San Juan 10:12 - Xochapa Mixteco

¹² Ta iin ra kíꞌin yaꞌvi xaꞌa ya ndáa ra ri, ta süvi sana ra ku ri. Yakan tá xíni ra vaxi kiti ndivaꞌi ta síndoo ndaꞌa ndiꞌi ra ri, saa xínu ra kuaꞌan ra. Ta kiti ndivaꞌi íkan ri ya kúni mií ri xiꞌin levo ikán, saa iin xáta yava taꞌan ndiꞌi ri.

San Juan 10:12 Iomraidhean Croise

San Mateo 10:16

Tiꞌvi i ndóꞌo̱ kuꞌun ndo ndikani ndo tuꞌun Ndioxi nuu naꞌa, ta ìyo ni kuꞌun ndo, nda tá ìyo kuaꞌan levo ñaꞌñu nuu íyo ni kiti ndivaꞌi, saa ìyo kuꞌun ndo tañu naꞌa. Tá kuꞌva íkan kiti ko̱ó, saa koo ndo, ndíchi vaꞌa koo ndo, saa tu tá kuꞌva íin kiti paloma köo kueꞌe ri, kuꞌva saa koo ndo.

San Mateo 7:15

Saa káꞌan tuku Jesús xiꞌin na, káchi ra saa: ―Kuenta ni koo ndo chi íyo nda profeta nda vata, nda káꞌan síkaꞌán Ndioxi ini nda kaꞌan nda tuꞌun yuꞌu ra. Ndíkani ini ndo xaꞌa ya luvi ni sínaꞌa nda ta vaꞌa ni nda káꞌán ndo, chi íin nda tá kuꞌva íyo kiti levo vita ni ini. Sundi kuenta ni koo ndo chi süvi ya ndaa kua íin nda saa, nda tá íyo iin kiti ndivaꞌi kueꞌe ni va saa íyo ini nda.

San Juan 10:13

Saa íkan ra chi süvi sana ra ku ri, ra kíꞌin yaꞌvi va ku ra yakan köo xáꞌni ra mií ra xíni ra ri.

San Juan 10:2

Sundi ra kuakiꞌvi chí yeꞌe, ta ra ñaa ku paxto ra ndáa ri.

San Juan 10:3

Nda mií ra ndáa corra ikán ta xíni ra unku ra ndáa ri. Ta xúna ra yeꞌe ya kiꞌvi ri. Nda ni mií kiti levo ikán ta xa xíni ri tachi ra ndáa ri. Saa kána ra kivi iin iin ri, ta kána koo ri ini corra ikán.

Los Hechos 20:29

Chi xíni i, tá köo ka i íyo xiꞌin ndo ta kixi naꞌa sindaꞌvi na ndóꞌo̱. Tá íkan kiti ndivaꞌi xáa nduvaꞌa ni ri xiꞌin levo saa ikan na xiꞌin ndo, xaa nduvaꞌa ni na xiꞌin ndo.

1 Timoteo 3:3

Ta ná kuu nda taa, nda köo kútoo kaka koꞌo ndixi, ni küvi sa̱á kama ni nda án kanitaꞌan nda xiꞌin naꞌa, xíniñuꞌu nda kaꞌnu ni koo ini nda, ná sïkuaꞌa nda kuachi xiꞌin naꞌa, saa ná kütoo ni nda xuꞌun.

1 Timoteo 3:8

Ta saa tu nda chíndee taꞌan xiꞌin na ínuu nuu na veꞌe ñuꞌu, xíniñuꞌu nda koo nda taa nda ínuu vaꞌa tuꞌun xaꞌa, ta ná sixinu nda tuꞌun ya káꞌan nda, saa ná kuu nda taa nda köo kútoo kaka koꞌo ndixi, ta ná sïndaꞌvi nda naꞌa xiꞌin ya vata, tava nda xuꞌun ndaꞌa na.

2 Timoteo 4:10

Saa chi ra Demas, ta si̱ndoo ndaꞌa va ra yeꞌe, saa ke̱ta ra kuaꞌan ra chí ñuu Tesalónica, xaꞌa ya kútoo ni ra xíni ra ñaꞌa ñuu ivi yóꞌó kua i̱kan ra saa xiꞌin i. Inka ra Crescente, ke̱e kuaꞌan chí Galacia. Inka ra Tito, ke̱e kuaꞌan chí Dalmacia.

Tito 1:7

Saa chi nda kúu xi̱ní xiꞌin na veꞌe ñuꞌu, ta xíniñuꞌu nda ndǎku ni koo ini nda xaꞌa ya ndíso chiñu nda xiꞌin chiñu Ndioxi. Ná chïnuu vaꞌa ni nda tuꞌun nda, ná säa kama ni nda, ná käka nda koꞌo nda, saa ná täva nda kuachi xiꞌin naꞌa, ta ná ïkan nda ndá ka ñaꞌa väꞌa ya kuu mií nda xuꞌun.

1 Pedro 5:2

Ta yeꞌe xíkan ni i ya mani nuu ndo, kundaa ni ndo na ñani yo, na si̱kuiso chiñu Tata yo ndóꞌo̱. Tá kuꞌva ndáa iin taa levo sana ra, kuꞌva saa vívií kundaa ndo na, ta ïkan ndo ya xaꞌa ya nduxa án xaꞌa xuꞌun. Vaꞌa ikan ndo tá kuꞌva kúni mií Ndioxi, kusini ni ndo ya íkan ndo saa.

2 Pedro 2:3

Chi nda ikán ta ya ndee ni kúni nda ku xuꞌun ndo xaꞌa ya sínaꞌa nda ndóꞌo̱ tuꞌun vata. Ta vaꞌa ná kundatun naꞌa nda chi xa ta̱xi Ndioxi kuachi xaꞌa nda, xa xinaꞌa vi íyo ya xaꞌa nda ta kama ni kuu saa xiꞌin nda, ni käku ka vi nda ndakua ndiꞌi xaꞌa nda ikan Ndioxi.