San Juan 11:2 - Xochapa Mixteco

² (Ta yá María, kuꞌva ra, ku yá ndi̱koyo ndee ndiꞌi nduta tami xaꞌan xaꞌa Jesús, ta saa ndi̱yakun yá xaꞌa ra xiꞌin ixi xini yá.)

San Juan 11:2 Iomraidhean Croise

San Marcos 14:3

Saa iin kivi íyo Jesús ñuu Betania veꞌe ra Simón, ra ndo̱ꞌo kueꞌe táꞌi ya nani lepra. Káꞌan na xiꞌin ra “ra táꞌi”. Saa índuꞌu koo Jesús nuu mesa veꞌe ra ikán ta ndi̱xaa iin ñaꞌa, níꞌi yá iin yuyu loꞌo ya ndi̱kuaꞌa xiꞌin yu̱ú náni alabastro ta iin chútu ndaa nduta tami xáꞌan ini ya ndi̱xaa xiꞌin yá, ta ndinuꞌu iku nardo ndi̱kuaꞌa rá, ta yaꞌvi ni rá ikán. Saa ta̱ꞌvi yá sukun ya, ta ki̱ꞌin yá rá ndi̱koyo ndee ndiꞌi yá xiní Jesús.

San Lucas 7:13

Ta saa ndi̱taꞌvi ni ini ra xi̱ni ra yá. Ñaa ndi̱kaꞌan ra xiꞌin yá káchi ra saa: ―Nana, kuäku un xaꞌa seꞌe un ―káchi ra xiꞌin yá.

San Lucas 7:19

ti̱ꞌvi ra nda kuaꞌan nda kaꞌan nda tuꞌun yóꞌó xiꞌin Jesús, káchi ra saa: “¿Án yóꞌo̱ ku ra íyo tuꞌun xaꞌa ke̱e nuu Ndioxi vaxi ñuu ivi yóꞌó, án xíniñuꞌu ka nde kundatun nde inka ra? kachi ndo xiꞌin ra”, káchi ra Juan xiꞌin tuꞌun kuaꞌan nuu Jesús.

San Juan 11:21

Saa ndi̱xaa yá Marta ndi̱kaꞌan yá xiꞌin Jesús, káchi yá saa: ―Tata, tá tu ndíxiyo un yóꞌó ta küvi kuꞌva i, ndikuu.

San Juan 11:3

Saa ti̱ꞌvi ná kuꞌva ra chiñu kuaꞌan nuu Jesús káꞌan ná xiꞌin ra, káchi ná saa: ―Tata, ndee ni ndóꞌo ra kúꞌvi ni ini un xíni un ―káchi ná.

San Juan 11:32

Saa ndi̱xaa yá María nuu íin Jesús, tá xi̱ni yá ra, ta si̱kusiti yá nuu ra, káꞌan yá xiꞌin ra, káchi yá saa: ―Tata, tá tu ndíxiyo un yóꞌó ta küvi kuꞌva i ndíkuu ―káchi yá xiꞌin ra.

San Juan 12:3

Ta saa xa̱a yá María kuꞌva ra Lázaro xiꞌin iin yuyu nuu ñúꞌu nduta tami xaꞌan nardo náni rá, ta kúu rá sava litro níꞌi yá xa̱a xiꞌin yá, si̱kuchi yá xaꞌa Jesús. Ta sindiꞌi ndi̱yakun yá xaꞌa ra xiꞌin ixi xiní yá. Ta iin chu̱tu ndaa xiko tami xaꞌan ini veꞌe ikán.

San Juan 13:13

Ndóꞌo̱, ta káꞌan ndo xiꞌin i kúu i Maestro ta kúu i ra kaꞌnu nuu ndo, káchi ndo. Ta ya ndaa ndixa kua káꞌan ndo xiꞌin i, saa chi ikán ku i.

San Juan 13:14

Tá tu yeꞌe ku Maestro ndo tin ra kaꞌnu nuu ndo, ta ndi̱kata i xaꞌa ndo. Ta saa ndóꞌo̱, saa xíniñuꞌu ndo ndikata ndo xaꞌa taꞌan ndo.