San Juan 1:48 - Xochapa Mixteco

⁴⁸ Saa ndi̱kaꞌan ra Natanael, káchi ra saa: ―¿Ndachu vaꞌa xíni un yeꞌe? ―káchi ra. Ta ndi̱kuiin Jesús káꞌan ra: ―Yachi ka tá täꞌan kana ra Felipe yóꞌo̱ vi kua, xi̱ni i yóꞌo̱ íyo un xaꞌa itun higo ―káchi Jesús xiꞌin ra.

San Juan 1:48 Iomraidhean Croise

San Mateo 10:3

Xiꞌin ra Felipe, inka ra náni Bartolomé xiꞌin ra Tomás tin inka ra náni Mateo, ra ndíkaya xuꞌun nuu na gobierno, inka ra náni Jacobo seꞌe ra Alfeo ku ra, xiꞌin ra Lebeo, ra káꞌan na xiꞌin Tadeo.

San Mateo 6:6

Sundi ndóꞌo̱, tá kúni ndo kaꞌan ndo xiꞌin Ndioxi, ta vaꞌa kiꞌvi ndo ini veꞌe ndo, saa ndikasi ndo yeꞌe, ta saa kaꞌan ndo xiꞌin ra. Ta Iva yo Ndioxi xíto ra ya káꞌan sěꞌe ndo xiꞌin ra, saa taxi ra ya vaꞌa ndaꞌa ndo nuu ndiꞌi naꞌa.

San Juan 1:44

Ta ra ñuu Betsaida ku ra Felipe, ikán ke̱e tu ra Andrés va xiꞌin ra Pedro.

San Juan 12:21

Saa ku̱yati na nuu ra Felipe ra ke̱e ñuu Betsaida, estado Galilea xíkan na ya mani nuu ra, káchi na saa: ―Tata, kúni nde kuni nde Jesús ―káchi na.

San Juan 14:8

Saa ndi̱kuiin ra Felipe, káꞌan ra: ―Tata, vaꞌa sinaꞌa un Iva yo Ndioxi nuu nde ta xa vaꞌa va ―káchi ra xiꞌin Jesús.

San Juan 2:25

Köo ndi̱xiniñuꞌu Jesús kuni soꞌo ra ya kaꞌan inka naꞌa xiꞌin ra xaꞌa na ivi yóꞌó, saa chi xa xíni vaꞌa va mií ra ini na.

San Juan 6:5

Saa tá ndi̱koto Jesús ta iin táꞌnda chee naꞌa ndíkun kuaꞌan nuu ra, ta saa ndi̱kaꞌan ra xiꞌin ra Felipe, káchi ra saa: ―¿Mií kuꞌun yo sata yo xita vaꞌa kuxi na? ―káchi ra.

San Juan 6:7

Saa ndi̱kuiin ra Felipe káꞌan ra: ―Tá tu ná sata yo uvi ciento denario xita vaꞌa ta ni näni ya kuxi na án nda loꞌo ya iin va na kuxi na chi yáꞌa ni kuaꞌa ku na ―káchi ra xiꞌin Jesús.

1 Corintios 14:25

Saa ndituvi ndiꞌi ya íyo sěꞌe nima na. Ñaa ndi̱kuita ndee na sikusiti na, ta xáa na xaa kaꞌnu na Ndioxi. Saa kaꞌan na ya ndaa ni kua íyo Ndioxi xiꞌin ndo.

1 Corintios 4:5

Xaꞌa ya ñaa kua káꞌan i xiꞌin ndo, táxi i nuu ndo. Käꞌan kama ni ndo xaꞌa naꞌa ya xaa nani ndo kuachi xiꞌin na. Kundatun ndo nda ná xinu mií tiempo ya ndiko koo Tata yo Jesucristo, chi mií ra ku ra sindiyeꞌe ndiꞌi saa kúu. Ta saa kua ndituvi ndiꞌi ñaꞌa ya íyo sěꞌe vitin. Ta saa kua ndituvi nda ñaꞌa ya íyo sěꞌe nima naꞌa, ndá kuꞌva ku ya ndíkani ini na. Ta suvi mií tiempo ikán kua xaa kaꞌnu Ndioxi naꞌa, tá kuꞌva íyo ya i̱kan na, saa koo ya ikan ra xiꞌin na.