San Juan 10:4 - Xochapa Mixteco

⁴ Tá sindiꞌi táva ra ri ini corra ikán ta ndíkunuu ra nuu ri, kuaꞌan ra, ta saa ndíkundikun ri sata ra kuaꞌan ri, chi xíni ri tachi ra.

San Juan 10:4 Iomraidhean Croise

San Mateo 16:24

Saa ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Tá ndá naꞌa kúni kundikun yeꞌe, ta xíniñuꞌu na ndindoso ini na xaꞌa mií na, saa ndikundiso na cruzin na, ta ndikundikun na yeꞌe.

San Juan 10:16

Ta íyo ka inka ri ta süvi taꞌan ri ndóꞌni corra yóꞌó ku ri, ta xíniñuꞌu i kuꞌun i ndikuiso i ri kixi ri xiꞌin i. Chi ri ikán tá ná kana i ri ta kuni soꞌo ri tachi i, ta kixi ri xiꞌin i. Saa ndikitaꞌan ri kuñuꞌu ndiꞌi ri ini corra ta iin koo ndiꞌi ri, saa iin koo ra ndáa ri.

San Juan 10:27

Chi levo sana i ta ndíkuni ri tachi i, yakan vaꞌa ndíkundikun ri yeꞌe, ta saa tu yeꞌe va xíni ndiꞌi i ri ikán.

San Juan 10:3

Nda mií ra ndáa corra ikán ta xíni ra unku ra ndáa ri. Ta xúna ra yeꞌe ya kiꞌvi ri. Nda ni mií kiti levo ikán ta xa xíni ri tachi ra ndáa ri. Saa kána ra kivi iin iin ri, ta kána koo ri ini corra ikán.

San Juan 10:5

Sundi tá tu süvi ra ndáa ri ku ra, ta köo ndíkun ñaꞌa ri, xínu ri kuꞌan ri chi köo xíni ri tachi ra ―káchi Jesús.

San Juan 10:8

Ndiꞌi nda ki̱xi yachi tá täꞌan kixi yeꞌe, ta nda ikán ta süvi nda vaꞌa ku nda, nda kuiꞌna ku nda, yakan köo ndi̱xini soꞌo levo ya ndi̱kaꞌan nda.

San Juan 12:26

Tá ndá ndóꞌo̱ kúni xaa chiñu nuu i, ta vaꞌa kundikun ndo yeꞌe. Chi nuu koo i ta ikán koo tu ndóꞌo̱ va xiꞌin i. Tá ndá ndo xáa chiñu nuu i, ta xaa kaꞌnu Iva i Ndioxi ndóꞌo̱ ―káchi Jesús xiꞌin na.

San Juan 13:15

Tá kuꞌva i̱kan i xiꞌin ndo, saa xíniñuꞌu ndo xaa súvi ndo xiꞌin taꞌan ndo.

San Juan 18:37

Saa ndi̱kuiin ra Pilato káchi ra saa: ―¿Án saa va, án rey ku ndixa un? ―káchi ra xiꞌin ra. Saa ndi̱kuiin Jesús káꞌan ra, káchi ra saa: ―Ya ndixa kua, saa ndixa íyo va ya. Xaꞌa ya ñaa kua ka̱ku i xa̱a i ñuu ivi yóꞌó ya ndikuiin i kaꞌan i nina ya ndaa. Ta ndiꞌi na ndíkun ya ndaa, na ñaa ku na kándixa ya káꞌan i ―káchi Jesús.

San Juan 3:29

Ta vitin ná kundaa ini ndo chi tá kúu nuu íyo viko tíndaꞌa, ta ra íin xiꞌin ñaꞌa yá tíndaꞌa ikán kuu ií yá, sundi ra íyo yati xiín ií yá, tá xíni soꞌo ra ya káꞌan ra ta kúsini ni ra tá xíni soꞌo ra tachi ra. Ta saa ndóꞌo yeꞌe, kúsini ni i chi xa xa̱a ra vitin.

1 Corintios 11:1

Vaꞌa ikan ndo tá kuꞌva íkan yeꞌe, chi yeꞌe ta vaꞌa ni ndíkun i Tata yo Jesucristo.

Efesios 5:1

Ta vitin xíniñuꞌu ndo xaa nduxa ndo ya ikan ndo ya vaꞌa, koo ndo tá kuꞌva íyo mií Ndioxi, chi ndu̱u ndo seꞌe ra, na kúꞌvi ni ini ra xíni ra.

HEBREOS 12:2

Ta iindaa mituꞌun xaꞌa Tata yo Jesucristo kua ná kundiꞌi ni ini yo, saa chi mií ra ku ra sínaꞌa yoo ndá kuꞌva kua kundaa ni ini yo kuni yo Ndioxi, saa tu iindaa mituꞌun mií ra ku ra chíndee yoo, ndása vaꞌa ra kuꞌva ndáa ni ini yo xíni yo Ndioxi. Ta saa ndi̱xaꞌa ndee ndiꞌi ini ra ndoꞌo ni ra nuu cruzin, ta köo ndi̱kiꞌin ra kuenta xaꞌa ya kúkaꞌan nuu ra, chi kúndaa ini ra tá si̱ndiꞌi ndo̱ꞌo ra saa ta kusini ni ra. Ta vitin ndi̱kunduꞌu ra ñaꞌñu kuáꞌá Ndioxi xáꞌnda chiñu ra xiꞌin Ndioxi.

HEBREOS 6:20

Chi Jesús ta xa ndi̱kiꞌvi ra, yakan vaꞌa ku̱chiñu ra xu̱na ra ichí nuu yo ya kuchiñu yo kiꞌvi yo koo yo xiꞌin Ndioxi. Ta nda iin ichí ndïꞌi xaꞌa chiñu kúu mií ra, ndiꞌi saa ichí kuu mií ra sutu, ra chee ni nuu yo, tá kuꞌva ndi̱xiyo sutu ra Melquisedec, saa íyo ra.

1 Pedro 2:21

Xaꞌa ya ñaa kua ka̱na Ndioxi ndóꞌo̱ ya xaꞌa ndee ni ini ndo kundoꞌo ndo tá kuꞌva ndo̱ꞌo mií Cristo xaꞌa ndo, kuꞌva saa xíniñuꞌu ndo ikan ndo, chi saa íyo ya si̱naꞌa ra ndóꞌo̱ ikan ndo.

1 Pedro 4:1

Ta ndo̱ꞌo ni Cristo xaꞌa yo, ndi̱taxi ra ikin kuñu ra ndi̱xuꞌvi ni ra. Yakan saa xíniñuꞌu ndóꞌo̱ xaꞌa ni ndo ndee ya ndoꞌo ndo tá kuꞌva ndo̱ꞌo mií ra. Chi ndiꞌi naꞌa, na ndee ni tíxuꞌvi, ta na ikán sínaꞌa na mií na ya ndixa kua si̱ndoo ndiꞌi na ichí väꞌa i̱kan na,

1 Pedro 5:3

Ta käꞌnda chiñu ndo nuu na, ya nduu ndo tá íyo xitoꞌo na, na ndee ni íyo ichí ndaꞌa ya kaꞌnda chiñu ndo nuu na. Ya ndee ni vaꞌa ikan ndo xiꞌin na kua sinaꞌa ndo na ná ikan na tá kuꞌva vií ni íkan mií ndo.