San Juan 10:29 - Xochapa Mixteco

²⁹ Chi Iva i Ndioxi ku ra ta̱xi ri ndaꞌa i. Ta chee ni ra ikán nuu ndiꞌi na, ta nda iin na küchiñu kindaa ri ndaꞌa Iva i.

San Juan 10:29 Iomraidhean Croise

San Juan 10:28

Ta yeꞌe taxi i kutaku ri ndiꞌi saa tiempo, nda iin ichí ndïꞌi xaꞌa ri, ta ni naꞌa ta nda iin na küchiñu kindaa ri ndaꞌa i.

San Juan 10:30

Yeꞌe xiꞌin Iva i Ndioxi ta iin ku nde ―káchi Jesús xiꞌin na.

San Juan 14:28

Xa xi̱ni soꞌo ndo ya ndi̱kaꞌan i xiꞌin ndo: Kuꞌun i, ta sindiꞌi saa ndiko koo tuku i koo i xiꞌin ndo. Tá tu kúꞌvi ni ini ndo xíni ndo yeꞌe, ta kusini ni ndo chi ndi̱kaꞌan i xiꞌin ndo kuꞌun i nuu Iva i, chi Iva i ta chee ni ka ra ikán nuu yeꞌe.

San Juan 17:11

’Tata, Iva i Ndioxi, ra i̱í, yeꞌe ta köo ka i koo ñuu ivi yóꞌó, sundi na ndíkun yeꞌe ta ndoo na koo na yóꞌó, yakan xíkan ni i ya mani nuu un xaꞌa na. Kundaa ni un na xiꞌin ndee kúu mií kivi un ta saa ná nduu na iin tá kuꞌva íin mií yo.

San Juan 17:2

Chi yóꞌo̱ ku ra ta̱xi ichí ndaꞌa i xaꞌa ndiꞌi na ñuu ivi na ta̱xi un ndaꞌa i yóꞌó, ya ná taxi i ichí ndaꞌa na kutaku na ndiꞌi saa kivi.

San Juan 17:6

’Ivi na ndi̱kaxin un ta̱xi un ndaꞌa i ta si̱naꞌa i yóꞌo̱ nuu na. Na ndíkun yóꞌo̱ ku na, ta ta̱xi un na ndaꞌa i. Ta xáa súvi ndiꞌi na tuꞌun un ya ndi̱kaꞌan i xiꞌin na.

San Juan 17:9

’Yakan xíkan i ya mani nuu un xaꞌa na. Köo káꞌan i xiꞌin un xaꞌa na ñuu ivi. Ndisaa xaꞌa na ta̱xi un ndaꞌa i káꞌan i xaꞌa xiꞌin un, chi kuenta mií un ku na.

San Juan 6:37

Ndiꞌi na táxi Iva i Ndioxi ndaꞌa i, ta vaxi na nuu i, ta ndiꞌi na vaxi nuu i ta täva i na keꞌe.