San Juan 1:42 - Xochapa Mixteco

⁴² Ta saa ndi̱kundaka ra Andrés, ra Simón ñani ra kuaꞌan xiꞌin ra nuu Jesús. Tá ndi̱xaa nda, ta ndi̱koto vaꞌa Jesús nuu ra saa ndi̱kaꞌan ra xiꞌin ra, káchi ra saa: ―Yóꞌo̱ ku Simón, seꞌe ra Jonás, ta vitin kunani un Cefas ―káchi ra xiꞌin ra. (Ta Cefas kúni kachi ya “Pedro”).

San Juan 1:42 Iomraidhean Croise

San Mateo 10:2

Ta ya yóꞌó ku kivi nda ikán, ra núnu̱ú ku ra Simón, ra káꞌan na xiꞌin Pedro xiꞌin ñani ra, ra Andrés, xiꞌin ra Jacobo xiꞌin ra Juan ñani ra, nda seꞌe ra Zebedeo ku uvi saa nda ikán.

San Marcos 3:16

Ya yóꞌó ku kivi uxi uvi saa nda ikán: Iin ra náni Simón ta chi̱nuu Jesús inka kivi väꞌa ra náni ra Pedro,

San Lucas 5:8

Ta saa tá xi̱ni ra Simón Pedro ya ndo̱ꞌo nda, ñaa ndi̱xaa ra si̱kusiti ra nuu Jesús, káchi ra saa: ―Tata, yóꞌo̱ ta ra vaꞌa ku un, ra i̱í ku un, yakan vaꞌa ka kuataꞌa nuu i chi küvi kitaꞌan i xiꞌin un chi süvi ra vaꞌa ku i, ra íyo kuachi ku i ―káchi ra xiꞌin Jesús.

San Lucas 6:14

Ta ya yóꞌó ku kivi nda ikán. Iin ra náni Simón, ta ndi̱sama Jesús kivi ra náni ra Pedro, inka ra náni Andrés ñani ra Simón, inka ra náni Jacobo, inka ra náni Juan, inka ra náni Felipe, inka ra náni Bartolomé,

San Juan 13:18

’Süvi xaꞌa ndiꞌi ndo káꞌan i, chi yeꞌe ta xa xíni va i unku ndóꞌo̱ ndi̱kaxin i. Ta ndixa xíniñuꞌu xinu nuu tuꞌun Ndioxi ya ta̱a na xinaꞌa, káchi ya saa: “Iin taa, ra xíxi xita vaꞌa xiꞌin i ku ra ndi̱kiꞌvi kuachi xiꞌin i”, káchi tuꞌun Ndioxi.

San Juan 21:2

Ta iin káchi íyo ra Simón Pedro xiꞌin ra Tomás, ra káꞌan na xiꞌin Dídimo, xiꞌin inka ra Natanael, ra ñuu Caná, estado Galilea. Saa íyo uvi saa nda seꞌe ra Zebedeo xiꞌin inka uvi nda xi̱taꞌan xiꞌin Jesús.

San Juan 4:16

Saa ndi̱kuiin Jesús káꞌan ra: ―Kuáꞌan kaꞌan xiꞌin ií un ná kixi ra xiꞌin un ―káchi ra xiꞌin yá.

1 Corintios 1:12

Ta ya káꞌan i xiꞌin ndo ku ya yóꞌó, chi väꞌa íkan sava ndo chi káꞌan ndo soꞌva: “Yeꞌe, ta ra Pablo ndíkun i”, káchi ndo. Ta sava tuku ndo káꞌan “Yeꞌe ta ra Apolos ndíkun i”, káchi ndo. Ta sava tuku ndo káꞌan: “Yeꞌe, ta ra Pedro ndíkun i”, káchi ndo. Ta sava tuku ndo káꞌan “Yeꞌe ta Cristo ku ra ndíkun i”, káchi ndo.

1 Corintios 15:5

Ta xiꞌna nuu ra Pedro ndi̱tuvi ra, saa ndi̱tuvi ra nuu uxi uvi saa nda xi̱taꞌan xiꞌin ra.

1 Corintios 3:22

Tá kúu yeꞌe Pablo xiꞌin ra Apolos, xiꞌin ra Pedro tin ñuu ivi yóꞌó, saa tu ya táku yo, xiꞌin ya xáꞌni yoo, saa tu tiempo ya ndóo yo vitin, xiꞌin ya kuu tiempo ya vaxi. Ndiꞌi ya yóꞌó ta xaꞌa mií ndo íyo ndiꞌi ya.

1 Corintios 9:5

Ta kúu tu mií nde ichí ya ndikiꞌin nde iin yá kuꞌva yo koo yá síꞌi nde, ta kuꞌun yá xiꞌin nde ndá ka nuu kuaꞌan nde, tá kuꞌva íkan sava nda taꞌan yo tá kúu ra Pedro xiꞌin nda ñani mií Tata yo Jesucristo. Sundi ndeꞌe ta köo íkan nde saa.

Gálatas 1:18

Ndi̱yaꞌa uni kuiya, saa ke̱e i ndi̱xaꞌan i ñuu Jerusalén ya kuni taꞌan i xiꞌin ra Pedro, saa ndi̱ndoo i ndi̱xiyo i xiꞌin ra xaꞌun kivi.

Gálatas 2:11

Tá ndi̱xaꞌan ra Pedro ñuu Antioquía xi̱to ra na veꞌe ñuꞌu ikán, ta ndi̱ndaꞌi va yeꞌe xiꞌin ra, chi väꞌa ndíkan ra.

Gálatas 2:9

Ta nda ñani yo ra Jacobo xiꞌin ra Pedro tin ra Juan, nda ikán ku nda ndíso chiñu xiꞌin na veꞌe ñuꞌu ñuu Jerusalén. Saa ndi̱kuni nda ikán yeꞌe ya ta̱xi Ndioxi chiñu ndaꞌa i xáa chiñu i nuu ra, ñaa ti̱in nda ndaꞌa i xiꞌin ra Bernabé ñani yo, ya ná kuꞌun ndeꞌe xaa chiñu nde xiꞌin na köo kúu judío ta mií nda ku nda xaa chiñu xiꞌin na judío.