San Juan 1:44 - Xochapa Mixteco

⁴⁴ Ta ra ñuu Betsaida ku ra Felipe, ikán ke̱e tu ra Andrés va xiꞌin ra Pedro.

San Juan 1:44 Iomraidhean Croise

San Mateo 10:3

Xiꞌin ra Felipe, inka ra náni Bartolomé xiꞌin ra Tomás tin inka ra náni Mateo, ra ndíkaya xuꞌun nuu na gobierno, inka ra náni Jacobo seꞌe ra Alfeo ku ra, xiꞌin ra Lebeo, ra káꞌan na xiꞌin Tadeo.

San Mateo 11:21

―¡Ndaꞌvi ni ndóꞌo̱ na ñuu Corazín! ¡Ndaꞌvi ni ndóꞌo̱ na ñuu Betsaida! Chi vaxi kivi tixuꞌvi ni ndo. Xinaꞌa tá ndi̱xini na ñuu Tiro xiꞌin na ñuu Sidón taꞌan yatuꞌun xíto ndo vitin, ta ndá tiempo vi ndi̱ko koo ini na ikán xaꞌa kuachi na, xa ndi̱kundixi na toto ndai ni nuu, ta xa chi̱kaa na yaa ñu̱ꞌu̱ xiní na xaꞌa ya sínaꞌa na mií na ya ndi̱ko koo ini na xaꞌa kuachi na ndikuu.

San Marcos 3:18

Inka ra náni Andrés, inka ra náni Felipe, inka ra náni Bartolomé, inka ra náni Mateo, inka ra náni Tomás, inka ra náni Jacobo, seꞌe ra Alfeo, inka ra náni Tadeo, inka ra náni Simón ra xi̱ndikaa xiꞌin na partido náni Cananeo,

San Marcos 6:45

Sindiꞌi ikán saa ndi̱kaꞌan Jesús xiꞌin nda ítaꞌan xiꞌin ra nda̱a nda sata barco. Kuaꞌan nda inka ñaꞌñu yuꞌu nduta ñûꞌu ta ka̱na koo nda kuaꞌan nda chí ñuu Betsaida. Xiꞌna nda ítaꞌan xiꞌin ra kuaꞌan, saa ndi̱ndoo siín mií ra ndái ra naꞌa.

San Marcos 8:22

Saa tá ndi̱xaa Jesús ñuu Betsaida, ta ndáka na iin ra kuáa̱ ndi̱xaa xiꞌin na nuu ra. Ta saa xáku ndaꞌvi na nuu Jesús ya ná tiin ndaa loꞌo ñaꞌa ra ta nduvaꞌa ra.

San Lucas 10:13

Saa xa̱á ra káꞌan ra, káchi ra saa: ―¡Ndaꞌvi ni ndóꞌo̱ ñuu Corazín xiꞌin ndóꞌo̱ ñuu Betsaida! Saa chi kuaꞌa ni ka ya vaꞌa i̱kan i ñuu ndóꞌo̱ ta köo ndi̱ndiko koo ini ndo. Na ñuu Tiro xiꞌin na ñuu Sidón kini ni ivi ku tu na ikán va, tá tu ndi̱kan i taꞌan ya íkan i ñuu ndo yóꞌó nuu na ikán, ta xa yachi vi ndi̱ko koo na nuu Ndioxi. Xa ndi̱kundixi na tikoto ndai ni nuu, ndi̱kundoo na nuu yaa ñu̱ꞌu̱, ya sínaꞌa na mií na ndi̱ko koo na nuu Ndioxi, ndikuu.

San Lucas 6:14

Ta ya yóꞌó ku kivi nda ikán. Iin ra náni Simón, ta ndi̱sama Jesús kivi ra náni ra Pedro, inka ra náni Andrés ñani ra Simón, inka ra náni Jacobo, inka ra náni Juan, inka ra náni Felipe, inka ra náni Bartolomé,

San Lucas 9:10

Tá ndi̱ko koo uxi uvi saa nda ítaꞌan xiꞌin Jesús, saa ndi̱tuꞌun ndiꞌi nda xiꞌin ra ya i̱kan nda nuu ndi̱xaꞌan nda ndi̱kaꞌan ndoso nda xiꞌin naꞌa xaꞌa ichí Ndioxi. Ta saa ndi̱kuiso ra nda kuaꞌan nda xiꞌin ra iin ñuu náni Betsaida, iin ñaꞌñu nuu köo nda iin naꞌa.

San Juan 1:43

Ta ndi̱tuvi inka kivi ku̱ni Jesús kuꞌun ra estado Galilea, ta saa ndi̱taꞌan ra, ra Felipe. Ta ndi̱kaꞌan ra xiꞌin ra, káchi ra saa: ―Naꞌa koꞌyo xiꞌin i ―káchi Jesús xiꞌin ra.

San Juan 1:45

Ta ndi̱taꞌan ra Felipe ra Natanael saa ndi̱kaꞌan ra xiꞌin ra, káchi ra saa: ―Ndi̱kitaꞌan nde xiꞌin taa, ra ta̱a ra Moisés xaꞌa xiꞌin ya ta̱a nda profeta ndi̱kaꞌan ndoso tuꞌun yuꞌu Ndioxi xinaꞌa. Ta Jesús náni ra, seꞌe ra José ra ñuu Nazaret ku ra ―káchi ra Felipe xiꞌin ra.

San Juan 1:46

Saa ndi̱kuiin ra Natanael káꞌan ra: ―¿Án ñuu Nazaret, káchi un? ¿Án vaꞌa ta kana iin taa, ra vaꞌa, ñuu Nazaret? ―káchi ra. Saa ndi̱kaꞌan ra Felipe xiꞌin ra, káchi ra saa: ―Naꞌa, kuni un ―káchi ra xiꞌin ra.

San Juan 1:48

Saa ndi̱kaꞌan ra Natanael, káchi ra saa: ―¿Ndachu vaꞌa xíni un yeꞌe? ―káchi ra. Ta ndi̱kuiin Jesús káꞌan ra: ―Yachi ka tá täꞌan kana ra Felipe yóꞌo̱ vi kua, xi̱ni i yóꞌo̱ íyo un xaꞌa itun higo ―káchi Jesús xiꞌin ra.

San Juan 12:21

Saa ku̱yati na nuu ra Felipe ra ke̱e ñuu Betsaida, estado Galilea xíkan na ya mani nuu ra, káchi na saa: ―Tata, kúni nde kuni nde Jesús ―káchi na.

San Juan 12:22

Saa ndi̱kaꞌan ra xiꞌin ra Andrés. Ñaa ndi̱xaꞌan uvi saa nda ndi̱kaꞌan nda xiꞌin Jesús.

San Juan 6:5

Saa tá ndi̱koto Jesús ta iin táꞌnda chee naꞌa ndíkun kuaꞌan nuu ra, ta saa ndi̱kaꞌan ra xiꞌin ra Felipe, káchi ra saa: ―¿Mií kuꞌun yo sata yo xita vaꞌa kuxi na? ―káchi ra.

San Juan 6:7

Saa ndi̱kuiin ra Felipe káꞌan ra: ―Tá tu ná sata yo uvi ciento denario xita vaꞌa ta ni näni ya kuxi na án nda loꞌo ya iin va na kuxi na chi yáꞌa ni kuaꞌa ku na ―káchi ra xiꞌin Jesús.

Los Hechos 1:13

Saa tá ndi̱xaa nda ñuu Jerusalén, ta nda̱a nda piso ni̱nu̱ nuu ndóo nda. Ta nda ndi̱xaa ikán ku nda, kúu ra Pedro, tin ra Jacobo, xiꞌin ra Juan, inka ra Andrés, tin ra Felipe, xiꞌin ra Tomás, tin ra Bartolomé, xiꞌin ra Mateo, tin ra Jacobo seꞌe ra Alfeo, inka ra Simón ra Zelote ra ka̱nitaꞌan xiꞌin na chiñu nuu gobierno ndi̱xiyo ra ikán, tin inka ra Judas ñani ra Jacobo.