San Juan 1:45 - Xochapa Mixteco

⁴⁵ Ta ndi̱taꞌan ra Felipe ra Natanael saa ndi̱kaꞌan ra xiꞌin ra, káchi ra saa: ―Ndi̱kitaꞌan nde xiꞌin taa, ra ta̱a ra Moisés xaꞌa xiꞌin ya ta̱a nda profeta ndi̱kaꞌan ndoso tuꞌun yuꞌu Ndioxi xinaꞌa. Ta Jesús náni ra, seꞌe ra José ra ñuu Nazaret ku ra ―káchi ra Felipe xiꞌin ra.

San Juan 1:45 Iomraidhean Croise

San Mateo 10:3

Xiꞌin ra Felipe, inka ra náni Bartolomé xiꞌin ra Tomás tin inka ra náni Mateo, ra ndíkaya xuꞌun nuu na gobierno, inka ra náni Jacobo seꞌe ra Alfeo ku ra, xiꞌin ra Lebeo, ra káꞌan na xiꞌin Tadeo.

San Mateo 13:55

¿Án süvi Jesús seꞌe ra José ra xáa chiñu xiꞌin itun ku ra yóꞌó? ¿Ta án süvi siꞌí ra ku yá María, ta ñani ra ku ra Jacobo xiꞌin ra José tin ra Simón xiꞌin ra Judas?

San Mateo 2:23

Tá ndi̱xaa ra ikán ta ndi̱kiꞌin ra kuaꞌan ra koo ra ñuu Nazaret ya ndíkaa estado Galilea, saa ndi̱xinu tuꞌun ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, ka̱chi nda saa: “Ra tiꞌvi Ndioxi sikaku na ñuu ivi ta ra ñuu Nazaret ku ra”, káchi tuꞌun Ndioxi ya ta̱a na xinaꞌa.

San Mateo 21:11

Saa ndi̱kuiin na kuaꞌan xiꞌin Jesús, káꞌan na: ―Jesús, ra profeta ku ra, ra ke̱e ñuu Nazaret estado Galilea ku ra ―káchi na.

San Marcos 14:67

Tá xi̱ni yá ra Pedro ndísaa ra nuu ñu̱ꞌu̱, saa ndi̱koto yá nuu ra ta ndi̱kaꞌan yá xiꞌin ra, káchi yá saa: ―Ra xi̱taꞌan xiꞌin Jesús ra ñuu Nazaret ku tu yóꞌo̱ va ―káchi yá xiꞌin ra.

San Marcos 6:3

Ta süvi chiñu ndee vi kúu mií ra xiꞌin itun va xáa chiñu ra. Án su seꞌe yá María va ku ra, ta xíni tu yo nda ñani va ra, ra Jacobo, xiꞌin ra José tin ra Judas xiꞌin ra Simón. Xíni tu yo ná kuꞌva va ra ―káchi na. Ta xa̱á káꞌan ni na xaꞌa ra.

San Lucas 18:37

Saa ndi̱kaꞌan na xiꞌin ra: ―Ra Jesús, ra ke̱e ñuu Nazaret ku ra yáꞌa kuaꞌan ―káchi na xiꞌin ra.

San Lucas 2:4

Ta xaꞌa ya ikán kua ke̱e ra José ñuu Nazaret ya ndíkaa estado Galilea. Ta ndi̱kiꞌin ra kuaꞌan ra kaꞌi kivi ra ñuu Belén ya ndíkaa estado Judea, nuu ka̱ku ra rey David, xii sikua ra.

San Lucas 2:48

Ta saa xa̱a iva siꞌí ra nuu índuꞌu ra, ndi̱kanda ni ini na xiꞌin ra. Ñaa ndi̱kaꞌan siꞌí ra xiꞌin ra, káchi yá saa: ―¿Ndachu i̱kan un saa xiꞌin nde, iva? Tata un tin yeꞌe ndúku ka vi nde yóꞌo̱, saa ndíꞌi ka vi ini nde xaꞌa un ―káchi yá xiꞌin ra.

San Lucas 24:27

Saa xa̱á ra sínaꞌa ra nda, xiꞌna ya ta̱a ra Moisés kua xa̱á ra ndíkani ra nuu nda, saa sínaꞌa ndiꞌi ka ra nda unkua káchi ndiꞌi tuꞌun Ndioxi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, nuu káꞌan ndiꞌi ya xaꞌa mií ra.

San Lucas 24:44

Tá ndi̱ꞌi, saa ndi̱kaꞌan ra xiꞌin na, káchi ra saa: ―Ndiꞌi ya ndo̱ꞌo i, tá íyo ndiꞌi ya ndi̱kaꞌan i xiꞌin ndo yachi saa ndi̱xiyo ya. Saa chi ndi̱kaꞌan i xiꞌin ndo: Nduxa sixinu ndiꞌi i ya ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xiꞌin ya íyo nuu tutu salmos, soꞌva íyo ya ndi̱kaꞌan i xiꞌin ndo yachi ―káchi ra xiꞌin na.

San Lucas 3:23

Saa tá ndi̱xinu Jesús oko uxi kuiya ra ta saa xa̱á ra sínaꞌa ra na ivi. Ta xíka ini na seꞌe ra José ku Jesús, káchi na. Ta ra José ku seꞌe ra Elí.

San Lucas 4:22

Ta ndiꞌi na xi̱ni soꞌo ya ndi̱kaꞌan ra vaꞌa ka vi káꞌan na xaꞌa ra. Saa ndi̱kanda ni ini na ndóo na, chi vaꞌa ni káꞌan ra. Ñaa ndi̱ndakan tuꞌun taꞌan na, káchi na saa: ―¿Án süvi seꞌe ra José ku ra yóꞌó? Ta ¿ndachu vaꞌa xíni ni ra? ―káchi na.

San Juan 1:44

Ta ra ñuu Betsaida ku ra Felipe, ikán ke̱e tu ra Andrés va xiꞌin ra Pedro.

San Juan 12:21

Saa ku̱yati na nuu ra Felipe ra ke̱e ñuu Betsaida, estado Galilea xíkan na ya mani nuu ra, káchi na saa: ―Tata, kúni nde kuni nde Jesús ―káchi na.

San Juan 14:8

Saa ndi̱kuiin ra Felipe, káꞌan ra: ―Tata, vaꞌa sinaꞌa un Iva yo Ndioxi nuu nde ta xa vaꞌa va ―káchi ra xiꞌin Jesús.

San Juan 18:5

Saa ndi̱kuiin nda káꞌan nda: ―Ra Jesús ñuu Nazaret ndúku nde ―káchi nda. Ñaa ndi̱kuiin ra, káꞌan ra: ―Yeꞌe ku i ―káchi ra xiꞌin nda. Ta ndíkaa tu ra Judas, ra ndi̱xiko ñaꞌa va, tañu nda.

San Juan 18:7

Saa ndi̱kaꞌan tuku Jesús xiꞌin nda, káchi ra saa: ―¿Unku na ndúku ndo? ―káchi ra xiꞌin nda. Saa ndi̱kuiin nda káꞌan nda: ―Ra Jesús ke̱e ñuu Nazaret ku ra ndúku nde ―káchi nda.

San Juan 19:19

Saa xa̱ꞌnda chiñu ra Pilato ya chinuu na iin vitun xiní cruzin nuu ínuu Jesús. Ta xa̱ꞌnda ra chiñu ya ná ta̱a na letra nuu nu kachi ya saa: “Jesús ra ke̱e ñuu Nazaret, ra ku rey na judío ku ra yóꞌó”, káchi ya.

San Juan 21:2

Ta iin káchi íyo ra Simón Pedro xiꞌin ra Tomás, ra káꞌan na xiꞌin Dídimo, xiꞌin inka ra Natanael, ra ñuu Caná, estado Galilea. Saa íyo uvi saa nda seꞌe ra Zebedeo xiꞌin inka uvi nda xi̱taꞌan xiꞌin Jesús.

San Juan 6:42

Saa ndikaꞌan na káchi na saa: ―¿Án süvi Jesús seꞌe ra José va ku ra? Xíni va yo iva ra tin siꞌí ra. Ta ¿ndachu káꞌan ra ke̱e ra nuu ndivi? ―káchi na.

San Juan 6:5

Saa tá ndi̱koto Jesús ta iin táꞌnda chee naꞌa ndíkun kuaꞌan nuu ra, ta saa ndi̱kaꞌan ra xiꞌin ra Felipe, káchi ra saa: ―¿Mií kuꞌun yo sata yo xita vaꞌa kuxi na? ―káchi ra.

San Juan 6:7

Saa ndi̱kuiin ra Felipe káꞌan ra: ―Tá tu ná sata yo uvi ciento denario xita vaꞌa ta ni näni ya kuxi na án nda loꞌo ya iin va na kuxi na chi yáꞌa ni kuaꞌa ku na ―káchi ra xiꞌin Jesús.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

Los Hechos 2:22

’Nda taꞌan yo nda ñuu Israel, kuni soꞌo ndo ya kaꞌan i xiꞌin ndo xaꞌa Jesús, ra ñuu Nazaret. Iin taa ra vaꞌa ni ku ra. Suvi mií Ndioxi ku ra ndi̱kaxin ra i̱kan ra kuaꞌa ni ya vaꞌa, chi̱ndee ni ra yoo, i̱kan ni ra yatuꞌun Ndioxi nuu yo. Ta tixin ndiꞌi ya yóꞌó si̱naꞌa Ndioxi yoo ndá taa ku Jesús.

Los Hechos 22:8

Saa ndi̱kuiin i káꞌan i: “¿Unku yóꞌo̱, tata?”, káchi i. Ñaa ndi̱kaꞌan ra xiꞌin i: “Yeꞌe ku Jesús, ra ñuu Nazaret, ta suvi yeꞌe ku ra ndíkun un xíka un sítixuꞌvi ni un”, káchi ra xiꞌin i.

Los Hechos 26:9

Saa káꞌan ka ra Pablo xiꞌin na, káchi ra saa: ―Soꞌva ndi̱kani ini yeꞌe tá yachi xaꞌa kivi Jesús, ra ñuu Nazaret. Ndi̱kani ini i ya xíniñuꞌu i sindiꞌi xaꞌa i ichí ikán.

Los Hechos 3:6

Ta saa ndi̱kaꞌan ra Pedro xiꞌin ra, káchi ra saa: ―Köo xuꞌun ndíso nde taxi nde ndaꞌa un, sundi ya kúu mií nde ta taxi nde ya ndaꞌa un. Kuandikoo kundichi kaka un tixin kivi Jesucristo, ra ñuu Nazaret, káꞌan i xiꞌin un ―káchi ra Pedro xiꞌin ra.