San Juan 11:11 - Xochapa Mixteco

¹¹ Ta saa ndi̱kaꞌan ka ra, káchi ra saa: ―Ra kíxi va ku ra migo yo Lázaro yakan kuꞌun i sindikoo i ra ―káchi Jesús.

San Juan 11:11 Iomraidhean Croise

San Mateo 27:52

Saa ndi̱nuna nuu ndi̱nduxin ndìì. Ta ndi̱taku kuaꞌa ni naꞌa na ka̱ndixa tuꞌun Ndioxi.

San Mateo 9:24

Saa ndi̱kaꞌan Jesús xiꞌin na, káchi ra saa: ―Vaꞌa kana koo ndiꞌi ndo keꞌe, saa chi köo ndi̱xiꞌi vi yá loꞌo yóꞌó, yá kíxi va ku yá ―káchi ra xiꞌin na. Saa ndi̱xaku ndaa ndiꞌi na ra.

San Marcos 5:39

Saa ndi̱kiꞌvi ra ini veꞌe, ta ndi̱kaꞌan ra xiꞌin na, káchi ra saa: ―Küaku ndo xaꞌa yá, köo ndi̱xiꞌi vi yá, yá kíxi va ku yá ―káchi ra xiꞌin na.

San Juan 11:10

Sundi na xíka ñǔu ta kákiꞌi xaꞌa na chi köo ñu̱ꞌu̱ túun kúu mií na nuu xíka na ―káchi Jesús.

San Juan 11:12

Saa ndi̱kuiin nda ítaꞌan xiꞌin ra, káchi nda saa: ―Tata, tá tu ra kíxi ku ra ta nduvaꞌa va ra ―káchi nda xiꞌin ra.

San Juan 11:13

Ndi̱kaꞌan nda saa chi köo ndi̱kundaa ini nda ya ndi̱kaꞌan Jesús xaꞌa ra Lázaro ya ndi̱xiꞌi ra. Ra kíxi va ku ra ndíkundee ra, káꞌán nda.

San Juan 11:3

Saa ti̱ꞌvi ná kuꞌva ra chiñu kuaꞌan nuu Jesús káꞌan ná xiꞌin ra, káchi ná saa: ―Tata, ndee ni ndóꞌo ra kúꞌvi ni ini un xíni un ―káchi ná.

San Juan 3:29

Ta vitin ná kundaa ini ndo chi tá kúu nuu íyo viko tíndaꞌa, ta ra íin xiꞌin ñaꞌa yá tíndaꞌa ikán kuu ií yá, sundi ra íyo yati xiín ií yá, tá xíni soꞌo ra ya káꞌan ra ta kúsini ni ra tá xíni soꞌo ra tachi ra. Ta saa ndóꞌo yeꞌe, kúsini ni i chi xa xa̱a ra vitin.

Los Hechos 7:60

Ñaa si̱kusiti ra ta iin ndi̱ndaꞌi koꞌo ra káchi ra saa: ―Tata, kïꞌin un kuenta xaꞌa kuachi na, ya íkan na xiꞌin i ―káchi ra xiꞌin Ndioxi. Tá ndi̱kaꞌan ra saa, ta ndi̱xiꞌi va ra.

1 Corintios 15:18

Ni naꞌa, na ka̱ndixa ñaꞌa, na xa ndi̱xiꞌi ta xa saa íyo yaa tu kuachi na ikán va, ta xa ndi̱ꞌi xaꞌa va na, ndíkuu.

1 Corintios 15:34

Ndikani vaꞌa ini ndo xaꞌa ñaꞌa íkan ndo, ta ndiko koo ini ndo xaꞌa ya väꞌa íkan ndo, saa ndikundikun ndo ichí vaꞌa. Saa chi sava ndo, vani xa ndíkun va ndo ichí Ndioxi, sundi täꞌan kuni taꞌan ndo xiꞌin ra. Xaꞌa ya ñaa kua káꞌan i xiꞌin ndo ya ná kukaꞌan nuu ndo. Ndá kuꞌva kua koo ikin kuñu yo tá ná nditaku yo

1 Corintios 15:51

Sundi yeꞌe, ta kúni i ná kundaa ini ndo xaꞌa ñaꞌa ya chi̱tuni mií Ndioxi íyo sěꞌe: Süvi ndiꞌi yo kuvi. Sundi kivi ikán ta iin káchi ndisama ndiꞌi ra ikin kuñu iin iin yo, ndisama ra ya nduu ya ikin kuñu xa̱á.

Efesios 5:14

Chi ndiꞌi ñaꞌa ya kána koo nuu ñu̱ꞌu̱ yéꞌe̱, ta iin ndútuvi teꞌe ndiꞌi va ya, íyo túvi ya yakan kua íyo tuꞌun, ya káꞌan soꞌva, káchi ya saa: “Ndikáxin ini yóꞌo̱ índuꞌu kíxi ni, vaꞌa ndikoo un tañu na ndíi, ta si̱ndiyeꞌe Cristo nuu un”, káchi tuꞌun Ndioxi.

1 Tesalonicenses 5:10

Ta saa koo yo xiꞌin ra chi mií ra ku ra ndi̱xiꞌi xaꞌa yo yakan kua án yo táku ku yo án yo ndi̱xiꞌi ku yo, ta kuchiñu yo koo yo xiꞌin ra tá ná ndiko koo ra.

Santiago 2:23

Ta ya i̱kan ra Abraham saa kua si̱xinu ra tuꞌun Ndioxi ya káchi saa: “Ka̱ndixa ni ra Abraham Ndioxi yakan kua ndu̱u ra, ra vaꞌa nuu Ndioxi”. Saa ndu̱u ra iin taa ra xi̱taꞌan vaꞌa ni xiꞌin Ndioxi.