San Juan 1:51 - Xochapa Mixteco

⁵¹ Saa ndi̱kaꞌan ka ra xiꞌin ra, káchi ra saa: ―Ya ndaa ni ndixa káꞌan i xiꞌin un, kuni ndo núna nuu ndivi, ta saa kuni ndo na tatun Ndioxi vaxi nùù na tin kuandaa na nuu íyo yeꞌe, Ra kúu Taa ra xa̱a ñuu ivi yóꞌó ―káchi Jesús xiꞌin ra Natanael.

San Juan 1:51 Iomraidhean Croise

San Mateo 25:31

Saa ndi̱kaꞌan ka Jesús xiꞌin na, káchi ra saa: ―Kivi tá ná ndiko koo yeꞌe, Taa ra xa̱a ñuu ivi yóꞌó, ta ndiko koo i xiꞌin ndiꞌi na tatun Ndioxi, tá káa rey ra ndee ni ndee saa koo i tá ná ndiko koo i xiꞌin ndiꞌi ñaꞌa ya ndee ni luvi yéꞌe̱. Ta saa ndikunduꞌu i nuu tai toꞌo kaꞌnda chiñu i.

San Mateo 26:24

Yeꞌe kuu Taa, ra xa̱a ñuu ivi yóꞌó, ta ndixa kua xíniñuꞌu kuvi i, tá kuꞌva káꞌan tuꞌun Ndioxi ya ta̱a nda profeta xaꞌa i xinaꞌa. Sundi ¡ndaꞌvi ni taa ra ndixiko vata yeꞌe nuu na sáa ini xíni yeꞌe! Vaꞌa ni ka kua tá ná käku va ra, ndikuu ―káchi Jesús xiꞌin nda.

San Mateo 3:16

Tá síkuchi ñaꞌa ra, ñaa xa̱á ra kéta ra ini tikuii, saa xi̱ni ra xúna nuu ndivi. Ta ñaa ke̱ta Tachi Ndioxi vaxi ya, tá káa sata, saa káa ri ke̱ta vaxi.

San Mateo 4:11

Saa si̱ndikoo ri Jesús ta ke̱ta ri kuaꞌan ri, ñaa ndi̱xaa na tatun Ndioxi chi̱ndee na ra, ta̱xi ndiꞌi na ñaꞌa ya xíniñuꞌu ra ndaꞌa ra.

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

San Mateo 9:6

Ta vitin sindaꞌa i ra yóꞌó, ta saa kundaa ini ndo, yeꞌe ku Taa ra kúu mií ichí Ndioxi, ta xáa kaꞌnu ini i xaꞌa kuachi na ñuu ivi ―káchi Jesús xiꞌin nda. Saa ndi̱kaꞌan ra xiꞌin ra kúꞌvi ikán, káchi ra saa: ―Kuándikoo, kuanuꞌu veꞌe un, ta ndikiꞌin xito un ná kuꞌun nu xiꞌin un ―káchi Jesús xiꞌin ra.

San Marcos 1:10

Tá sindiꞌi si̱kuchi ra Juan ra saa ke̱ta ra ini tikuii, ñaa xi̱ni ra xúna nuu ndivi ta xi̱ni ra vaxi nuu Tachi I̱í Ndioxi, tá káa sata loꞌo saa káa ya vaxi nuu sata ra.

San Marcos 14:62

Saa ndi̱kuiin Jesús káꞌan ra: ―Ikán kuu i. Ta kuni ndo yeꞌe, Taa ra xa̱a ñuu ivi yóꞌó, kuni ndo kunduꞌu i ñaꞌñu kuaꞌá Ndioxi ra kaꞌnu, saa kuni ndo yeꞌe ndiko koo i kixi i tañu viko nuu ndivi ni̱nù ―káchi ra xiꞌin nda.

San Lucas 2:13

Ta saa kama ni ndi̱tuvi kuaꞌa ka tatun Ndioxi nuu ndivi, ndi̱kitaꞌan ya xiꞌin tatun ya ndi̱kaꞌan xiꞌin nda paxto ikán. Ñaa xa̱á na káꞌan na ya vaꞌa xaꞌa Ndioxi, káchi na saa:

San Lucas 2:9

Saa ku̱u ta ndi̱tuvi iin tatun Ndioxi, ta ndi̱yeꞌe ni ya yeꞌe Ndioxi nuu ndóo nda. Ñaa ndi̱ndiꞌvi ni nda.

San Lucas 22:43

Ñaa káꞌan ra saa, ta ndi̱tuvi iin tatun Ndioxi ya ke̱e nuu ndivi taxi ya ndee ndaꞌa ra.

San Lucas 22:69

Sundi vitin ta koo yeꞌe Taa ra xa̱a ñuu ivi yóꞌó xiꞌin Ndioxi ra ndee ni ndee kúu mií. Koo i xiꞌin ra nuu tai toꞌo ñaꞌñu kuaꞌá ra ―káchi Jesús xiꞌin nda.

San Lucas 24:4

Saa ndi̱ndiꞌvi ni ná iin ndi̱kanda ini ná ndíta ná, ni köo xíni ka ná unkua ikan ná. Ñaa iin ku̱u soꞌva ta xi̱ni ná ndíta uvi nda taa nuu ná. Yaa ka vi toto ndíxi nda, ndakua yeꞌe taxan ya.

San Lucas 3:21

Ta yachi tá täꞌan kuꞌun ra Juan veꞌe kàà, kuaꞌa ni naꞌa si̱kuchi ra, saa si̱kuchi tu ra Jesús va. Tá chíchi Jesús, ta xa̱á ra káꞌan ra xiꞌin Ndioxi, ñaa ndi̱xuna nuu ndivi.

San Juan 1:50

Saa ndi̱kuiin Jesús, káꞌan ra: ―¿Án kándixa un yeꞌe chi ndi̱kaꞌan i xiꞌin un, xi̱ni i yóꞌo̱ xaꞌa itun higo? Ya ndee ka kuni un nuu ya xi̱ni un vitin ―káchi Jesús xiꞌin ra.

San Juan 10:1

―Ya ndaa káꞌan i xiꞌin ndo, iin taa, ra köo kíꞌvi chí yeꞌe nuu ñúꞌu levo, ra kuakiꞌvi inka ñaꞌñu ta süvi ra vaꞌa ku ra, ra kuiꞌna ku ra.

San Juan 10:7

Saa ndi̱kaꞌan tuku Jesús xiꞌin na, káchi ra saa: ―Ya ndaa káꞌan i xiꞌin ndo: Yeꞌe ku yéꞌé nuu kuakee kiti levo.

San Juan 13:16

Ya ndixa ni kua káꞌan i xiꞌin ndo: Ra xáa chiñu nuu xitoꞌo ra, ta köo chee ka ra ikán nuu xitoꞌo ra. Ni iin ra xíka chiñu, ta köo chee ka ra ikán nuu ra ti̱ꞌvi ñaꞌa.

San Juan 13:38

Saa ndi̱kuiin Jesús, káchi ra saa: ―¿Án ndixa ku un, íyo tuꞌva un ya kuvi un xaꞌa i? Ya ndixa kua káꞌan i xiꞌin un, ñǔu vitin, ta xa uni ichí vi ndikuaa un ya köo xíni un yeꞌe, saa kana chele ―káchi Jesús xiꞌin ra Pedro.

San Juan 14:12

Ya ndaa káꞌan i xiꞌin ndo, na kándixa ya káꞌan i, ta kuchiñu tu na ikán va xaa súvi na taꞌan ya íkan i. Ta nda ndee ka koo chiñu ikan na, saa chi yeꞌe ta ndiko koo i kuꞌun i nuu Iva i.

San Juan 16:20

Ya ndaa káꞌan i xiꞌin ndo, kusuchi ni ini ndo, ta kuaku ndo, ta na ñuu ivi yóꞌó ta kusini ni na. Vani kúsuchi ni ini ndo ta süvi ndiꞌi saa ichí koo ndo saa, chi ya kúsuchi ini ndo, ta nama i ya nduu ya kúsini ni ndo.

San Juan 16:23

’Tá ná tindaa kivi ikán ta nda iin ka ya ndäkan tuꞌun ndo yeꞌe. Ta ya ndaa káꞌan i xiꞌin ndo, tá ndá ya ndúku ndo nuu Iva i Ndioxi tixin kivi yeꞌe ta taxi ndiꞌi ra ya ndaꞌa ndo.

San Juan 21:18

Ta saa ndi̱kaꞌan ka ra xiꞌin ra, káchi ra saa: ―Ya ndixa káꞌan i xiꞌin un, tá ndi̱xiyo kuâán un, ta ndíkundixi un toto un, ta kuaꞌan un nuu kúni mií un, sundi tá ná kuchee un ta tanii ndaꞌa un nuu na, ta inka na sikundixi yóꞌo̱, ta kundaka na yóꞌo̱ kuꞌun un xiꞌin na nuu köo kúni un kuꞌun un ―káchi ra xiꞌin ra.

San Juan 3:3

Saa ndi̱kuiin Jesús káꞌan ra: ―Ya ndaa ni káꞌan i xiꞌin un, ndiꞌi na täꞌan kaku uvi, ta küchiñu na kiꞌvi na nuu xáꞌnda chiñu Ndioxi ―káchi Jesús xiꞌin ra.

San Juan 3:5

Saa ndi̱kuiin Jesús káꞌan ra, káchi ra saa: ―Ya ndaa ni káꞌan i xiꞌin un, ndiꞌi na täꞌan kaku xiꞌin tikuii ni xiꞌin Tachi I̱í Ndioxi ta küchiñu na kiꞌvi na koo na nuu xáꞌnda chiñu Ndioxi.

San Juan 5:19

Saa ndi̱kaꞌan Jesús xiꞌin nda káchi ra saa: ―Ya ndaa káꞌan i xiꞌin ndo, ra kúu Seꞌe Ndioxi ta nda iin ñaꞌa küvi ikan mií ra, ndisaa ya xíni ra íkan Iva ra kua íkan ra. Ndiꞌi saa kivi kándixa ra ya káꞌan Iva ra xiꞌin ra.

San Juan 5:27

Ta ta̱xi ra ichí ndaꞌa Seꞌe ra ya xaa nani ra kuachi naꞌa, xaꞌa ya kúu ra Taa ra xa̱a ñuu ivi yóꞌó.

San Juan 6:26

Saa ndi̱kaꞌan ra xiꞌin na, káchi ra saa: ―Ya ndixa kua ndúku ndo yeꞌe, ta süvi xaꞌa ya xi̱ni ndo seña ya i̱kan i nuu ndo kua ndúku ndo yeꞌe, chi xaꞌa ya ta̱xi i xi̱xi ndo ndakua ndi̱xaa ini va ndo kua ndúku ndo yeꞌe.

San Juan 6:32

Ta saa ndi̱kuiin Jesús ndi̱kaꞌan ra xiꞌin na, káchi ra saa: ―Ya ndaa káꞌan i xiꞌin ndo, süvi ra Moisés ku ra ndi̱taxi xita vaꞌa ya ke̱e nuu ndivi xi̱xi na, Iva i Ndioxi va ku ra ta̱xi ya xi̱xi na. Ta vitin táxi Iva i Ndioxi xita vaꞌa, ya ndaa vaꞌa ni, ya ki̱xi nuu ndivi ni̱nù.

San Juan 6:47

Ya ndaa káꞌan i xiꞌin ndo: Ndiꞌi na kándixa yeꞌe ta xa táku na ndiꞌi saa kivi.

San Juan 6:53

Saa ndi̱kaꞌan Jesús xiꞌin nda, káchi ra saa: ―Ya ndaa ku tuꞌun yóꞌó: Tá tu köo xíin ndo kuxi ndo kuñu i, ni köo xíin ndo koꞌo ndo nií yeꞌe Taa ra xa̱a ñuu ivi yóꞌó, ta küchiñu ndo kutaku ndo.

San Juan 8:34

Saa ndi̱kaꞌan Jesús xiꞌin na, káchi ra saa: ―Ya ndaa kua káꞌan i xiꞌin ndo, tá kúu ndiꞌi na kuakiꞌvi kuachi, ta tá íin na núꞌni ndaa saa íin na ndaꞌa ya.

San Juan 8:51

Ta ya ndaa ku tuꞌun káꞌan i xiꞌin ndo, ndiꞌi na xáa súvi tuꞌun ya káꞌan i, ta küvi na ―káchi Jesús.

San Juan 8:58

Saa ndi̱kuiin Jesús káꞌan ra, káchi ra saa: ―Ya ndaa ni káꞌan i xiꞌin ndo, tá täꞌan ka vi koo ra Abraham, ta yeꞌe ta xa íyo va i ―káchi ra xiꞌin nda.

Los Hechos 10:11

Xi̱ni ra xa̱á xúna nuu ndivi ta ke̱ta iin ñaꞌa tá káá sábana chee ni saa káa ya, ta núꞌni kumi saa nuu ya váxi nu̱u ya nuu ñuꞌú.

Los Hechos 7:56

Ñaa ndi̱kaꞌan ra: ―¡Koto ndo toon! Núna nuu ndivi, ta xíto i Jesús ra kúu Taa ra xa̱a ñuu ivi yóꞌó. Xíto i ndíchi ra ñaꞌñu kuáꞌá Ndioxi ―káchi ra Esteban xiꞌin na.

2 Tesalonicenses 1:7

Vani ndóꞌo ni ndo vitin, sundi vaxi kivi saa taxi ra ndikundee ndo nuu ndiꞌi ya ndóꞌo ndo, iin káchi taxi ra koo vaꞌa ni ndo xiꞌin nde. Ya yóꞌó ikan ra kivi ná ndiko koo Tata yo Jesucristo kixi ra nuu ndivi xiꞌin na tatun Ndioxi, na ndee ni ndee kúu mií.

2 Tesalonicenses 1:9

Na ikán, ta ndee ni sindoꞌo Ndioxi na, ndiꞌi saa ichí taxi ra ndoꞌo ni na, saa tava ra na kuꞌun xika na nuu ra. Täxi ra koo na xiꞌin ra nuu luvi ni káa, nuu koo ra kaꞌnda chiñu ra.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

HEBREOS 1:14

Ta na tatun Ndioxi ta xa síin va ku na, chi na ikán ta tachi va ku na xíka na chiñu nuu ra, tíꞌvi ra na kuaꞌan na chindee na naꞌa, na sikaku ra.

Judas 1:14

Ra Enoc, ra uxa ra kúu seꞌe ñani sikua ra Adán, ra ikán ku ra ndi̱kaꞌan xaꞌa nda taa nda sinaꞌa ya vata ñaa, ka̱chi ra saa: “¡Koto ndo vii! Xa xi̱ni i vaxi kuaꞌa ni mil na tatun Ndioxi xiꞌin ra,

El Apocalipsis 19:11

Saa xi̱ni i núna nuu ndivi, ta xi̱ni i iin kuai kiti yaa ku ri. Ta ra yóso ri náni ra Ra ndaa ni, Ra ndinuꞌu ni ndíkun ichí Ndioxi. Xáꞌnda chiñu ra xiꞌin nina ya ndaa, ta suvi xiꞌin ya ndaa káni taꞌan ra xiꞌin ya väꞌa.

El Apocalipsis 4:1

Tá ndi̱ꞌi ikán saa ndi̱koto i ta xi̱ni i iin yéꞌe núna ya nuu ndivi, ñaa xi̱ni soꞌo tuku i tachi na tá kuꞌva káa ya xi̱ni soꞌo i núnu̱ú, saa káa tachi itun trompeta tívi na, saa ke̱ta tachi na ndi̱kaꞌan ya xiꞌin i, káchi ya saa: ―Naꞌa ndaa un ni̱nù yóꞌó, saa sinaꞌa i yóꞌo̱ ya kuu kivi vaxi ―káchi ya xiꞌin i.