San Juan 10:18 - Xochapa Mixteco

¹⁸ Nda iin naꞌa küchiñu kindaa ya táku i ndaꞌa i, chi kúu mií i ichí ya taxi i kutaku i. Chi yeꞌe ta íyo ndee ndaꞌa i ya taxi i mií i kuvi i, ta íyo tu ndee ndaꞌa i ya sitaku i mií va i. Ta ichí yóꞌó kua ta̱xi Iva i ndaꞌa i ―káchi Jesús xiꞌin na.

San Juan 10:18 Iomraidhean Croise

San Juan 10:11

Ta yeꞌe ku paxto ra vaꞌa ni. Chi paxto ra vaꞌa ni ta nda ndítaxi ra mií ra xaꞌa kiti levo sana ra.

San Juan 10:15

Tá kuꞌva xíni Iva i yeꞌe, saa xíni vaꞌa tu mií va i ra ta íyo tuꞌva i kuvi i xaꞌa levo sana i.

San Juan 10:17

’Xaꞌa ya ikán kua kúꞌvi ni ini Iva i xíni ra yeꞌe, chi ndítaxi i mií i ya kuvi i xaꞌa levo sana i, ta sindiꞌi saa nditaku i.

San Juan 14:31

Sundi ya ná kundaa ini na ñuu ivi, ya ndixa kua kúꞌvi ini i xíni i Iva i Ndioxi, yakan xáa súvi i chiñu ya xa̱ꞌnda chiñu ra nuu i. Ta vitin ndikuita ndo, koꞌo yo ―káchi Jesús xiꞌin nda ítaꞌan xiꞌin ra.

San Juan 15:10

Tá tu xáa súvi ndo ya xáꞌnda chiñu i nuu ndo, ta saa kua koo tuun ndo xiꞌin i, chi kúꞌvi ni ini i xíni i ndóꞌo̱, ta kuꞌva saa kua xáa súvi yeꞌe ya xáꞌnda chiñu Iva i yakan íyo tuun i xiꞌin ra ta kúꞌvi ni ini ra xíni ra yeꞌe.

San Juan 19:11

Saa ndi̱kuiin Jesús káꞌan ra: ―Tá tu süvi Ndioxi ku ra ndi̱taxi ichí ndaꞌa un ya kaꞌnda chiñu un xaꞌa i, ta nda iin ichí köo kúu mií un, ndi̱kuu. Sundi taa, ra ndi̱taxi yeꞌe ndaꞌa un ta chee ni ka kuachi ndíso ra ikán nuu yóꞌo̱ ―káchi Jesús xiꞌin ra Pilato.

San Juan 5:26

Saa chi Ndioxi ta kúu mií ra ndee táxi ra táku mií ra ta suvi ndee ikán ta̱xi ra ndaꞌa Seꞌe ra ya iin káchi táku ra xiꞌin ra.

San Juan 5:30

Ta ndi̱kaꞌan ka ra xiꞌin nda, káchi ra saa: ―Yeꞌe ta süvi xiꞌin ichí mií i kua xáa nani i kuachi naꞌa, tá íyo ya xíni soꞌo i saa íyo ya íkan i xiꞌin na, xiꞌin ya ndaa xáa nani i kuachi na, chi süvi xiꞌin ya kúni mií i íkan i ya, xiꞌin ya kúni mií Iva i Ndioxi ra ti̱ꞌvi yeꞌe vaxi i kua xáa nani i kuachi na.

San Juan 6:38

Saa chi yeꞌe ta ke̱e i nuu ndivi vaxi i ñuu ivi yóꞌó ikan i ya kúni Ndioxi, ta växi i xaa súvi i ya kúni mií i.

Los Hechos 2:24

Sundi tá ndi̱xiꞌi ra ta köo ndi̱taxi Ndioxi ndoo ra ndikaa ra ndaꞌa ya ndíi, chi köo ichí ya ndíi kaꞌnda chiñu ya nuu ra.

Los Hechos 2:32

Ta vitin ndeꞌe ku testigo xaꞌa Jesús ya si̱taku Ndioxi ra tixin ñuꞌú.

Los Hechos 3:15

Ta xa̱ꞌni ndo taa ra vaꞌa ni, chi iin mituꞌun ra ikán ku ra táxi ichí ya kutaku yo. Sundi Ndioxi ta si̱taku ñaꞌa ra. Ndeꞌe ku testigo xaꞌa ra, xi̱ni nde ndi̱taku ra.

Tito 2:14

Chi ndi̱taxi ra mií ra ndi̱xiꞌi ra xaꞌa yo, ya yóꞌó ku yaꞌvi cha̱ꞌvi ra xaꞌa yo nuu si̱kaku ra yoo ndaꞌa ndee ya väꞌa i̱kan yo, ta nda̱sa vaꞌa ra yoo ndu̱u yo na ñuu mií ra, ya kuchiñu yo ikan yo ya vaꞌa nuu ra.

HEBREOS 2:9

Sundi xíto yo ya nda̱sa ni̱nu̱ Ndioxi Jesús uvi ndaa kivi nuu na tatun ra. Ta vitin ndi̱niꞌi ni ra ya vaꞌa ndi̱kunuu sunkun ni ya toꞌo ra, xaꞌa ya ndo̱ꞌo ni ra ndi̱xiꞌi ra, chi kúꞌvi ni ini Ndioxi xíni ra yoo yakan ta̱xi ra ndi̱xiꞌi Jesús xaꞌa ya vaꞌa ndiꞌi yo.