San Juan 11:5 - Xochapa Mixteco

⁵ Ta kúꞌvi ni ini Jesús xíni ra yá Marta xiꞌin kuꞌvi yá tin ra Lázaro kuꞌva yá.

San Juan 11:5 Iomraidhean Croise

San Lucas 10:38

Saa ke̱e Jesús kuaꞌan ra xiꞌin nda ítaꞌan xiꞌin ra, ndi̱xaa ra iin ñuu loꞌo. Ta ikán ke̱ta iin yá náni Marta ndi̱kiꞌin yá ra kuaꞌan ra xiꞌin yá veꞌe yá.

San Lucas 10:40

Saa íyo ni chiñu nuu yá Marta, ndíꞌi ni ini yá xáa chiñu yá. Ñaa ku̱yati yá nuu Jesús káꞌan yá xiꞌin ra, káchi yá saa: ―Tata, ¿án köo ndíꞌi ini un xiꞌin i xáa chiñu ni i? Án väꞌa ná kaꞌan loꞌo un xiꞌin yá María kuꞌvi i, chindee taꞌan loꞌo yá xiꞌin i chi si̱ndoo yaa yá chiñu ndaꞌa i, ta ndi̱kunduꞌu yá xíni soꞌo yá tuꞌun káꞌan un? ―káchi yá xiꞌin ra.

San Lucas 10:41

Saa ndi̱kuiin Jesús káꞌan ra xiꞌin yá: ―Marta, Marta, ya ndaa ndixa kua ndíꞌi ni ini un xáa chiñu un chi íyo ni chiñu nuu un ya síndiꞌi ni yóꞌó.

San Juan 11:1

Ta ñuu Betania ndi̱xiyo iin ra nani Lázaro, saa ki̱ꞌin kueꞌe ra ndée ni ndóꞌo ra. Ta kuꞌva yá María xiꞌin yá Marta ku ra.

San Juan 11:3

Saa ti̱ꞌvi ná kuꞌva ra chiñu kuaꞌan nuu Jesús káꞌan ná xiꞌin ra, káchi ná saa: ―Tata, ndee ni ndóꞌo ra kúꞌvi ni ini un xíni un ―káchi ná.

San Juan 11:36

Ñaa ndi̱kaꞌan na judío, káchi na saa: ―¡Koto ndo toon! ¡Kúꞌvi ni ini ra xíni ñaꞌa ra! ―káchi na.

San Juan 11:6

Tá ku̱ndaa ini Jesús ya kúꞌvi ra Lázaro, ta ndi̱ndoo ra soo uvi ka kivi nuu íyo ra.

San Juan 11:8

Saa ndi̱kaꞌan nda ítaꞌan xiꞌin ra, káchi nda saa: ―Tata Rabí, sikan ndi̱yaꞌa uvi ndaa kivi, tá ku̱ni na ñuu ikán kaꞌni na yóꞌo̱ xiꞌin yu̱ú ¿ta ndachu kúni tuku un ndi̱ko koo un? ―káchi nda xiꞌin ra.

San Juan 16:27

Saa chi Iva i ta kúꞌvi ni ini ra xíni ra ndóꞌo̱, saa chi kúꞌvi ni ini ndo xíni ndo yeꞌe, ta kándixa ndo yeꞌe ya ke̱e i nuu ra.

San Juan 17:26

Ta xa si̱naꞌa i na yóꞌó xaꞌa ndee kúu mií kivi un saa sinaꞌa ka i na. Íkan i saa ya ná koo ni ya kúꞌvi ini un xiꞌin na, tá kuꞌva kúꞌvi ni ini un xíni un yeꞌe, saa íkan tu yeꞌe va xiꞌin na, koo i xiꞌin na ―káchi Jesús ndi̱kaꞌan ra xiꞌin Ndioxi.