi̱xiꞌi, ta si̱taku Jesús ra.

San Juan 12:1 Iomraidhean Croise

San Mateo 21:17

Saa ki̱ꞌin Jesús nda naꞌnu ikán si̱ndoo ra, ta ke̱ta ra kuaꞌan ra ñuu Betania, ta ikán ndi̱kixi ra ñuu.

San Marcos 11:11

Saa ndi̱kiꞌvi Jesús ñuu Jerusalén ta ndi̱xaꞌan ra veꞌe ñuꞌu kaꞌnu. Saa si̱kuꞌun nuu ra xíto ra ndiꞌi ni kúu, saa ke̱ta ra kuaꞌan ra ñuu Betania xiꞌin uxi uvi saa nda ítaꞌan xiꞌin ra, saa chi xa xikuáa kua.

San Lucas 24:50

Saa ta̱va Jesús nda kuaꞌan nda yati nuu ndíkaa ñuu Betania ta saa nda̱niꞌi ndaꞌa ra nuu ndivi, chi̱kaa ra ya vaꞌa na.

San Lucas 7:37

Saa íyo iin ñaꞌa yá ñuu ikán, ta ínuu väꞌa ni tuꞌun yá. Tá ku̱ndaa ini yá ndi̱xaa Jesús kuxi ra veꞌe ra Simón, ta ke̱e yá kuaꞌan yá xiꞌin nduta tami xáꞌan, chútu ndaa rá ini iin yuyu kuaꞌan xiꞌin yá.

San Juan 11:1

Ta ñuu Betania ndi̱xiyo iin ra nani Lázaro, saa ki̱ꞌin kueꞌe ra ndée ni ndóꞌo ra. Ta kuꞌva yá María xiꞌin yá Marta ku ra.

San Juan 11:43

Tá sindiꞌi ndikaꞌan ra tuꞌun ikán, ta saa ndi̱ndaꞌi koꞌo ra, káchi ra saa: ―¡Lázaro, naꞌa keta un keꞌe! ―káchi ra.

San Juan 11:44

Saa ke̱ta ra ndi̱xiꞌi, núꞌni ndiꞌi ndaꞌa ra xiꞌin toto, ta saa tu xaꞌa va ra, ta súvi tuun toto nuu ra ke̱ta ra. Saa ndi̱kaꞌan Jesús xiꞌin na, káchi ra saa: ―Ndaxin ndo toto súvi ñaꞌa ta saña ndo ra kuꞌun ra ―káchi Jesús.

San Juan 11:55

Ta kúmani siloꞌo saa tindaa viko pascua ya xákin na judío. Ta kuaꞌa ni na íyo ñuu vali ke̱e na kuaꞌan na ñuu Jerusalén, yachi ka kuaꞌan na xaa súvi na xiꞌin mií na ta saa kuu mií na ichí kuyati na nuu Ndioxi xaa toꞌo na ra.

San Juan 12:12

Kuaꞌa ni naꞌa ndi̱xaa ñuu Jerusalén viko pascua. Ta ndi̱tuvi inka kivi ku̱ndaa ini na ya xa̱a Jesús ñuu Jerusalén.

San Juan 12:20

Ta ñúꞌu tu sava na griego va ndi̱xaa na tañu na ndi̱xaa xáa kaꞌnu viko pascua ñuu Jerusalén ikán.

San Juan 12:9

Ta kuaꞌa ni mií na judío ku̱ndaa ini xaꞌa Jesús ya ndi̱xaa ra ñuu Betania veꞌe ra Lázaro. Saa ndi̱xaa na koto ñaꞌa na, ta süvi ndisaa Jesús ndi̱xaa na koto na, chi ndi̱xaa tu na ya koto na ra Lázaro, ra ndi̱taku i̱kan Jesús va.