San Juan 10:3 - Xochapa Mixteco

³ Nda mií ra ndáa corra ikán ta xíni ra unku ra ndáa ri. Ta xúna ra yeꞌe ya kiꞌvi ri. Nda ni mií kiti levo ikán ta xa xíni ri tachi ra ndáa ri. Saa kána ra kivi iin iin ri, ta kána koo ri ini corra ikán.

San Juan 10:3 Iomraidhean Croise

San Juan 10:14

’Sundi yeꞌe ta ra paxto vaꞌa ni ku i. Xíni vaꞌa i levo sana i, ta saa tu mií va ri xíni vaꞌa ri yeꞌe.

San Juan 10:16

Ta íyo ka inka ri ta süvi taꞌan ri ndóꞌni corra yóꞌó ku ri, ta xíniñuꞌu i kuꞌun i ndikuiso i ri kixi ri xiꞌin i. Chi ri ikán tá ná kana i ri ta kuni soꞌo ri tachi i, ta kixi ri xiꞌin i. Saa ndikitaꞌan ri kuñuꞌu ndiꞌi ri ini corra ta iin koo ndiꞌi ri, saa iin koo ra ndáa ri.

San Juan 10:4

Tá sindiꞌi táva ra ri ini corra ikán ta ndíkunuu ra nuu ri, kuaꞌan ra, ta saa ndíkundikun ri sata ra kuaꞌan ri, chi xíni ri tachi ra.

San Juan 10:9

Táꞌan yéꞌé ikán ku yeꞌe, ta ndiꞌi na vaxi nuu i ta sikaku i na. Koo na tá kuꞌva íyo levo, kuakiꞌvi ri tin kána koo ri ini corra ikán, ta níꞌi ri ita xíxi ri.

San Juan 6:37

Ndiꞌi na táxi Iva i Ndioxi ndaꞌa i, ta vaxi na nuu i, ta ndiꞌi na vaxi nuu i ta täva i na keꞌe.

San Juan 6:45

Tuꞌun Ndioxi ya ta̱a nda ndi̱kaꞌan ndoso tuꞌun yuꞌu ra kuiya xinaꞌa káchi ya saa: “Ndioxi sinaꞌa ra ndiꞌi naꞌa”, káchi ya. Ndiꞌi na xíni soꞌo ya sínaꞌa Iva i Ndioxi ta si̱kuaꞌa na nuu ra. Na ikán ku na vaxi nuu i.

ROMANOS 8:30

Ta naꞌa yóꞌó ku na ndi̱kaxin Ndioxi yachi ka, saa ka̱na ra na ndu̱u na seꞌe ra, ka̱na ra na ndu̱u na tá íin naꞌa, na köo ka kuachi kúu mií nuu ra, ta ta̱xi ra koo na xiꞌin ra nuu íyo ndiꞌi ya luvi ni yéꞌe̱.

1 Corintios 16:9

Saa chi vaꞌa ni va ndi̱xuna yeꞌe nuu i, ya kaꞌan ndoso i tuꞌun vaꞌa xaꞌa Jesucristo xiꞌin naꞌa ya kuchiñu na kaku na, vani íyo kuaꞌa ni naꞌa, na sáa ni ini xíni yeꞌe.

Filipenses 4:3

Ta yóꞌo̱, ñani yo, yóꞌo̱ vaꞌa ni xáa chiñu xiꞌin i ku un, ta xíkan ni i ya mani nuu un chindee taꞌan un xiꞌin ná kuꞌva yo ñaa ya ná ndikitaꞌan vaꞌa ná xiꞌin taꞌan ná. Saa chi ná ñaa ku ná chi̱ndee ni yeꞌe xiꞌin ra ñani yo ra Clemente tin inka ka na ya ndi̱xita ka tuꞌun vaꞌa xaꞌa Tata yo Jesucristo kuaꞌan ya. Chi na ñaa ta xa ndi̱kundoso kivi na nuu tutu Ndioxi, nuu ndíkundoso kivi na kutaku ikan Ndioxi.

Colosenses 4:3

Ta kaꞌan ni ndo xiꞌin ra ya ná kuna ra yeꞌe nuu nde ya ndituꞌun ka nde tuꞌun vaꞌa xaꞌa ra xiꞌin naꞌa ya ná kuchiñu ndituꞌun nde xaꞌa ñaꞌa ya ndi̱xiyo sěꞌe yachi, chi vitin ta xa si̱tuvi ra ya tixin Tata yo Jesucristo nuu na, ta xaꞌa ya ndítuꞌun i xaꞌa ra kua ndíkaa i veꞌe kàà yóꞌó.

2 Timoteo 2:19

Sundi mií Iva yo Ndioxi ta xa ndee ni tuun chi̱nduꞌu ra tuꞌun ra, ya ndaa, ya káa tá káa yu̱ú ya tuun ni ñúꞌu xaꞌa veꞌe, ta nuu ya ikán kua ta̱a ra, káchi ra saa: “Xíni vaꞌa va mií Tata yo Jesucristo unku na kuu seꞌe ra”, káchi ya. Ta saa káꞌan tuku ya, káchi ya saa: “Ta ndiꞌi na kándixa Tata yo Jesucristo ta xíniñuꞌu na sindikoo na ya väꞌa íkan na”.

1 Pedro 1:12

Ta ya ta̱xi Ndioxi ku̱ndaa ini nda ndi̱kaꞌan tuꞌun yuꞌu ra xaꞌa, ta süvi xaꞌa mií nda kua ndi̱kaꞌan ya, xaꞌa yoo kua ndi̱kaꞌan ya. Ta taꞌan ya ikán ku tuꞌun vaꞌa xaꞌa Tata yo Jesucristo ya ndi̱kaꞌan ndoso inka nda xiꞌin ndo tixin Tachi I̱í Ndioxi ya ke̱e nuu ndivi. Ta nda mií na tatun Ndioxi ta kútoo ni na kuni na ya vaꞌa ikan Ndioxi xiꞌin yo.

1 Juan 4:6

Ta yoo, ta kuenta Ndioxi ku yo, ta na ndíkun Ndioxi ku na xíni soꞌo ya káꞌan yo. Ta naꞌa na köo ndíkun Ndioxi ta köo xíin na kuni soꞌo na ya káꞌan yo. Tixin ya yóꞌó kua ndíkuni yo unku na kúu mií Tachi Ndioxi ya ndaa ta unku na kúu mií tachi nduvaꞌa ya vata.

3 Juan 1:14

saa chi ndátun i kama ni xaa i ñaa kuni i yóꞌo̱, ta saa kaꞌan yuꞌu yo xiꞌin taꞌan yo.

El Apocalipsis 20:15

Ta ndiꞌi na köo ndóso kivi nuu tutu Ndioxi ya koo na xiꞌin ra, ta ki̱ꞌin tatun Ndioxi na ta̱an ya ini xitun nuu ndee ni xíxi ñu̱ꞌu̱.

El Apocalipsis 3:20

¡Koto ndo! Yeꞌe ku ra ndíchi yeꞌe ndo, ta kána i ndóꞌo̱. Tá ndá ndóꞌo̱ xíni soꞌo tachi i, ta xúna ndo yeꞌe ndo nuu i, saa káꞌan ndo xiꞌin i kiꞌvi i veꞌe ndo kuxíni i xiꞌin ndo, ta kuxíni ndo xiꞌin i.

El Apocalipsis 7:17

Saa chi Levo loꞌo kiti índuꞌu maꞌñu nuu ndíchi tai toꞌo ku ri kundaa na tá kuꞌva ndáa iin ra taa levo sana ra saa kundaa ri na. Ta kundaka ri na kuꞌun na koꞌo na tikuii, chi tikuii ikán taxi rá kutaku na. Ta Ndioxi ndiyakun ra ndiꞌi tikuii nuu na xaꞌa ya xáku ni na, chi sindiꞌi ra ya kúsuchi ni ini na.