San Juan 11:16 - Xochapa Mixteco

¹⁶ Saa ndi̱kaꞌan ra náni Tomás, ta káꞌan tu na xiꞌin ra náni ra Dídimo va, ndi̱kaꞌan ra xiꞌin nda ítaꞌan xiꞌin ra, káchi ra saa: ―Ná koꞌo yo kuvi tu yoo va xiꞌin ra ―káchi ra.

San Juan 11:16 Iomraidhean Croise

San Mateo 10:3

Xiꞌin ra Felipe, inka ra náni Bartolomé xiꞌin ra Tomás tin inka ra náni Mateo, ra ndíkaya xuꞌun nuu na gobierno, inka ra náni Jacobo seꞌe ra Alfeo ku ra, xiꞌin ra Lebeo, ra káꞌan na xiꞌin Tadeo.

San Mateo 26:35

Saa ndi̱kaꞌan ra Pedro xiꞌin ra, káchi ra saa: ―Tata, vani kuvi i xaꞌa un, sundi ndïkuaa i yóꞌo̱ ―káchi ra. Tá ndi̱kaꞌan ra ikán saa ndi̱kaꞌan ndiꞌi nda.

San Marcos 3:18

Inka ra náni Andrés, inka ra náni Felipe, inka ra náni Bartolomé, inka ra náni Mateo, inka ra náni Tomás, inka ra náni Jacobo, seꞌe ra Alfeo, inka ra náni Tadeo, inka ra náni Simón ra xi̱ndikaa xiꞌin na partido náni Cananeo,

San Lucas 22:33

Saa ndi̱kuiin ra, káchi ra saa: ―Tata, xa íyo ndúvi va i kuꞌun i xiꞌin un tá tu veꞌe kàà ná kuꞌun un ta kuꞌun i xiꞌin va un, án yóꞌo̱ kuvi ku un ta kuvi i xiꞌin va un ―káchi ra.

San Lucas 6:15

inka ra náni Mateo, inka ra náni Tomás, inka ra náni Jacobo seꞌe ra Alfeo, inka ra náni Simón ra xi̱ndikaa xiꞌin partido náni Zelote,

San Juan 11:15

Ta yeꞌe kúsini i xaꞌa ya köo i ndi̱xiyo ikán tá ndi̱xiꞌi ra. Chi ya ndo̱ꞌo ra ta ya vaꞌa xaꞌa ndóꞌo̱ kua, ya ná kandixa ndo yeꞌe. Ta vaꞌa ná koꞌo yo koto yo ra ―káchi Jesús xiꞌin nda.

San Juan 11:8

Saa ndi̱kaꞌan nda ítaꞌan xiꞌin ra, káchi nda saa: ―Tata Rabí, sikan ndi̱yaꞌa uvi ndaa kivi, tá ku̱ni na ñuu ikán kaꞌni na yóꞌo̱ xiꞌin yu̱ú ¿ta ndachu kúni tuku un ndi̱ko koo un? ―káchi nda xiꞌin ra.

San Juan 13:37

Saa ndi̱kaꞌan ra Pedro xiꞌin ra, káchi ra saa: ―Tata, ¿ndachu küvi kuꞌun i xiꞌin un vitin? Ta xa íyo tuꞌva i, vani nda kuvi i xaꞌa va un ―káchi ra xiꞌin Jesús.

San Juan 14:5

Saa ndi̱kuiin ra Tomás káꞌan ra xiꞌin Jesús, káchi ra saa: ―Tata, köo xíni nde nuu kuꞌun un, ta ¿unkua ikan nde kundaa ini nde ichí nuu kuꞌun un? ―káchi ra xiꞌin ra.

San Juan 21:2

Ta iin káchi íyo ra Simón Pedro xiꞌin ra Tomás, ra káꞌan na xiꞌin Dídimo, xiꞌin inka ra Natanael, ra ñuu Caná, estado Galilea. Saa íyo uvi saa nda seꞌe ra Zebedeo xiꞌin inka uvi nda xi̱taꞌan xiꞌin Jesús.

Los Hechos 1:13

Saa tá ndi̱xaa nda ñuu Jerusalén, ta nda̱a nda piso ni̱nu̱ nuu ndóo nda. Ta nda ndi̱xaa ikán ku nda, kúu ra Pedro, tin ra Jacobo, xiꞌin ra Juan, inka ra Andrés, tin ra Felipe, xiꞌin ra Tomás, tin ra Bartolomé, xiꞌin ra Mateo, tin ra Jacobo seꞌe ra Alfeo, inka ra Simón ra Zelote ra ka̱nitaꞌan xiꞌin na chiñu nuu gobierno ndi̱xiyo ra ikán, tin inka ra Judas ñani ra Jacobo.