San Juan 11:1 - Xochapa Mixteco

¹ Ta ñuu Betania ndi̱xiyo iin ra nani Lázaro, saa ki̱ꞌin kueꞌe ra ndée ni ndóꞌo ra. Ta kuꞌva yá María xiꞌin yá Marta ku ra.

San Juan 11:1 Iomraidhean Croise

San Mateo 21:17

Saa ki̱ꞌin Jesús nda naꞌnu ikán si̱ndoo ra, ta ke̱ta ra kuaꞌan ra ñuu Betania, ta ikán ndi̱kixi ra ñuu.

San Marcos 11:1

Saa ku̱u xa̱á xíka tuku Jesús kuaꞌan ra ñuu Jerusalén xiꞌin nda ítaꞌan xiꞌin ra. Tá kuaꞌan kúyati nda xaa nda ñuu Jerusalén ta ndi̱xaa nda yati ñuu Betfagé xiꞌin ñuu Betania ya ndíkaa yati xiki xíto ndaa nuu íyo itun Olivo, saa ndi̱kaꞌan Jesús xiꞌin uvi nda ítaꞌan xiꞌin ra,

San Juan 11:11

Ta saa ndi̱kaꞌan ka ra, káchi ra saa: ―Ra kíxi va ku ra migo yo Lázaro yakan kuꞌun i sindikoo i ra ―káchi Jesús.

San Juan 11:18

Ta yati kíndoo ñuu Betania xiꞌin ñuu Jerusalén, ta iin kuꞌva uni kilómetro kua kíndoo ya xiꞌin taꞌan ya.

San Juan 11:19

Ta kuaꞌa ni na judío, ndi̱xaa síndiko na ini ná xaꞌa ya ndi̱xiꞌi kuꞌva ná.

San Juan 11:3

Saa ti̱ꞌvi ná kuꞌva ra chiñu kuaꞌan nuu Jesús káꞌan ná xiꞌin ra, káchi ná saa: ―Tata, ndee ni ndóꞌo ra kúꞌvi ni ini un xíni un ―káchi ná.

San Juan 12:17

Ta ndee ni ndítuꞌun na ítaꞌan xiꞌin ra tá xi̱ni na ka̱na ra ra Lázaro tixin kava nuu ndi̱nduxi ra, ta si̱taku ñaꞌa ra.

San Juan 12:9

Ta kuaꞌa ni mií na judío ku̱ndaa ini xaꞌa Jesús ya ndi̱xaa ra ñuu Betania veꞌe ra Lázaro. Saa ndi̱xaa na koto ñaꞌa na, ta süvi ndisaa Jesús ndi̱xaa na koto na, chi ndi̱xaa tu na ya koto na ra Lázaro, ra ndi̱taku i̱kan Jesús va.

Los Hechos 9:37

Ñaa ki̱ꞌin kueꞌe yá, ta ndi̱xiꞌi yá. Saa si̱kuchi na ikin kuñu yá, ta ki̱ꞌin na ya chi̱nduꞌu na piso ni̱nù.