San Juan 10:25 - Xochapa Mixteco

²⁵ Saa ndi̱kuiin ra káꞌan ra xiꞌin nda, káchi ra saa: ―Xa ndi̱kaꞌan i xiꞌin ndo ta köo ndi̱xiin ndo kandixa ndo yeꞌe. Ndiꞌi seña ya íkan i nuu ndo ya ñaa kua ndíkuiin xaꞌa i ya kúu mií i ichí Iva i Ndioxi yakan vaꞌa íkan i ya.

San Juan 10:25 Iomraidhean Croise

San Juan 10:32

Saa ndi̱kaꞌan Jesús xiꞌin nda, káchi ra saa: ―Kuaꞌa ni ya vaꞌa íkan i nuu ndo xiꞌin ndee Iva i Ndioxi. ¿Ta unku ndiꞌi ya ikán kúni ndo kaꞌni ndo yeꞌe xaꞌa? ―káchi ra xiꞌin nda.

San Juan 10:37

Tá tu süvi chiñu Ndioxi ku ya íkan i, ta vaꞌa kändixa ndo yeꞌe.

San Juan 10:38

Tá tu xáa súvi i chiñu Iva i, ta vaꞌa kandixa ndo ya ikán, vani ná kändixa ndo yeꞌe. Tá tu kándixa ndo ya íkan i, ta saa kundaa ini ndo ya íyo Iva i xiꞌin i, ta yeꞌe íyo i xiꞌin ra ―káchi Jesús xiꞌin nda.

San Juan 11:47

Saa ndi̱kitaꞌan nda fariseo xiꞌin nda sutu naꞌnu, nda ndóso nuu sutu nda xáꞌnda chiñu nuu na judío, káchi nda saa: ―¿Unkua ikan yo vitin? Ra yóꞌó ta yaꞌa ni kuaꞌa yatuꞌun íkan ra.

San Juan 12:37

Ni kuaꞌa ni yatuꞌun Ndioxi xi̱ni na judío íkan Jesús ta köo ndi̱xiin na kandixa ñaꞌa na.

San Juan 14:11

Vaꞌa kandixa ndo ya káꞌan i xiꞌin ndo íyo i xiꞌin Iva i, ta Iva i íyo ra xiꞌin i, tá tu köo kúni tu ndo kandixa ndo ya yóꞌó, ta vaꞌa kandixa ndo yeꞌe xaꞌa ñaꞌa ya xi̱ni ndo íkan i.

San Juan 20:30

Ta kuaꞌa ni ka yatuꞌun i̱kan Jesús nuu nda xi̱taꞌan xiꞌin ra, ta köo ya ndóso nuu tutu yóꞌó.

San Juan 3:2

Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.

San Juan 7:31

Ta kuaꞌa ni na ka̱ndixa ñaꞌa, saa káꞌan na, káchi na saa: ―Ya ndixa kua kúu ra yóꞌó ra Cristo, chi kuaꞌa ni ya vaꞌa, yatuꞌun chee ni íkan ra. Tá ná kixi inka ra ta ¿án ikan ra tá kuꞌva íkan ra yóꞌó? ―káchi na xaꞌa Jesús.

San Juan 8:12

Saa xa̱á tuku ra káꞌan ra xiꞌin naꞌa, káchi ra saa: ―Yeꞌe ku ñu̱ꞌu̱ ya síndiyeꞌe nuu na ñuu ivi yóꞌó. Ta ndiꞌi na ndíkun yeꞌe ta käka na ichí ya naá, chi kúu mií na ñu̱ꞌu̱ ya táxi kutaku na ―káchi ra xiꞌin na.

San Juan 8:24

Xaꞌa ya ñaa kua ndi̱kaꞌan i xiꞌin ndo, kuvi ndo xaꞌa kuachi ndo, chi tá tu köo xíin ndo kandixa ndo yeꞌe, ya kúu i taa, ra ndi̱kaꞌan i xiꞌin ndo ku i, ta kuvi ndo xaꞌa kuachi ndo ―káchi ra xiꞌin nda.

San Juan 8:56

Ta ra Abraham ra káꞌan ndo kúu iva ndo, ta xi̱ni i ku̱sini ni ra tá ndi̱kaꞌan Ndioxi xiꞌin ra ya kixi i ñuu ivi yóꞌó ―káchi Jesús xiꞌin nda.

San Juan 8:58

Saa ndi̱kuiin Jesús káꞌan ra, káchi ra saa: ―Ya ndaa ni káꞌan i xiꞌin ndo, tá täꞌan ka vi koo ra Abraham, ta yeꞌe ta xa íyo va i ―káchi ra xiꞌin nda.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

Los Hechos 2:22

’Nda taꞌan yo nda ñuu Israel, kuni soꞌo ndo ya kaꞌan i xiꞌin ndo xaꞌa Jesús, ra ñuu Nazaret. Iin taa ra vaꞌa ni ku ra. Suvi mií Ndioxi ku ra ndi̱kaxin ra i̱kan ra kuaꞌa ni ya vaꞌa, chi̱ndee ni ra yoo, i̱kan ni ra yatuꞌun Ndioxi nuu yo. Ta tixin ndiꞌi ya yóꞌó si̱naꞌa Ndioxi yoo ndá taa ku Jesús.

HEBREOS 2:3

Tá tu saa ndo̱ꞌo na tiempo ikán, ta ndisaa ka vi yo ndóo vitin ndee ni ka tixuꞌvi yo, tá tu köo xíin yo kundikun yo ichí nuu kaku yo ya táxi Ndioxi ndaꞌa yo. Saa chi ya yóꞌó kua ndixa ni ka chee íkan Ndioxi xiꞌin yo. Ta xiꞌna mií Tata yo Jesucristo ku ra ndi̱kaꞌan xiꞌin naꞌa xaꞌa ichí ikán, sindiꞌi, ndi̱kaꞌan na ikán xiꞌin yo, chi xi̱ni na ya ndaa kua ndi̱kaꞌan ra, yakan ndi̱kani na ya nuu yo.