San Juan 10:34 - Xochapa Mixteco

³⁴ Saa ndi̱kuiin Jesús káꞌan ra: ―Iin ñaꞌñu nuu ley ya íyo ndaꞌa ndo káchi ya: “Yeꞌe káꞌan ndioxi vali ku ndo”, káchi Ndioxi xiꞌin xii yo xinaꞌa.

San Juan 10:34 Iomraidhean Croise

San Juan 10:35

Ta xíni yo tuꞌun Ndioxi ta küvi ndikuaa yo ya káꞌan ya. Mií Ndioxi ku ra ndi̱kaꞌan xaꞌa nda ndi̱kaꞌan ndoso tuꞌun yuꞌu ra, ya kúu nda ndioxi vali.

San Juan 12:34

Saa ndi̱kuiin na káꞌan na xiꞌin ra, káchi na saa: ―Tuꞌun Ndioxi ya íyo nuu ley ta káꞌan ya xaꞌa ra kúu Cristo, ta ndïꞌi xaꞌa ra, sundi ndiꞌi saa ichí kutaku ra, káchi ya xaꞌa ra. Tá tu ndixa kúu un Taa ra xa̱a ñuu ivi yóꞌó, ta ¿ndachu káꞌan un xíniñuꞌu un ndikunuu sukun un? ¿Ta unku ra ku Taa ra xa̱a ñuu ivi? ―káchi na xiꞌin ra.

San Juan 15:25

Xaꞌa ya i̱kan na saa kua síxinu na tuꞌun Ndioxi ya íyo nuu ley na, káchi ya saa: “Ni köo ya ndi̱kan i xiꞌin na, ta sáa ni ini na xíni na yeꞌe”, káchi tuꞌun Ndioxi ―káchi Jesús xiꞌin nda.

San Juan 8:17

Ta ley mií ndo ya íyo ndaꞌa ndo káꞌan ya, tá íyo uvi na ndíkuiin xaꞌa iin taa, ta saa kua ndáa yaꞌvi ya káꞌan ra, káchi ya.

1 Corintios 14:21

Ta soꞌva kua káꞌan tuꞌun Ndioxi iin ñaꞌñu nuu ta̱a na xinaꞌa, káchi ya saa: “Kuniñuꞌu i naꞌa, na káꞌan inka nuu tuꞌun, na ke̱e ñuu xíka ni ya kaꞌan i xiꞌin na ñuu ivi yóꞌó, ta saa ni küaꞌa na kuni soꞌo na ya kaꞌan i xiꞌin na”, káchi tuꞌun Tata yo.