San Juan 10:10 - Xochapa Mixteco

¹⁰ ’Ta na kuiꞌna ta vaxi na kúni na sikuiꞌna na ri kaꞌni na ri tin sindiꞌi xaꞌa na ri. Sundi yeꞌe ta vaxi i ya taxi i kutaku na ndíkun yeꞌe, ta yáꞌa ni vaꞌa kundoo ndiꞌi na.

San Juan 10:10 Iomraidhean Croise

San Mateo 18:10

Saa ndi̱tuꞌun tuku ra iin tuꞌun ndíchi xiꞌin na sínaꞌa ra na, káchi ra saa: ―Koto ndo ndïkani ini ndo ya köo ndáa yaꞌvi na vali yóꞌó. Saa chi na tatun ndáa na vali yóꞌó, ta ndiꞌi saa kivi íyo na xiꞌin Iva i Ndioxi nuu ndivi.

San Mateo 18:11

Saa chi yeꞌe, Taa ra xa̱a ñuu ivi yóꞌó, ta xa̱a i ñuu ivi yóꞌó ya sikaku i na nda̱ñuꞌu.

San Mateo 20:28

Tá kuꞌva íkan yeꞌe Taa ra xa̱a ñuu ivi yóꞌó, chi yeꞌe ta köo vaxi i ya kaꞌnda i chiñu nuu naꞌa, sundi yeꞌe ta vaxi i ya koto vií i xiꞌin na saa xaa súvi i chiñu nuu na, ta saa kua kuchiñu na saña ndika na xaꞌa kuachi na ―káchi Jesús.

San Mateo 21:13

Saa ndi̱kaꞌan ra xiꞌin ndiꞌi na, káchi ra saa: ―Soꞌva káchi tuꞌun Ndioxi ya ta̱a na xinaꞌa: “Veꞌe i ta kunani ya veꞌe nuu kuꞌun naꞌa kaꞌan na xiꞌin i”, káchi tuꞌun Ndioxi. Ta ndóꞌo̱ ta väꞌa íkan ndo, chi ndása ndo ya tá káa iin kava nuu ndíkitaꞌan na kuiꞌna, saa ndása ndo ya ―káchi Jesús xiꞌin na.

San Mateo 23:13

Saa ndi̱kaꞌan ka Jesús xiꞌin nda fariseo tin nda sínaꞌa ley Ndioxi, káchi ra saa: ―¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Vaxi kivi ta ndoꞌo ni ndo xaꞌa ya uvi yuꞌu ndo! Saa chi ndíkasi ndo yeꞌe ya kúu ichí nuu yaꞌa naꞌa kiꞌvi na nuu xáꞌnda chiñu Ndioxi. Ni köo kíꞌvi mií ndo ta ni köo táxi ndo kiꞌvi na.

San Marcos 11:17

Saa xa̱á ra sínaꞌa ra na, káchi ra saa: ―Nuu tuꞌun Ndioxi káchi ya saa: “Veꞌe i ta kunani ya veꞌe nuu kaꞌan ndiꞌi kúu na ñuu ivi xiꞌin Ndioxi saa kunani ya”, káchi tuꞌun ra. Ta ndóꞌo̱, ta köo íkan ndo saa. Nda tá káa iin kava nuu ndíkitaꞌan na kuiꞌna saa íkan ndo xiꞌin ya ―káchi Jesús xiꞌin na.

San Lucas 19:10

Ta yeꞌe ku Taa ra xa̱a ñuu ivi yóꞌó ta vaxi i nduku i na nda̱ñuꞌu ya sikaku i na ―káchi Jesús.

San Juan 10:1

―Ya ndaa káꞌan i xiꞌin ndo, iin taa, ra köo kíꞌvi chí yeꞌe nuu ñúꞌu levo, ra kuakiꞌvi inka ñaꞌñu ta süvi ra vaꞌa ku ra, ra kuiꞌna ku ra.

San Juan 10:11

Ta yeꞌe ku paxto ra vaꞌa ni. Chi paxto ra vaꞌa ni ta nda ndítaxi ra mií ra xaꞌa kiti levo sana ra.

San Juan 12:47

Na xíni soꞌo tuꞌun ya káꞌan i, tá tu köo xíin na xaa súvi na ya, ta köo táxi i kuachi xaꞌa na, chi yeꞌe ta süvi ra vaxi taxi kuachi na ñuu ivi ku i, yeꞌe vaxi sikaku va ku i na.

San Juan 12:6

Ta süvi ya ndixa ndíꞌi ini ra xaꞌa na ndaꞌvi kua ndi̱kaꞌan ra saa. Ndi̱kaꞌan ra saa chi ra kuiꞌna ku ra, saa chi mií ra ku ra ndíso ñaꞌa nuu kuakee xuꞌun xíniñuꞌu Jesús xiꞌin nda ítaꞌan xiꞌin ra, ta sava ichí síkuiꞌna ra ya.

San Juan 3:17

Chi köo ndi̱tiꞌvi Ndioxi Seꞌe ra vaxi ra ñuu ivi ya sitixuꞌvi ra na ñuu ivi, sundi ti̱ꞌvi ñaꞌa ra vaxi ra sikaku ra na.

San Juan 5:40

Sundi ndóꞌo̱ ta köo xíin ndo kixi ndo nuu i ya taxi i ichí ndaꞌa ndo koo ndo xiꞌin Ndioxi ndiꞌi saa kivi ya vaxi.

San Juan 6:33

Saa chi xita vaꞌa ya táxi Ndioxi kutaku ndo ku Taa ra xa̱a ra nuu ndo, ta táxi ra kutaku ndiꞌi na ñuu ivi ―káchi Jesús xiꞌin na.

San Juan 6:51

Mií yeꞌe ku xita vaꞌa ya táku ya nùù nuu ndivi, ndiꞌi na xíxi xita vaꞌa yóꞌó ta nda iin ichí ndïꞌi xaꞌa na. Ta xita vaꞌa ya táxi i ndaꞌa na ku ikin kuñu i, ya soko i xaꞌa ndiꞌi na ñuu ivi yóꞌó ya kutaku na ―káchi Jesús xiꞌin na.

ROMANOS 2:21

Sava ndóꞌo̱, na kúu judío, ndo sínaꞌa naꞌa xaꞌa ichí Ndioxi, ¿ndachu köo xáa súvi ndo ya sínaꞌa ndo? Chi káꞌan ndo väꞌa sikuiꞌna naꞌa, tá tu saa ¿ta ndachu síkuiꞌna mií ndo?

1 Timoteo 1:15

Ta vaꞌa ná kundaa ini un xiꞌin ya káꞌan i xiꞌin un, chi ya ndaa ni kua, ta ndiꞌi na xíniñuꞌu kundaa ini xaꞌa ya yóꞌó: Chi Tata yo Jesucristo ku ra ki̱xi ñuu ivi yóꞌó ya sikaku ra yo ivi kuachi, ta kúni i káꞌan i xiꞌin un, xiꞌna yeꞌe ku ra ndee ni kuachi íyo nuu ndiꞌi na ivi.

HEBREOS 6:17

Ta Ndioxi köo ndi̱xiniñuꞌu ra kivi inka naꞌa ya xaa súvi ra ya xa ki̱ndoo ra ikan ra, tixin kivi mií ra chi̱naꞌa ra nuu na ya sixinu ra ya ndi̱kaꞌan ra xiꞌin na ndíkun ra. Saa chi kúni ra ná kundaa ini na ya xaa súvi ra ya xa ki̱ndoo ra xiꞌin na, ta ndïko koo ini ra xaꞌa ya ki̱ndoo ra xiꞌin na.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.

2 Pedro 1:11

Ta saa kusini ni Ndioxi xiꞌin ndo saa kuna koꞌo ra yeꞌe nuu ndo kiꞌvi ndo koo ndo xiꞌin ra ndiꞌi saa tiempo nuu ndivi nuu koo Tata yo Jesucristo ra síkaku yoo kaꞌnda chiñu ra.