San Juan 10:6 - Xochapa Mixteco

⁶ Ya yóꞌó ku iin tuꞌun ndíchi ndi̱kaꞌan Jesús ya sínaꞌa ra na ya kundaa ini na unkua kúni kachi ya, sundi köo ndi̱kundaa ini na.

San Juan 10:6 Iomraidhean Croise

San Mateo 13:34

Ndiꞌi ya yóꞌó ndi̱kaꞌan Jesús, si̱naꞌa ra naꞌa xiꞌin tuꞌun ndíchi. Ta köo ndi̱sinaꞌa ra na xiꞌin inka nuu tuꞌun.

San Mateo 13:51

Saa ndi̱ndakan tuꞌun Jesús nda ítaꞌan xiꞌin ra, káchi ra saa: ―¿Án ku̱ndaa ini ndo ndiꞌi ya ndi̱kaꞌan i xiꞌin ndo? ―káchi ra xiꞌin nda. Ñaa ndi̱kuiin nda, káchi nda saa: ―Ku̱ndaa va ini nde, Tata ―káchi nda xiꞌin ra.

San Marcos 4:34

Ta köo ndi̱sinaꞌa ra na xiꞌin inka nuu tuꞌun, nina xiꞌin tuꞌun ndíchi si̱naꞌa ra na. Ta ndiꞌi saa ichí ndi̱kani síín ra nuu nda ítaꞌan xiꞌin ra xaꞌa ya káꞌan tuꞌun ndíchi sínaꞌa ra.

San Juan 16:25

’Nda kivi vitin káꞌan i xiꞌin ndo xaꞌa tuꞌun ndíchi, sundi vaxi kivi ta käꞌan ka i saa xiꞌin ndo, kaꞌan teꞌe i xiꞌin ndo xaꞌa Iva i.

San Juan 16:29

Saa ndi̱kuiin nda káchi nda saa: ―Vitin ta köo xíniñuꞌu ka un inka tuꞌun ya sinaꞌa un ndeꞌe. Káꞌan teꞌe un xiꞌin nde.

San Juan 6:52

Saa xa̱á nda judío, nda xi̱ni soꞌo tuꞌun ikán káni taꞌan nda xiꞌin taꞌan mií nda, chi köo ndi̱kundaa ini nda tuꞌun ya ndi̱kaꞌan Jesús xiꞌin nda. ―¿Unkua ikan ra taxi ra kuñu ra kuxi yo? ―káchi nda.

San Juan 6:60

Tá xi̱ni soꞌo na ndíkun sata ra ya ndi̱kaꞌan ra, ta kuaꞌa ni na ikán ndi̱kaꞌan káchi na saa: ―Uꞌvi ni va ya káꞌan ra, ¿Unku na kuchiñu vi kandixa ya káꞌan ra? ―káchi na.

San Juan 7:36

Ta unkua kúni kaꞌan ya ndi̱kaꞌan ra: “Nduku ndo yeꞌe ta nïꞌi ndo yeꞌe, ta nuu kuꞌun i ta küchiñu ndo kuꞌun ndo”, káchi ra ―káchi nda.

San Juan 8:27

Ta köo ndi̱kundaa ini nda ikán xaꞌa Iva yo Ndioxi kua ndi̱kaꞌan ra xiꞌin nda.

San Juan 8:43

¿Ta ndachu küvi kundaa ini ndo ya káꞌan i xiꞌin ndo? Xaꞌa ya köo xíin ndo ndikiꞌin ndo tuꞌun ya káꞌan i xiꞌin ndo kua küvi kundaa ini ndo tuꞌun i.

1 Corintios 2:14

Ta naꞌa, na köo íyo Tachi I̱í Ndioxi xiꞌin ta köo kúchiñu na kundaa ini na xaꞌa ya vaꞌa ke̱e nuu ndivi, chi tá káa tuꞌun ya kíꞌvi va saa káa ya nuu na. Köo kúchiñu na kundaa ini na xaꞌa ya, saa chi ndisaa naꞌa, na kúu mií Tachi I̱í Ndioxi ku na kúchiñu kúndaa ini xiꞌin ya.

2 Pedro 2:22

Ta naꞌa, na íkan saa ta íkan na tá kuꞌva káchi na káꞌan: “Tina kiti ndúxan ta ndi̱ko koo tuku ri yáxi ri ñaꞌa ya ndu̱xan ri”, káchi na. Án tá íyo ya káꞌan na xaꞌa kiti kini, káchi na saa: “Ni vaꞌa ni ná sikuchi yo kiti kini ta kuaꞌan tuku ri chíchi ri ndaꞌi”, káchi na.

1 Juan 5:20

Xíni tu yo ya ki̱xi Jesús Seꞌe Ndioxi ñuu ivi yóꞌó ta ta̱xi ra ya xínituni yo ya kundaa vaꞌa ini yo xaꞌa Ndioxi, ra ndaa. Ta iin yuꞌu ku yo xiꞌin Seꞌe ra, ra kúu Jesucristo, ra ndaa. Saa chi Jesucristo ku Ndioxi ra ndaa, ra táxi ichí ya kutaku yo xiꞌin Ndioxi ndiꞌi saa tiempo.