San Juan 11:41 - Xochapa Mixteco

⁴¹ Saa si̱kutaꞌa na yu̱ú ya ndási yuꞌu kava nuu chi̱kaa na ra. Ta ndi̱koto Jesús nuu ndivi saa ndi̱kaꞌan ra, káchi ra saa: ―Tata Iva i, táxi i tixaꞌvi ndaꞌa un chi xi̱ni soꞌo un ya ndi̱kaꞌan i xiꞌin un.

San Juan 11:41 Iomraidhean Croise

San Mateo 11:25

Tiempo ikán ndi̱kaꞌan Jesús xiꞌin Ndioxi, káchi ra saa: ―Tata Iva yo, yóꞌo̱ ku ra chee nuu ndiꞌi na ñuu ivi yóꞌó xiꞌin nuu ndivi. Xáa kaꞌnu ni i yóꞌo̱ chi xa si̱naꞌa un na ndaꞌvi, na köo kúndaa ini, na íin tá íin na vali, ku̱ndaa ini na ya vaꞌa xaꞌa un. Ta ti̱seꞌe un ya vaꞌa yóꞌó nuu naꞌa, na ndíchi, na xíni ni.

San Mateo 11:26

Saa va Tata, chi saa íyo ya kúni mií un ikán un xiꞌin na ―káchi Jesús xiꞌin Ndioxi.

San Mateo 27:60

Ñaa ndi̱xaꞌan ra chi̱kaa ra ikin kuñu Jesús ini kava xa̱á, ya sikan si̱kuaꞌa ra. Ta saa si̱kutuvi ra yu̱ú yati yuꞌu kava ikán ta xiꞌin ya ikán ndi̱kasi ra yeꞌe ya, saa ke̱e ra kuanuꞌu ra.

San Marcos 15:46

Saa sa̱ta ra José iin toto xa̱á, ta toto vaꞌa ni ku ya ikán. Ñaa si̱nuu ra ikin kuñu Jesús, ta su̱vi ra ya xiꞌin toto ikán. Saa ke̱e ra ndi̱xaꞌan ra si̱nduxin ñaꞌa ra ini iin kava ya xa si̱kuaꞌa ra tá yachi, ta ndi̱kasi ra iin yu̱ú chee yuꞌu ya ikán.

San Lucas 10:21

Saa chútu ndaa Tachi I̱í Ndioxi Jesús mi hora ikán. Ñaa xa̱á ra káꞌan ra xiꞌin Ndioxi, káchi ra saa: ―Tata, xáa kaꞌnu ni i yóꞌo̱, chi yóꞌo̱ ku ra ku xitoꞌo ndiꞌi ñaꞌa ya íyo nuu ndivi tin ya íyo ñuu ivi yóꞌó. Kúsini ni i xiꞌin un chi ti̱seꞌe un ya yóꞌó nuu na ndíchi ni, na xíni ni, ta si̱naꞌa un ya nuu na köo xíni, na íin tá íin na vali, saa i̱kan un Tata, chi saa ku̱ni mií un ikan un ―káchi Jesús xiꞌin Ndioxi.

San Lucas 18:13

Ta inka ra ndíkaya xuꞌun kuaꞌan ndaꞌa gobierno, ndi̱kundichi xika ra, ni köo xáꞌa ndee ini ra ndaniꞌi ra nuu ra, vaꞌa ka ndi̱kuita ndee ra nuu ñuꞌú, tíin ndaa ra xiní ra, káchi ra saa: “Tata Iva yo Ndioxi, kundaꞌvi ini un kuni un yeꞌe, saa chi ra ivi kuachi ku i”, káchi ra ndíchi ra.

San Lucas 24:2

Ñaa ndi̱xaa ná ndi̱koto ná ta köo ka yu̱ú índuꞌu yuꞌu kava nuu xi̱nduꞌu ya, xa ku̱taꞌa ya.

San Juan 11:22

Ta saa ni vitin, xíni i tá ndá ñaꞌa ndúku un nuu Ndioxi, ta taxi ra ya ndaꞌa un ―káchi yá xiꞌin ra.

San Juan 17:1

Tá sindiꞌi Jesús ndi̱kaꞌan ra tuꞌun ikán, saa nda̱niꞌi nuu ra ndi̱koto ra nuu ndivi, ta saa ndi̱kaꞌan ra xiꞌin Ndioxi káchi ra saa: ―Tata Iva i Ndioxi, vitin ti̱ndaa kivi ya xaa kaꞌnu un yeꞌe kúu Seꞌe un, ta saa yeꞌe xaa kaꞌnu ni i yóꞌo̱.

San Juan 20:1

Ta xitaan ni kivi domingo, naá ka ke̱e yá María Magdalena kuaꞌan yá nuu ndi̱nduxin Jesús, ta xi̱ni yá xa ku̱taꞌa yu̱ú ya chee ni ndási yuꞌu kava ikán.

Los Hechos 7:55

Sundi Tachi I̱í Ndioxi ta íyo ya xiꞌin ra Esteban. Ñaa ndi̱koto ra nuu ndivi, ta xi̱ni ra ya yeꞌe Ndioxi, xi̱ni ra ndíchi Jesús ñaꞌñu kuáꞌá Ndioxi.

Filipenses 4:6

Ta nda iin ya kündiꞌi ini ndo xaꞌa. Tá ndá ya kúmani nuu ndo ta kuaku ndaꞌvi ndo nuu Ndioxi. Nduku ndo ñaꞌa ya xíniñuꞌu ndo nuu ra, saa taxi ni ndo tixaꞌvi ndaꞌa ra xaꞌa ya chíndee ra ndóꞌo̱.