San Juan 1:9 - Xochapa Mixteco

⁹ Ta ra kúu ñu̱ꞌu̱ ya ndixa sítuun nuu na ñuu ivi, ta xa vaxi va ra ñuu ivi yóꞌó.

San Juan 1:9 Iomraidhean Croise

San Mateo 6:23

Tá tu väꞌa íyo nduchi nuu ndo, ta ni nima ndo ta väꞌa íyo ya. Tá tu ndíkani ini ndo xíka ndo nuu ñu̱ꞌu̱ yéꞌe, ta süvi ya ndaa ku ya xíka ndo nuu yéꞌe̱, ¡tá íin naꞌa, na xíka nuu naá va, saa íin ndo!

San Lucas 11:36

Saa chi tá tu xíka un nuu yéꞌe̱ ta yéꞌe̱ ndiꞌi ni kúu ikin kuñu un köo ka ya naá ini un. Tá káa ñu̱ꞌu̱ túun na ta iin síndiyeꞌe ndaa ndiꞌi ya ini veꞌe saa káa ini un ―káchi xiꞌin na.

San Juan 1:4

Ta mií ra ikán ku ra kúu mií ndee ya taxi ra kutaku na ñuu ivi xiꞌin ra tá kuꞌva táku mií ra. Chi ya táku ra kua vaꞌa síndiyeꞌe ra nuu na ñuu ivi.

San Juan 1:7

Ki̱xi ra ya ndíkuiin ra xaꞌa ñu̱ꞌu̱ ikán, káꞌan ra xiꞌin na ya ná kandixa ndiꞌi na taa, ra síndiyeꞌe nuu na.

San Juan 12:46

Yeꞌe ku ñu̱ꞌu̱ ya xa̱a i ñuu ivi yóꞌó, ta ndiꞌi na kándixa yeꞌe, ta ndöo na koo na nuu naá.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Juan 15:1

Saa ndi̱kaꞌan Jesús káchi ra saa: ―Yeꞌe ku itun yoꞌó uva ya vaꞌa ni. Ta Iva i ku ra ndáa nu ikán.

San Juan 6:32

Ta saa ndi̱kuiin Jesús ndi̱kaꞌan ra xiꞌin na, káchi ra saa: ―Ya ndaa káꞌan i xiꞌin ndo, süvi ra Moisés ku ra ndi̱taxi xita vaꞌa ya ke̱e nuu ndivi xi̱xi na, Iva i Ndioxi va ku ra ta̱xi ya xi̱xi na. Ta vitin táxi Iva i Ndioxi xita vaꞌa, ya ndaa vaꞌa ni, ya ki̱xi nuu ndivi ni̱nù.

San Juan 7:12

Ta káꞌan ni na xiꞌin taꞌan na xaꞌa Jesús, káchi na saa: “Ra vaꞌa va ku ra”, káchi na. Ta sava na káꞌan: “Süvi ra vaꞌa ku ra, ra síndaꞌvi na ñuu ku ra”, káchi na.

1 Juan 1:8

Tá tu káꞌan yo köo kuachi yo, káchi yo, ta síndaꞌvi yo mií va yo, ta köo ya ndaa íyo ini yo.

1 Juan 2:8

Sundi tá káa ya xa̱á káa tuꞌun yóꞌó. Ta kúndaa ini yo ya ndixa ku ya, saa chi Jesucristo ku ra xa̱a súvi ya. Ta saa tu ndóꞌo̱ ndíkun sata va ra xáa ndo lucha síxinu ndo ya. Chi ya naá, ya väꞌa ta yáꞌa ya kuaꞌan ya, ta xa vaxi ndíyeꞌe ya ndaa.

1 Juan 5:20

Xíni tu yo ya ki̱xi Jesús Seꞌe Ndioxi ñuu ivi yóꞌó ta ta̱xi ra ya xínituni yo ya kundaa vaꞌa ini yo xaꞌa Ndioxi, ra ndaa. Ta iin yuꞌu ku yo xiꞌin Seꞌe ra, ra kúu Jesucristo, ra ndaa. Saa chi Jesucristo ku Ndioxi ra ndaa, ra táxi ichí ya kutaku yo xiꞌin Ndioxi ndiꞌi saa tiempo.